24 އެޕްރީލް 2020
ކޮވިޑް-19 އާ ގުޅިގެން މިހާރު ކުރަންޖެހޭ ހަރަދުތަކާ އެކު، ދައުލަތުގެ ބަޖެޓް ޑެފިސިޓް ހުންނާނެ ކަމަށް ބެލެވެނީ، 13.3-16.9 ބިލިއަން ރުފިޔާއާ ދެމެދުގައި ކަމަށް ފިނޭންސް މިނިސްޓްރީން ބުނެފި އެވެ.
ކޮވިޑް-19 އާ ގުޅިގެން މިހާރު ކުރަންޖެހޭ ހަރަދުތަކާ އެކު، ދައުލަތުގެ ބަޖެޓް ޑެފިސިޓް ހުންނާނެ ކަމަށް ބެލެވެނީ، 13.3-16.9 ބިލިއަން ރުފިޔާއާ ދެމެދުގައި ކަމަށް ފިނޭންސް މިނިސްޓްރީން ބުނެފި އެވެ.
ރާއްޖެ އަށް މިހާރު ފެތުރިފައިވާ ކޮވިޑް-19 އާ ގުޅިގެން، ދައުލަތުގެ އިގްތިސާދާއި މާލިއްޔަތަށް އަންނާނެ ބަދަލުތަކަށް ރިއާޔަތްކޮށް، ފިނޭންސް މިނިސްޓްރީން ރައްޔިތުންގެ މަޖިލީހަށް ފޮނުވި ކަރުދާހުގައި ވާ ގޮތުން، މި އަހަރުގެ ބަޖެޓު ޑެފިސިޓް، ކުރިން ލަފާކުރި ގޮތާ ހިލާފަށް 13.7 ޕަސެންޓާއި 22 ޕަސެންޓަށް ބޮޑުވާނެ ކަމަށް ބެލެވެ އެވެ.
މިި މަހުގެ ދެ ވަނަ ދުވަހު ބޭއްވި މީޑިއާ ބްރީފިންއެއްގައި ފިނޭންސް މިނިސްޓަރު އިބްރާހިމް އަމީރު ވިދާޅުވެފައި ވަނީ ބަޖެޓް ޑެފިސިޓް، އިތުރުވާ ހަ ބިލިއަން ރުފިޔާއާ އެކު 12 ބިލިއަން ރުފިޔާ އަށް އަރާނެ ކަމަށެވެ. އެކަމަކު، އަނެއްކާ ވެސް ކުރަންޖެހޭ އިތުރު ހަރަދުތަކާ އެކު، ޑެފިސިޓް ލަފާކުރި މިންވަރު މި ވަނީ ބަދަލުވެފަ އެވެ.
ކޮވިޑް-19 ގެ ބަލިމަޑުކަން އައުމުގެ ކުރިން، މި އަހަރުގެ ބަޖެޓުގެ ޑެފިސިޓްގެ ގޮތުގައި ކަނޑައަޅާފައި ވަނީ 5.9 ބިލިއަން ރުފިޔާ އެވެ. ނަމަވެސް ހާލަތު ބަދަލުވެ، ބަޖެޓަށް ހަތް ބިލިއަނާއި 11 ބިލިއަނާ ދެމެދުގެ އަދަދެއް އިތުރުވާނެ ކަމަށް ފިނޭންސް މިނިސްޓްރީން ބުނެ އެވެ.
