06 ޖެނުއަރީ 2020
ބޭރޫތު (ޖެނުއަރީ 6) - އީރާނުގެ ގުދުސް ފޯސްގެ ކޮމާންޑަރު ގާސިމް ސުލައިމާނީ އަވަހާރަކޮށްލުމުގެ އަގު އެމެރިކާ އިން އަދާކުރަން ޖެހޭނެ ކަމަށް ބުނެ ލުބުނާނުގެ ހިޒްބުﷲ ޖަމާއަތުން ވަރުގަދަ އިންޒާރެއް ދީފި އެވެ.
ބޭރޫތު (ޖެނުއަރީ 6) - އީރާނުގެ ގުދުސް ފޯސްގެ ކޮމާންޑަރު ގާސިމް ސުލައިމާނީ އަވަހާރަކޮށްލުމުގެ އަގު އެމެރިކާ އިން އަދާކުރަން ޖެހޭނެ ކަމަށް ބުނެ ލުބުނާނުގެ ހިޒްބުﷲ ޖަމާއަތުން ވަރުގަދަ އިންޒާރެއް ދީފި އެވެ.
ބޭރޫތުގައި އެތައް ހާސް ބަޔަކާ މުޚާތަބް ކުރައްވައި ހިޒްބުﷲގެ ލީޑަރު ހަސަން ނަސްރުﷲ އިއްޔެ ވިދާޅުވީ އެމެރިކާ އިން ކުރިކަންތަކާ އެއްވަރުގެ އިންސާފުވެރި ބަދަލަކަށްވާނީ މެދުއިރުމަތީގައި ތިބޭ އެމެރިކާ ސިފައިންނާއި އެމެރިކާގެ މަރުކަޒުތަކާއި ހަނގުރާމަމަތީ އުޅަނދުތަކަށް ހަމަލާ ދިނުން ކަމަށެވެ. ނަމަވެސް އެމެރިކާގެ އާއްމުންނާއި ވިޔަފާރިވެރިންނާއި އިންޖިނޭރުންނާއި ޑޮކްޓަރުން އަދި ނޫސްވެރިންނަށް ހަމަލާދީގެން ނުވާނެ ކަމަށް އޭނާ ވިދާޅުވި އެވެ.
"އެމެރިކާ ސިފައިނާއި އޮފިސަރުންގެ ސަންދޯއް އެމެރިކާ އަށް ގެންދެވޭ ހިނދު (ރައީސް ޑޮނަލްޑް) ޓްރަމްޕަށް އިހުސާސް ކުރެވޭނެ މެދުއިރުމަތީގައި އެމެރިކާ ބަލިވެއްޖެކަން،" ޓީވީ މެދުވެރިކޮށް ނަސްރުﷲ ދެއްވި ބަޔާނުގައި ވިދާޅުވި އެވެ.
ބުރާސްފަތި ދުވަހުގެ ރޭ ސުލައިމާނީ އިރާގަށް ވަޑައިގަތުމުގެ ކުރިން ލުބުނާނުގައި ހިޒްބުﷲގެ ލީޑަރު ނަސްރުﷲއާ ބައްދަލު ކުރައްވަނީ: ސުލައިމާނީ އަވަރާކޮށްލީ އެ ބައްދަލުވުމަށް ފަހު އިރާގަށް ވަޑައިގެންނެވި ފަހުން.
އެމެރިކާގެ ޑްރޯން ހަމަލާއެއްގައި ސުލައިމާނީ އަވަހާރަކޮށްލީ އިރާގުގެ ވެރިރަށް ބަޣުދާދުގެ އެއާޕޯޓުގެ ބޭރުން ވެހިކަލެއްގައި ދަތުރު ކުރައްވަނިކޮށް، މިދިޔަ ހުކުރު ދުވަހު ހެނދުނެވެ.
ނަސްރުﷲ ވަނީ އެމެރިކާގެ ވަކިތަކުން ސަލާމަތްވުމަށް އިރާގަށް ގޮވާލައްވައިފަ އެވެ.
"އަޅުގަނޑުގެ އުއްމީދަކީ އެމެރިކާ ސިފައިން އިރާގުން ބޭލުމަށް އެ ގައުމުގެ ޕާލަމެންޓުން ގާނޫނެއް ފާސްކުރުން،" އޭނާ ވިދާޅުވި އެވެ.
އެމެރިކާ ސިފައިން އިރާގުން ބޭލުމަށް އިރާގުގެ ޕާލަމެންޓުން ރޭ ވަނީ ގަރާރެއް ފާސްކޮށްފަ އެވެ. ނަމަވެސް ޕާލަމެންޓުން ފާސްކުރާ ގަރާރަކީ އެއަށް އަމަލު ކުރަން ސަރުކާރަށް މަޖްބޫރު އެއްޗެއް ނޫނެވެ.
އިރާގުގައި އެމެރިކާގެ 5،200 ސިފައިން ދަނީ ހަރަކާތްތެރިވަމުންނެވެ. އެމެރިކާ ސިފައިން އިރާގަށް ދިޔައީ އިސްލާމިކް ސްޓޭޓް (އައިއެސް) އާ ދެކޮޅަށް ހަނގުރާމަ ކުރާ ކޯލިޝަންގައި ބައިވެރިވުމަށެވެ.
ހަމަލާ ހުއްޓާލާށޭ ނުކިޔާ، މިއީ ހަނގުރާމައިގެ ވަގުތު
އެމެރިކާގެ އޮފިޝަލަކު މަރަން އުޅުނު މީހަކަށް ދައުވާ
އެމެރިކާ ވެރިޔަކު މަރަން ރޭވި މީހަކު ހައްޔަރުކޮށްފި
ލުބްނާނުން ނުކުމެވެން އޮތް ގޮތަކަށް ނުކުމޭ: އެމެރިކާ
އީރާނުން ޓްރަމްޕް އަވަހާރަކޮށްލަން ރޭވި ކަމަށް ބުނެފި
އިޒްރޭލަށް ހަމަލާދިނުމުން އީރާނަށް ފިޔަވަޅު އަޅަނީ
ހަމަލާދިނުމުގެ ކުރިން އެމެރިކާއަށް އެންގިން: އީރާން
އިޒްރޭލަށް ހަމަލާ ދީފާނެ، ކާމިޔާބެއް ނުވާނެ: ބައިޑެން
އެމެރިކާގެ ކޮންމެ ހަމަލާއަކަށް ރައްދު ދޭނަން: އީރާން
އީރާނަށް ހަމަލާ ނުދޭނެ ކަމަކަށް އެމެރިކާއިން ނުބުނި