ދިރާގުން މި އަހަރު ވެސް ކުޑަކުދިންނަށް އީދު ހަދިޔާ ދީފި

މިއަދު ފާހަގަކުރާ ފިތުރު އީދު ދުވަހުގެ މުނާސަބަތުގައި، މާލޭގެ އިތުރުން އެހެނިހެން ރަށްރަށުގައި އުޅޭ ކުޑަކުދިންނަށް މި އަހަރު ވެސް އީދު ހަދިޔާ ދީފި އެވެ.

މިއީ، އެ ކުންފުނިން ކޮންމެ އަހަރެއްގެ އީދާ ގުޅިގެން ކުރަމުން އަންނަ ކަމެކެވެ.

ދިރާގުން ބުނީ ހަދިޔާ ދިނުމުގެ ބޭނުމަކީ އީދުގެ މުނާސަބާގައި، ހަދިޔާ ބަދަލު ކުރުމަކީ ޒަމާނުއްސުރެ ދިވެހިންގެ ތެރޭގައި އޮންނަ ސަގާފަތަކަށް ވާތީ، ކުޑަކުދިންގެ މެދުގައި އެކަން ދިރުވައި އާލާކުރުން ކަމަށެވެ.

އަތޮޅުތކުން އީދު ހަދިޔާ ބެހީ ދިރާގު ރީޖަނަލް އޮޕަރޭޝަން ސެންޓަރުތައް ގާއިމްކޮށްފައިވާ ރަށްރަށުގަ އެވެ. އެގޮތުން، އެ ސެންޓަރުތަކުގައި މަސައްކަތް ކުރާ ދިރާގުގެ މުވައްޒަފުން ވަނީ އީދު ނަމާދަށް ފަހު، ކުޑަކުދިން ޖަމާވާ އެކި ސަރަހައްދުތަކަށް ގޮސް ހަދިޔާ ބަހައިފަ އެވެ.

އީދު ހަދިޔާ ބެހުމުގެ ހަރަކާތުގައި ކޮންމެ އަހަރަކު ވެސް ދިރާގުގެ ގިނަ މުވައްޒަފުން ބައިވެރިވެ އެވެ.