ރައީސްގެ ދެކަނބަލުން ދުބާއީ އަށް

ރައީސް އިބްރާހިމް މުހައްމަދު ސޯލިހުގެ ދެކަނބަލުން ނުރަސްމީ ދަތުރުފުޅެއްގައި ދުބާއީ އަށް މިއަދު ފުރާވަޑައިގެންފި އެވެ.

ރައީސާއި ފަސްޓް ލޭޑީ ފަޒްނާ އަހުމަދު އަމިއްލަ ދަތުރުފުޅަށް ފަހު ރާއްޖެ ވަޑައިގަންނަވާނީ އަންނަ ހޮނިހިރު ދުވަހު ކަމަށް ރައީސް އޮފީހުން ބުންޏެވެ.

ރައީސް އިބްރާހިމް މުހައްމަދު ސޯލިހުގެ ކޮއްކޯފުޅު އަހުމަދު މުހައްމަދު ސޯލިހު ދުބާއީގައި އަވަހާރަވުމާ ގުޅިގެން މިދިޔަ މަހު ވެސް އެ މަނިކުފާނު އެ ގައުމަށް ވަޑައިގަތެވެ.

ރައީސްގެ ދެކަނބަލުން މި މަހުގެ 20 ވަނަ ދުވަހުން ފެށިގެން ތިން ދުވަހުގެ މުއްދަތަށް ސްރީ ލަންކާ އަށް ވެސް ނުރަސްމީ ދަތުރުފުޅެއް ކުރެއްވި އެވެ.

އެ ދަތުރުފުޅުގައި ރައީސް ވަނީ ލަންކާގެ ރައީސް ގޮތަބަޔާ ރާޖަޕަކްސާގެ އަރިހަށް އިހުތިރާމުގެ ޒިޔާރަތެއް ކުރައްވައި ކޮވިޑް-19 ކޮންޓްރޯލް ކުރުމާ ގުޅޭ ގޮތުން މަޝްވަރާ ކުރައްވައިފަ އެވެ.