26 ޖޫން 2024
ސިހުރު ހެދި ކަމުގެ ތުހުމަތުގައި ސްޓޭޓް މިނިސްޓަރު ފާތިމަތު ޝަމްނާޒް އަލީ ސަލީމް ހައްޔަރުކޮށް، ޖިނާއީ މައްސަލައެއް ފުލުހުން ތަހުގީގު ކުރަން ފަށައިފި އެވެ.
ސިހުރު ހެދި ކަމުގެ ތުހުމަތުގައި ސްޓޭޓް މިނިސްޓަރު ފާތިމަތު ޝަމްނާޒް އަލީ ސަލީމް ހައްޔަރުކޮށް، ޖިނާއީ މައްސަލައެއް ފުލުހުން ތަހުގީގު ކުރަން ފަށައިފި އެވެ.
ފުލުހުންގެ ތަރުޖަމާނު އަހުމަދު ޝިފާން މިއަދު ވިދާޅުވީ، ޝަމްނާޒް އާއި އިތުރު ދެ މީހެއްގެ މައްސަލަ ތަހުގީގު ކުރަމުން އަންނަ ކަމަށެވެ. އެ ތިން މީހުން މިދިޔަ އާދިއްތަ ދުވަހު ހައްޔަރުކޮށް، ތަހުގީގުގެ ބޭނުމަށް ހަތް ދުވަހުގެ މުއްދަތަށް ބަންދުގައި ބޭތިއްބުމުގެ ހުއްދަ ހުޅުމާލޭ މެޖިސްޓްރޭޓް ކޯޓުން ދީފައިވާ ކަމަށް ފުލުހުން ބުންޏެވެ.
ނަމަވެސް އެ މައްސަލައިގެ ތަފުސީލެއް ފުލުހުން އަދި ހާމައެއް ނުކުރެ އެވެ.
އެކަމަކު، ފުލުހުންގެ އޮފިސަރަކު "މިހާރު" ޔަގީންކޮށް ދެއްވި ގޮތުގައި ޝަމްނާޒްއާ ގުޅޭ ގޮތުން ބަލަމުން ދަނީ ސިހުރު ހެދި ކަމުގެ މައްސަލައެކެވެ.
ޝަމްނާޒްއަކީ ރައީސް އޮފީހުގެ މިނިސްޓަރު އާދަމް ރަމީޒުގެ ކުރީގެ އަނބިކަނބަލުންނެވެ. އެ ދެ ބޭފުޅުންގެ ދަރިން ވެސް ތިބިއިރު، މި ފަހުން ވަނީ ވަރިކޮށްފަ އެވެ. އެނގިފައިވާ ގޮތުގައި، ޝަމްނާޒް ހައްޔަރުކޮށްފައިވާ މައްސަލައިގައި ރަމީޒުގެ މައްޗަށް އެއްވެސް ތުހުމަތެއް ނެތެވެ. ތަހުގީގު ކުރާ މީހުންގެ ތެރޭގައި ރަމީޒުގެ ނަމެއް ނެތެވެ.
މީގެ ކުރިން ޝަމްނާޒް ހުންނެވީ މާލެ ސިޓީ ކައުންސިލްގެ މެންބަރަކަށެވެ. ރައީސް މުއިއްޒު ވެރިކަމަށް ވަޑައިގެންނެވުމުން އޭނާ އެ މަގާމުން އިސްތިއުފާ ދެއްވި އެވެ. ޝަމްނާޒް އެންމެ ފުރަތަމަ އައްޔަން ކުރެއްވީ މުލީއާގެއަށެވެ.
ޝަމްނާޒް ފަހުން ވަނީ ރިޔާސީ ގަނޑުވަރު މުލީއާގެ އިން ތިމާވެއްޓާ ބެހޭ މިނިސްޓްރީގެ ސްޓޭޓްގެ މިނިސްޓަރަކަށް އައްޔަންކޮށްފަ އެވެ.
ސްކޭމްގެ ތުހުމަތެއްގައި މީހަކާ ދެކޮޅަށް އަޑުއުފުލަނީ
ހައްޔަރުކުރާ މީހުންގެ ވަނަވަރު އާންމުކުރަން ފަށައިފި
ގޭންގުތަކާއި މީހުންގެ ނަންތައް އާއްމުކުރާނަން: އިހުސާން
ވައިގެމަގުން ގެނައި ރެކޯޑް އަދަދެއްގެ ޑްރަގް އަތުލައިފި
ބަރަހާނަކޮށް ބިރުދައްކައިގެން ފޭރުނު ބަޔަކު ހައްޔަރު
ހަށިވިއްކުމުގެ ތުހުމަތުގައި ރަސްދޫން 3 މީހުން ހައްޔަރު
ކޭއެފްސީއަށް ގެއްލުންދިން މީހާގެ ބަންދަށް 30 ދުވަސް
ހުޅުމާލެ2: ކުށްވެރިން އަތްގަދަކޮށް ކުށުގެ ވެއްޓަކަށް!
އޮޅުވާލައިގެން ޑޮލަރު ވިޔަފާރިކުރި މީހަކު ހައްޔަރުކޮށްފި
މީހަކު ރަހީނުކޮށްގެން ގެންގުޅުނު ބަޔަކު ހައްޔަރުކޮށްފި