އެ މިނިސްޓްރީން ބުނިގޮތުގައި، ކޮވިޑް-19 އާ ގުޅިގެން ދައުލަތުގެ ހަރަދުތައް ކުޑަކުރި ނަމަވެސް، ކުރިން ކަނޑައެޅި ގޮތަށް އާމްދަނީ އާއި ހިލޭ އެހީ ވަރަށް ބޮޑަށް ދަށްވާނެ ކަމަށް ބެލެވެ އެވެ. ބަޖެޓަށް އިތުރަށް ބޭނުންވާ ފައިސާގެ އަދަދު ޔަގީން ވާނީ، ކަނޑައަޅާފައިވާ އިގްތިސާދީ "ސިނާރިއޯ" ތަކުގެ ތެރެއިން މި އަހަރު ނިމޭއިރު، އޮންނާނެ ސިނާރިއޯއެއްގެ ގޮތުން ކަމަށް ފިނޭންސް މިނިސްޓްރީން ބުނެ އެވެ. ރާއްޖޭގެ އިގްތިސާދަށް ކުރިމަތިވާނެ ލޮޅުން އަންދާޒާކޮށް، ފިނޭންސް މިނިސްޓްރީން ވަނީ ފަސް ސިނާރިއޯއެއް ލަފާކޮށްފަ އެވެ. މިހާރުގެ އިގްތިސާދީ ހާލަތަށް ބަލާ އިރު އިގްތިސާދު އޮންނާނެ ކަމަށް ބެލެވެނީ ސިނާރިއޯ 3 ނުވަަތަ 4 ގެ ހާލަތުގައި ކަމަށް އެ މިނިސްޓްރީން ބުނެ އެވެ.
މިދެ ސިނާރިއޯ އަށް ބަލާ ނަމަ ދައުލަތުގެ ދަރަނި 70 ބިލިއަނާއި 72 ބިލިއަން ރުފިޔާއާ ދެމެދުގެ އަދަދަކަށް އިތުރުވާނެ އެވެ. މިއީ ރާއްޖޭގެ އުފެއްދުންތެރިކަމުގެ ނިސްބަތުން ބަލާ ނަމަ 84 ޕަސެންޓާއި 95 ޕަސެންޓާ ދެމެދުގެ އަދަދެކެވެ. މި އަހަރު ފާސްކުރި ދައުލަތުގެ ބަޖެޓުގައި ދައުލަތުގެ ދަރަނި ހުންނާނެ ކަމަށް ލަފާކޮށްފައިވަނީ 57 ބިލިއަން ރުފިޔާގަ އެވެ.
މިހެން ދިމާވުމުގެ އެންމެ ބޮޑު ސަބަބަކީ ރާއްޖެ އަށް އެންމެ ބޮޑު އާމްދަނީ ވަންނަ ޓޫރިޒަމް ދާއިރާ ހުއްޓުމަކަށް އައިސް ދައުލަތުގެ ހަރަދުތައް ކުރުމަށްޓަކައި ބޭރުގެ ލޯނު އެހީތަކަށް ބަރޯސާވާން ޖެހުމެވެ.
މި އަހަރުގެ ޑެފިސިޓް 12 ބިލިއަނަށް އަރާނެ: އަމީރު
އަންނަ އަހަރުގެ އާމްދަނީ 30 ބިލިއަނަށް
އަންނަ އަހަރުގެ ބަޖެޓް 39 ބިލިއަނަށް!
އެއާޕޯޓް ޓެކްސް އާއި ގްރީން ޓެކްސް ބޮޑުކުރަނީ
އިސްލާހީ އެޖެންޑާއިން ރޭޓިން މަތިވުމުގެ ފުރުސަތު ބޮޑު
އިސްލާހީ ފިޔަވަޅުތަކުގެ ހެޔޮ އަސަރު ރޭޓިން އަށް ކުރާނެ
މި އަހަރުގެ ބަޖެޓު ފައިނޭންސިން އަށް ދަތިތަކެއް!
މާލީ ހާލަތުގެ ހަގީގަތް ކިޔައިދޭން ނާޒިމްގެ އިލްތިމާސް
ގޮންޖެހުން ބޮޑު، އެކަމަކު ބަނގުރޫޓުވިޔަ ނުދޭނަން
ހަރަދުތައް ކުޑަ ކުރަން ހަރުކަށި ފިޔަވަޅުތަކެއް އަޅަނީ