ޑޯސާ ހަދާނެ ގޮތް ބްރިޓްނީ ކިޔައިދީފި

އިންޑިއާގެ މަޝްހޫރު ކެއުމެއް ކަމަށްވާ ޑޯސާ ހަދާނެ ގޮތް، އެމެރިކާގެ މަޝްހޫރު ލަވަކިޔުންތެރިޔާ ބްރިޓްނީ ސްޕިއާސް ކިޔައިދީފި އެވެ.

ކުދިކުދި އެޕްލާޔަންސް ބޭނުންކޮށްގެން ކާއެއްޗެހި ހެދުމަށް މަޝްހޫރު "މިނީ ކިޗެން އިންޑިއާ" އާ ގުޅިގެން ބްރިޓްނީ ވަނީ އޭނާގެ ސޯޝަލް މީޑިއާ އަށް ހާއްސަ ވީޑިއޯއެއް ލައިފަ އެވެ. އެ ވީޑިއޯ އިން ފެންނަނީ ކުޑަކުޑަ ތަވާއެއްގައި އޭނާ ޑޯސާ ހަދާ ތަނެވެ.

އެ ވީޑިއޯ ޕޯސްޓުކުރިއިރު، އޭގެ ލަވައަކަށް ވެސް ބޭނުންކޮށްފައި ވަނީ ހިންދީ ލަވައެކެވެ. އެކަމާ ގުޅިގެން ގިނަ ބައެއްގެ ސަމާލުކަން އެ ވީޑިއޯ އަށް ލިބުނެވެ.

އެއް ބަޔަކު ބުނީ ބްރިޓްނީ ހިންދީ ލަވަ ޖަހާތީ ވަރަށް ހިތްހަމަޖެހޭ ކަމަށެވެ. އަނެއް ބަޔަކު ބުނީ އެ ވީޑިއޯ ފެނިފައި ވަރަށް ބޮޑަށް ޑޯސާ ކާހިތްވެއްޖެ ކަމަށެވެ.