އެމެރިކާގެ ޓީޗަރަކު މުސްލިމް ދަރިވަރެއްގެ ބުރުގާ ބާލުވައިފި

ވާޖިނިއާ (ނޮވެމްބަރު 20) - އެމެރިކާގެ ސްކޫލެއްގެ ޓީޗަރަކު މުސްލިމް ދަރިވަރެއްގެ ބުރުގާ ބޭލުމުން އެކަމުގެ ޝަކުވާ ކޮށްފި އެވެ.

މީޑިއާ ރިޕޯޓްތައް ބުނާ ގޮތުގައި ވާޖީނިއާގެ ލޭކް ބްރެޑޮކް ހައި ސްކޫލްގެ ޓީޗަރު މުސްލިމް ދަރިވަރުގެ ބުރުގާ ބާލުވާފައި ވަނީ ރަހުމަތްތެރިންތަކަކާ އެކު ތިއްބަ އެވެ. ދަރިވަރު ޓްވީޓްކުރި ގޮތުގައި އޭނާގެ ބުރުގާ އަށް ދަމައިގަތުމަށް ފަހު ޓީޗަރު ވަނީ އިސްތަށިގަނޑާ ކުޅެފަ އެވެ. ދަރިވަރު ފަހުން ވަނީ ފޯނުކޮށްފައި އޭނާގެ ބެލެނިވެރިންނަށް އެކަމުގެ ޝަކުވާ ކޮށްފަ އެވެ.

ޓީޗަރު ބުނި ގޮތުގައި އޭނާ ހީކުރީ ދަރިވަރުގެ ބުރުގާ މަތިން ހުޑެއް އަޅައިގެން ހުރި ކަމަށެވެ. އަދި ހުޑަށް ދަމައިގަތުމުން ބުރުގާ ބޭލުނީ ކަމަށް ޓީޗަރު ބުންޏެވެ.

މި ހާދިސާ އަށް ފަހު މުސްލިމް ޖަމާއަތްތަކުން ވަނީ ނުރުހުން ފާޅުކޮށްފަ އެވެ. އަދި ސްކޫލުން ވެސް ވަނީ އެކަން ކުށްވެރިކޮށްފަ އެވެ. ސްކޫލުގެ ޕްރިންސިޕަލް ޑޭވިޑް ތޯމަސް ވިދާޅުވީ ޓީޗަރު ކުރީ ކުރުން އެކަށީގެންނުވާ ވަރުގެ އަމަލެއް ކަމަށާއި އަދި އެ ޓީޗަރު ވަނީ ދަރިވަރާއި އާއިލާގެ ކިބައިން މައާފަށް އެދިފައި ކަމަށެވެ.