ސީގަލް މެރިންގެ ފިހާރައެއް ހުޅުމާލޭގައި ހުޅުވައިފި

ސީގަލް މެރިންގެ ފިހާރައެއް މިދިޔަ އާދިއްތަ ދުވަހު ހުޅުމާލޭގައި ހުޅުވައިފި އެވެ.

ސީގަލް މެރިން އިން ބުނީ ހުޅުމާލޭގައި ފިހާރައެއް ހުޅުވީ އެ ކުންފުނިން ވިއްކާ ތަކެއްޗަށް އޮންނަ ޑިމާންޑް ބޮޑުވަމުންދާތީ، ހުޅުމާލޭގެ ކަސްޓަމަރުންނަށް ފަސޭހަ ގޮތެއްގައި ހިދުމަތް ފޯރުކޮށް ދިނުމަށް ކަމަށެވެ.

ހުޅުމާލޭގައި ހުޅުވި ސީގަލް މެރިންގެ ފިހާރަ ހުންނަނީ ހުޅުމާލޭގެ މައި މަގު ކަމަށް ވާ، ނިރޮޅުމަގު 19، ސްލޮޓް ނަންބަރު 11048 ގަ އެވެ.

ސީގަލް މެރިން އިން ބުނި ގޮތުގައި ވަރަށް ގިނަ އުޅަނދުފަހަރު ހުޅުމާލޭ ފަޅުގައި ބަނދަރުކުރާތީ އެ ފިހާރައިގެ ސަބަބުން ކަސްޓަމަރުންނަށް އިތުރަށް ފަސޭހަވާނެ އެވެ.

ސީގަލް މެރިން އިން ވިއްކާ ސިގްމާ ޑެކޮރޭޓިވް ޕެއިންޓްގެ ކުލަ އުފައްދާ މެޝިނެއް އަލަށް ހުޅުވި ފިހާރައިގައި ވެސް ހުރެ އެވެ. އޭގެ އިތުރުން ސީގަލް މެރިންގެ ކަސްޓަމަރުންގެ މެދުގައި މަގުބޫލު ބައެއް ބްރޭންޑްތައް ކަމުގައިވާ އިންޓަނޭޝަނަލް ޕެއިންޓް، ޕްލާސްޓިމޯ، ޕޮލިފޯމް ފެންޑާސް، ރޫލް ޕަންޕްސް، ސިކާ މެރިން، ޖަބްސްކޯ ފަދަ މަރުކާގެ ތަކެތި ވެސް ހުޅުމާލޭ ފިހާރައިން ލިބެން ހުންނާނެ ކަމަށް ވެސް އެ ކުންފުނިން ބުނެ އެވެ.

ސީގަލް މެރިންނަކީ ބޯޓާއި ސަފާރީ ބޯޓު ބަނުމަށް ބޭނުންވާނެ ތަކެއްޗާއި، ނެވިގޭޝަން އިކުއިޕްމެންޓް އިމްޕޯޓުކޮށް ހޯލްސޭލް އަދި ރީޓެއިލް ކުރުމުގައި ރާއްޖޭގެ މަޝްހޫރު ކުންފުންޏެކެވެ. އެ ވިޔަފާރީގައި އުޅޭތާ 30 އަހަރަށް ވުރެ ގިނަ ދުވަސް ވެއްޖެ އެވެ.