އިންޑިއާގެ ބޮޑުވަޒީރު މޯދީ، ދިވެހި ބަހުން ޓުވީޓެއް ކުރައްވައިފި

20 އޮކްޓޯބަރ 2018

ސުލްހްވެރިކަމާއެކު އިންޑިއާގެ މިނިވަންކަން ހޯދައިދިނުމުގެ ބާނީ މަހާތުމާ ގާންދީގެ 150 ވަނަ އުފަން ދުވަހާ ގުޅިގެން، އެމަނިކުފާނުގެ ހަނދާނުގައި ދިވެހި ލަވަކިޔުންތެރިންތަކެއް ކިޔާފައިވާ ލަވައެއް، އިންޑިއާގެ ބޮޑުވަޒީރު ނަރެންދުރަ މޯދީ ޓުވިޓާގައި ޝެއާ ކުރައްވައި ދިވެހި ބަހުން އެ ލަވައިގެ ތަފްސީލު މިއަދު ލިޔުއްވައިފި އެވެ.

ހަސަން މުހައްމަދު

ޓުވިޓާގައި މޯދީ ޝެއާ ކުރައްވާފައި ވަނީ ދިވެހި ލަވަކިޔުންތެރިން ކަމަށްވާ މުހައްމަދު ޝާހިދު އަދި މަރިޔަމް ވަހީދާ ހިންދީ ބަހުން ކިޔާފައިވާ "ވައިޝްނަވް ޖާންތޯ" އެވެ.

އެ ލަވަ ޓުވިޓާގައި ޝެއާ ކުރެއްވުމަށް ފަހު މޯދީ ވަނީ އެ ލަވަޔާއި ލަވަ ކިޔުންތެރިންނަށް ތައުރީފް ކުރައްވައިފަ އެވެ. އެ ލަވަ އިން، ގާންދީގެ ސުލްހައިގެ ފަލްސަފާ އާއި ދެމެހެއްޓެނިވި ތަރައްގީ އަދި ސާފުތާހިރުކަމުގެ ހަރަކާތާއި ދިވެހިރާއްޖޭގެ ދިރިއުޅުމުގެ ވައްޓަފާޅި ދައްކުވައިދޭ ކަމަށް މޯދީ ވިދާޅުވި އެވެ.

"ވައިޝްނަވް ޖާން ތޯ" މި ލަވަ ކިޔުއްވާފައިވަނީ ރާއްޖޭގެ ހުނަރުވެރި ލަވަކިޔުންތެރިން މުޙައްމަދު ޝާހިދު އަދި މަރިޔަމް ވަހީދާއެވެ. ގާންދީގެ ސުލްޙައިގެ ފަލްސަފާއާއި ދެމެހެއްޓެނިވި ތަރައްޤީ އަދި ސާފުތާހިރުކަމުގެ ހަރަކާތް ދިވެހިރާއްޖޭގެ ދިރިއުޅުމުގެ ވައްޓަފާޅި ދައްކުވައިދެއެވެ.
— Narendra Modi (@narendramodi) October 20, 2018

މޯދީ ދިވެހި ބަހުން ކުރައްވާފައިވާ ޓުވީޓު

ޓުވިޓާގައި 44 މިލިއަން މީހުން މޯދީ ފޮލޯ ކުރެ އެވެ. އެމަނިކުފާނު ދިވެހި ބަހުން ޓުވީޓް ކުރައްވައި ވިދާޅުވި އެއްޗެއް ނޭނގިގެން ގިނަ ބަޔަކު ސުވާލުކޮށްފައިވެ އެވެ.

pic.twitter.com/yhlGCf2rSq
— 아디탸?? (@GobliN_2U_) October 20, 2018

މޯދީގެ ޓުވީޓުން ދިވެހިންނަށް އުފާވެރިކަން ގެނެސްދިންއިރު، އެ ޓުވީޓަށް ގިނަ ބަޔަކު ވަނީ ޖަވާބު ދީފަ އެވެ. އެއާއެކު ދިވެހި ބަހުން ޓުވީޓެއް ކުރެއްވުމުން ބައެއް މީހުން މޯދީ އަށް ޝުކުރު ވެސް އަދާކުރި އެވެ.

Grateful & proud for Indian Prime Minister Honorable Mr. @narendramodi for tweeting in our mother language “Dhivehi” for the first time.
? धन्यवाद् ?
— ? آدم محمد (@Adamiington) October 20, 2018

Comments