26 މާޗް 2024
ހުޅުމާލޭ ދެ ވަނަ ފިޔަވަހީގައި އަންހެން ކުއްޖަކަށް ފުލުހަކު އަނިޔާކުރި ކަމަށް ބުނެ ސޯޝަލް މީޑިއާގައި ވާހަކަ ދެކެވުނަސް އެކަން ހިނގީ ޗެކް ޕޮއިންޓަކުން ސައިކަލް ހުއްޓަން އެންގުމުން ފިލައިގެން ދާން އުޅުމުގެ ތެރޭގައި ސައިކަލުން ވެއްޓިގެން ކަމަށް ފުލުހުން މިއަދު ބުނެފި އެވެ.
ހުޅުމާލޭ ދެ ވަނަ ފިޔަވަހީގައި އަންހެން ކުއްޖަކަށް ފުލުހަކު އަނިޔާކުރި ކަމަށް ބުނެ ސޯޝަލް މީޑިއާގައި ވާހަކަ ދެކެވުނަސް އެކަން ހިނގީ ޗެކް ޕޮއިންޓަކުން ސައިކަލް ހުއްޓަން އެންގުމުން ފިލައިގެން ދާން އުޅުމުގެ ތެރޭގައި ސައިކަލުން ވެއްޓިގެން ކަމަށް ފުލުހުން މިއަދު ބުނެފި އެވެ.
އާރުޑީސީގެ ކުރީގެ މެނޭޖިން ޑިރެކްޓަރު މޫސާ އަލި މަނިކު (މޫކޭ) އެކްސްގައި ކުރެއްވި ޕޯސްޓެއްގައި އޮތް ގޮތުން 17 އަހަރުގެ އަންހެން ކުއްޖަކަށް ފުލުހަކު އަނިޔާކުރުމުން ހުޅުމާލެ 2 ގެ ޕޮލިސް ސްޓޭޝަން ކައިރިއަށް ބަޔަކު އެއްވި އެވެ.
ރޭ މެންދަމު 1:20 ގައި ކުރި ޕޯސްޓާ އެކު އާންމުކުރި ފޮޓޯގައި ޕޮލިސް ސްޓޭޝަން ކައިރިއަށް މީހުން އެއްވެ ތިބިތަން ވެސް ފެނެ އެވެ. މޫކޭ ވިދާޅުވެފައި އޮތީ ފުލުހުންގެ ފަރާތުން ފެންނަނީ ކުއްޖާއަށް ރައްކާތެރިކަން ކަށަވަރުކޮށްދިނުމުގެ ބަދަލުގައި ޕޮލިސް އޮފިސަރު ހިމާޔަތްކޮށް ހެކި ނައްތާލަން މަސައްކަތްކުރާ ހަޑި މަންޒަރު ކަމަށެވެ.
"ކުޑަކުދިންނަށް އަނިޔާކުރުން ހަރުކަށި އިބާރާތުން ކުއްވެރިކުރަން،" މޫކޭގެ ޕޯސްޓުގައިވެ އެވެ.
ހުޅުމާލެ ދެވަނަ ފިޔަވަހީގައި 17 އަހަރުގެ އަންހެން ކުއްޖަކަށް @PoliceMv އޮފިޝަލަކު އަނިޔާކުރި މައްސަލައެއްގެ ނުރުހުން ރައްޔިތުން ދަނީ ފާޅުކުރަމުން. ފުލުހުންގެ ފަރާތުން ފެނިގެންދަނީ ކުއްޖާގެ ރައްކާތެރިކަން ކަށަވަރު ކުރުމުގެ ބަދަލުގައި ފުލުސް އޮފިޝަލް ހިމާޔަތްކޮށް ހެކި ނައްތާލުމަށް… pic.twitter.com/KFXjVyXSrw
— Moosa Ali Manik ?? (@VMookey) March 25, 2024
އެ ޕޯސްޓުގައި ހާދިސާގެ ތަފްސީލް ދީފައި ނުވިޔަސް ތުހުމަތުކުރީ ދުއްވާފައި ދިޔަ ސައިކަލެއް ވައްޓާލި ކަމަށެވެ.
