ގަދަ ވައިގައި މާލެ އާއި ރަށްރަށަށް ގެއްލުންތަކެއް

ގަދަ ވައިގައި މާލެ އާއި ބައެއް ރަށްރަށަށް ގެއްލުންތަކެއް

29 މާޗް 2021

ރާއްޖެއަށް ކުރަމުން ދާ ވިއްސާރައިގެ ގަދަ ވަޔާ އެކު މާލޭގެ އެތައް ގަހެއް ވެއްޓި ގެއްލުންތަކާ ކުރިމަތިވުމާ އެކު ރައްކާތެރިކަމުގެ ފިޔަވަޅުތައް އަޅަން މާލެ ސިޓީ ކައުންސިލްގެ ޑެޕިއުޓީ މޭޔަރު ޝަމާއު ޝަރީފު މިއަދު ވިދާޅުވެއްޖެ އެވެ.

ލަމްޔާ އަބްދުﷲ

ޝަމާއު "މިހާރު" އަށް ވިދާޅުވީ ކުރިން ވެސް މާލޭގެ ބައެއް ހިސާބުތަކުން ގަސްތައް ވެއްޓޭ ކަމަށާއި ނަމަވެސް މި ފަހަރުގެ ގަދަ ވައިގައި ގަސްތައް ހުރީ މުލުން ލުހިފައި ކަމަށެވެ. އަދި ބައެއް ގޭގޭގެ ފުރާޅު އެއްލައިލުން ފަދަ ހާދިސާތަކުގެ ރިޕޯޓް ވެސް ލިބިފައިވާ ކަމަށް ވިދާޅުވި އެވެ.

It’s windy out there , be sure your property is secure.
♦️ Remove any loose roofing materials and objects in roofs, balconies, or construction sites that could blow away.
♦️Shutter windows securely and brace outside doors.
— Male' City Council (@MaleCitymv) March 29, 2021

މޫސުން ގޯސްވުމުން ރައްކާތެރިކަމުގެ ފިޔަވަޅު އަޅަން އެދި މާލެ ސިޓީ ކައުންސިލުން ކުރި ޓްވީޓެއް

އޭނާ ވިދާޅުވި ގޮތުގައި ކައުންސިލުން އަންނަނީ ވިއްސާރައިގައި މާލެއަށް ލިބުނު ގެއްލުންތަކުގެ ތަފުސީލު ހޯދަމުންނެވެ. އެކަމަކު ގަަސްތައް ވެއްޓުމުން ވެހިކަލްތަކަށް ބޮޑެތި ގެއްލުން ލިބިފައި ހުރި ކަމަށް ޝަމާއު ވިދާޅުވި އެވެ.

ވެއްޓުނު ގަސްތަކާއި އޭގެ ސަބަބުން އެފެދުނު ކުނިތައް ނެގުމުގައި ސިޓީ ކައުންސިލްގެ މުވައްޒަފުންގެ އިތުރުން ފުލުހުންނާއި ހައުސިން މިނިސްޓްރީން ވެސް އަންނަނީ ބައިވެރިވަމުންނެވެ.

ގަދަ ވައިގައި މާލޭގައި ގަސްތަކެއް ވެއްޓިފައި: ބައެއް ގޭގޭގެ ފުރާޅު ވެސް އެއްލައިލި -- ފޮޓޯ: އަހުމަދު އަވްޝަން އިލްޔާސް/ މިހާރު

"ކޮންސްޓްރަކްޝަން މަސައްކަތްކުރާ ސައިޓުތަކަށް ވެސް ގެއްލުންވެފައިވާކަމުގެ ރިޕޯޓްތައް އެބަ ލިބޭ،" ޝަމާއު ވިދާޅުވި އެވެ.

"ގަވާއިދާ އެއްގޮތަށް [ކޮންސްޓްރަކްޝަން] މަސައްކަތްކުރަމުން އައި ތަންތަނަށް ވެސް ގެއްލުން ވެފައި އެބަ ހުރި ވައި ޖެހުނުލެއް ބާރުކަމުން."

މާދަމާ ވެސް މޫސުން ގޯސްވެ، ވައި ގަދަވާނެ ކަމަށް މެޓް އޮފީހުން ލަފާކޮށްފައިވާތީ، ޝަމާއު އެދިވަޑައިގަތީ ކޮންމެ މީހަކު ވެސް އަމިއްލައަށް ރައްކާތެރިކަމުގެ ފިޔަވަޅުތައް އެޅުމަށެވެ. ޓިނު ފަދަ ތަކެތި ފަސޭހައިން ވަޔާ ނުދާނެ ގޮތަށް ހަރުކުރުމާއި، ކުޑަދޮރު ފަދަ ތަންތަން ލައްޕާފައި ބެހެއްޓުން ފަދަ ފިޔަވަޅުތައް އެޅިދާނެ ކަމަށް އޭނާ ވިދާޅުވި އެވެ.

Vissaaraigai Fuvhamulakah bodethi gellunthakeh, Haalathu varah goas

The most trusted news source in the Maldives

Mihaaru

މާލޭގެ ރާއްޖޭގެ ބައެއް އެހެން ސަރަހައްދުތަކަށް ވެސް ވިއްސާރައިގެ ގެއްލުން ދަނީ ކުރިމަތިވަމުންނެވެ. އެގޮތުން ދެކުނުގެ ބައެއް ރަށްރަށުގައި ވަނީ ފެން ބޮޑުވެފަ އެވެ. ބައެއް ގޭގެއަށް ފެން ވަދެ، ފުރާޅު މައްޗަށް ރުއްގަސް ވެއްޓުމުގެ އިތުރުން ހިފާ ގެންގުޅޭ ތަކެއްޗަށް ވެސް ގެއްލުން ލިބެމުން ދާ ކަމުގެ ރިޕޯޓްތައް ލިބެ އެވެ.

ރާއްޖޭގެ ކަނޑުތައް ވެސް ފެންނަނީ ވަރަށް ގަދަކޮށެވެ. އޭގެ ސަބަބުން ބައެއް އުޅަނދުފަހަރު ބަންޑުން ޖަހާލުން ފަދަ ހާދިސާތައް ހިނގާ ކަމަށް، އެމްއެންޑީއެފުން ބުނެ އެވެ.

މިއަދު މެންދުރު 2:00ގެ ނިޔަލަށް ބ. އަތޮޅުން ފެށިގެން އައްޑުއާ ހަމައަށް މެޓް އޮފީހުން ވަނީ ރީނދޫ އެލާޓް ވެސް ނެރެފަ އެވެ.

Comments