މިނިސްޓަރު ޝާހިދު ފުރަތަމަ ފަހަރަށް ޗައިނާއަށް ވަޑައިގެންފި

17 ސެޕްޓެމްބަރ 2019

މި ސަރުކާރުގެ ފޮރިން މިނިސްޓަރު އަބްދުުﷲ ޝާހިދު ފުރަތަމަ ފަހަރަށް ރަސްމީ ދަތުރެއްގައި މިއަދު ޗައިނާއަށް ވަޑައިގެންފި އެވެ.

އާސިމާ ނިޒާރު

ދެ ދުވަހުގެ މުއްދަތަށް މި ދަތުރު ކުރައްވަނީ އެ ގައުމުގެ ފޮރިން މިނިސްޓަރު ވާންގް ޔީގެ ދައުވަތަކަށެވެ.

ފޮރިން މިނިސްޓްރީން ބުނީ ޝާހިދުގެ ދަތުރުގައި ޗައިނާގެ ނައިބު ރައީސް ވޭންގް ގިޝާން އާއި ސްޓޭޓް ކައުންސިލްގެ އިތުރުން ފޮރިން މިނިސްޓަރު ވޭންގްއާ ބައްދަލުކުރައްވައި ދެ ގައުމުގެ ގުޅުން ބަދަހިކުރުމާ ގުޅޭ ގޮތުން މަޝްވަރާކުރައްވާނެ ކަމަށެވެ.

Arrived in Beijing on my first official visit to China, since assuming office. Looking forward for fruitful discussions with Foreign Minister Wang in accelerating #Maldives-#China relationship for the benefit of the peoples of our two countries. pic.twitter.com/dvVFPQeWWh
— Abdulla Shahid ? (@abdulla_shahid) September 17, 2019

އޭގެ އިތުރުުން އޭޝިއަން އިންފްރަސްޓްރަކްޗާ އިންވެސްޓްމަންޓް ކުންފުނީގެ ޗީފް އިންވެސްޓްމަންޓް އޮފިސަރު ލީ ޑީޖީ ޕަންޑިއަން އަދި ބެއިޖިން އާބަން ކޮންސްޓްރަކްޝަން ކުންފުނީގެ ރައީސް ލީ ޑައޮސޮންގްއާ ވެސް ބައްދަލުކުރައްވާނެ އެވެ.

މިނިސްޓްރީން ކުރިން ބުނިގޮތުގައި ޗައިނާ އަކީ ރާއްޖޭގެ ތަރައްގީ އަށް މުހިއްމު ބައިވެރިއެކެވެ. ރާއްޖެ އިން ދަމަހައްޓަމުން އަންނަ "ވަން ޗައިނާ" ޕޮލިސީ ހިފަހައްޓާނެ ކަމަށާއި އެ ގައުމުގެ "ބެލްޓް އެންޑް ރޯޑް އިނިޝިއެޓިވް" ގެ ބައިވެރިއެއްގެ ގޮތުގައި ވެސް ރާއްޖެ ދެމިއޮންނާނެ ކަމަށް މިނިސްޓްރީން ބުންޏެވެ.

ޝާހިދު ޗައިނާ އަށް މި ވަޑައިގަތީ ކުރިން ހަމަޖެއްސެވި ދަތުރު ފަސްކުރެއްވުމަށް ފަހު އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުން ޗައިނާ އާއި ވަރަށް ގާތް ގުޅުމެއް ބޭއްވިިޔަސް އާ ސަރުކާރުން އިސްކަން ދެނީ އަވަށްޓެރި އިންޑިއާއާ އެކު އޮތް ގުޅުން ވަރުގަދަކުރުމަށެވެ. ކުރީ ސަރުކާރުގެ ބޮޑު އެތައް މަޝްރޫއުއަކަށް ޗައިނާ އިން ހިލޭ އެހީ އާއި ލޯނު ދީފައިވެ އެވެ.

Comments