އެކަމަކު ފުލުހުން ބުނި ގޮތުގައި ކަން ހިނގީ އެހެންނެއް ނޫނެވެ.
ފުލުހުންގެ ތަރުޖަމާނު އަހުމަދު ޝިފާން، "މިހާރު" އަށް ވިދާޅުވީ ހުޅުމާލޭގައި 2 ގައި ރޭ 10:00 ހާއިރު އެކަން ހިނގީ ޗެކް ޕޮއިންޓެއްގައި ތިބި ޓްރެފިކް ފުލުހުން ހުއްޓަން އެންގުމުން ވެސް ނުހުއްޓައި ބާރަށް ދުއްވާފައި ދާން އުޅެނިކޮށެވެ.
"ވެހިކަލް ޗެކް ޕޮއިންޓަކާ އަރާ ހަމަވުމުން ސައިކަލު އެކްސެލެރޭޓްކޮށް ޗެކް ޕޮއިންޓްގެ ފަހަތުގައި ތިބި ފުލުހުންގެ ގައިން ނައްޓައި ކުރިއަށް ދިއުމަށް އުޅުމުގެ ތެރޭގައި ސައިކަލް ވެއްޓިގެން ހިނގާފައިވާ ހާދިސާއެއް،" ޝިފާން ވިދާޅުވި އެވެ.
ޝިފާން ވިދާޅުވި ގޮތުގައި އެ ސައިކަލު ދުއްވާފައި ވަނީ ވެސް ލައިސަންސް ނެތް މީހެކެވެ. އަދި އެ ހާދިސާގައި އަނިޔާވުމުން ހުޅުމާލޭ ހޮސްޕިޓަލަށް ގެންގޮސް ފަރުވާ ދިން ކަމަށް ވެސް ވިދާޅުވި އެވެ.
ހުޅުމާލެ 2 އަށް އަރާ ހިސާބުގައި ކޮންމެ ރެޔަކުހެން ޓްރެފިކް ފުލުހުން އުޅަނދުތައް ހުއްޓުވައި ޗެކް ކުރެ އެވެ. ހުޅުމާލޭގައި މި ރޯދަ މަހު ވެސް ވަނީ ނުރައްކާތެރި އެކްސިޑެންޓުތަކެއް ހިނގައި މީހުންނަށް ސީރިއަސް އަނިޔާތައް ވެފަ އެވެ.
ބައުޒަރެއްގައި ސައިކަލަކުން ޖެހި ޒުވާނަކަށް އަނިޔާވެއްޖެ
ސްޕޯޓްސް ކާރު އެކްސިޑެންޓް: ދައުވާކުރަން ފޮނުވައިފި
ޓްރެފިކް ޕޮލިސް: ބޮކި ދިއްލެނީ ފާލުން ނެއްޓުނީމަތަ!
ހުޅުމާލޭގައި ނުރައްކާތެރި އެކްސިޑެންޓެއް ހިނގައިފި
އިކުރާމް އިތުރު 30 ދުވަހަށް ބަންދުކޮށްފި
ހައި ކޯޓުގައި ފުލުހުން ދޮގު ހެދިކަމުގެ ތުހުމަތު!
އެކްސިޑެންޓް މައްސަލާގައި ތިން މީހުން ވެސް ބަންދަށް
އެކްސިޑެންޓާ ގުޅިގެން ތިން މީހަކު ހައްޔަރުކޮށްފި
ސިމެންތި ގަށާ ޓްރަކެއް ފުރޮޅާލައި 2 ކުއްޖަކަށް އަނިޔާ
ކާރަކާއި ސައިކަލެއް ޖެހި، ޒުވާނަކަށް އަނިޔާތަކެއް