އިގްތިސާދީ ގުޅުން ހަރުދަނާ ކުރަން ރާއްޖެ- ޗައިނާ މަޝްވަރާކޮށްފި

15 އޮކްޓޯބަރ 2020

ރާއްޖޭގެ އިގްތިސާދު އަލުން ރަނގަޅު ކުރުމާ ބެހޭގޮތުން ފޮރިން މިނިސްޓަރު އަބްދުﷲ ޝާހިދާއި ފިނޭންސް މިނިސްޓަރު އިބްރާހިިމް އަމީރު ޗައިނާގެ ސަފީރާ އެކު މިިއަދު މަޝްވަރާ ކުރައްވައިފި އެވެ.

މުއިއްޒު އިބްރާހިމް

ކޮވިޑް-19 އާ ގުޅިގެން، ޗައިނާއިން ރާއްޖެއަށް ދޫކުރި ލޯނުތައް އަނބުރާ ދެއްކުން ފަސްކޮށް ދިނުމާ ބެހޭ މަޝްވަރާތައް ދެ ގައުމުން ކުރިން ވެސް ކުރިއަށް ގެންދިޔަ އެވެ.

ފޮރިން މިނިސްޓްރީން ބުނީ ޗައިނާއިން ރާއްޖެއަށް ކަނޑައަޅާފައި ހުންނަވާ ސަފީރު ޒަންގް ލިއޮންއާ އެކު އެ މިނިސްޓްރީގައި ޝާހިދާއި އަމީރު ބޭއްވި ބައްދަލުވުމުގައި ޗައިނާއާ އެކު އިގްތިސާދީ ގުޅުންތައް އިތުރަށް ހަރުދަނާ ކުރުމާ ބެހޭ މަޝްވަރާ ކުރިއަށް ގެންދިޔަ ކަމަށެވެ. ޗައިނާއިން ރާއްޖޭގެ އިގްތިސާދަށް ގިނަ އެހީތަކެއް ދެމުންދާ ކަމަށާއި ކޮވިޑް-19 އާ ގުޅިގެން ވެސް ގިނަ އެހީތަކެއް އެ ގައުމުން ފޯރުކޮށްދިން ކަމަށް ފޮރިން މިނިސްޓްރީން ބުންޏެވެ.

Finance Minister @iameeru & I had very productive discussions with @AmbassadorZhang of #China to explore economic cooperation in a post COVID-19 environment. #China continues to extend to us it’s strong support in the economic recovery process, and other areas of mutual interest. pic.twitter.com/wtWcCaDlGv
— Abdulla Shahid (@abdulla_shahid) October 15, 2020

ފޮރިން މިނިސްޓަރު ޝާހިދު ކުރެއްވި ޓްވީޓް

ކުރީގެ ސަރުކާރުގައި ޗައިިނާއިން ރާއްޖޭގައި ގިނަ މަޝްރޫއުތަކެއް ކުރިއަށް ގެންދިޔަ އެވެ. އޭގެ ތެރެއިން ގިނަ މަޝްރޫއުތައް ހިންގީ އެ ގައުމުގެ ލޯނު އެހީ އާއި ހިލޭ އެހީގެ ދަށުންނެވެ.

Comments