Roadha Mihaaru
ސުޕަ ބްލޫ ބްލަޑް މޫން 150 އަހަރު ފަހުން ފެންނަނީ

"ސުޕަ ބްލޫ ބްލަޑް މޫން" 150 އަހަރު ފަހުން ފެންނަނީ

27 ޖެނުއަރީ 2018

އަންނަ ބުދަ ދުވަހު ރާއްޖެއަށް ފުރިހަމަ ހަނދުކޭތައެއް ފެންނާނެ އެވެ. އެކަމަކު އެ ދުވަސް އިތުރަށް ހާއްސަވަނީ އެއީ 150 އަހަރަށްފަހު، ސުޕަ ބްލޫ ބްލަޑްމޫން އެއް ދުނިޔެއަށް ފެންނަ ދުވަސް ކަމަށް ވާތީ އެވެ.

އައިޝަތް މިހްނާ ނާސިހް އައިޝަތް މިހްނާ ނާސިހް

އަންނަ ބުދަ ދުވަހު ރާއްޖެއަށް ފުރިހަމަ ހަނދުކޭތައެއް ފެންނާނެ އެވެ. އެކަމަކު އެ ދުވަސް އިތުރަށް ހާއްސަވަނީ އެއީ 150 އަހަރަށްފަހު، ސުޕަ ބްލޫ ބްލަޑްމޫން އެއް ދުނިޔެއަށް ފެންނަ ދުވަސް ކަމަށް ވާތީ އެވެ.

އެމެރިކާގެ ޖައްވީ އިދާރާ ނާސާއިން ބުނެފައިވާ ގޮތުގައި ހަނދުކޭތައަކާއި ސުޕަ މޫނަކާ އެކުގައި ފެނިގެންދާ މި ތާރީޚީ މަންޒަރު އެންމެ ރީއްޗަށް ފެންނާނީ އުތުރު އެމެރިކާގެ ހުޅަނގު ސަރަހައްދުތަކަށެވެ.

"ސުޕަ ބްލޫ ބްލަޑް މޫން" އޭ ކިޔަނި ތަފާތު ތިން ކަމެއް އެއްފަހަރާ އެ ދުވަހު ފެންނާނެތީ އެވެ. ބްލޫ މޫންއަކީ ކޮންމެ މަހެއްގެ ވެސް ދެވަނަ ފުލްމޫން އަށް ކިޔައި އުޅޭ ތަންކޮޅެއް "ފޭންސީ" ނަމެކެވެ. ސުޕަ މޫން އަކީ އާންމުކޮށް ދުނިޔެވަށާ ހަނދު ދަތުރުކުރާ ވަރަށްވުރެ ކައިރިން ދަތުރުކުރުމުން ހަނދުގެ ސައިޒް ބޮޑުކޮށް ފެންނާތީ ކިޔާ ނަމެކެވެ. ބުދަ ދުވަހގެ ހަނދު، އާންމުކޮށް ހަނދު ފެންނަވަރަށް ވުރެ 14 ގުނަ ބޮޑުކޮށް ފެންނާނެ އެވެ.

ރާއްޖެއަށް ބުދަ ދުވަހުގެ ހަނދު އަރާއިރު ވެސް ހުންނާނީ ފުރިހަމަ ކޭތައެއް ހިފައިފަ އެވެ. އެއީ ބުދަ ދުވަހުގެ އިރު އޮއްސުމުގެ ކުރިން 6:14 ގަ އެވެ. ކޭތަ އެންމެ ބޮޑަށް ފެންނާނީ 6:29 އިން 7:07 އަށެވެ.

ރާއްޖެއަށް މި ހަނދުގެ ހުރިހާ ފުރިހަމަކަމެއް ނުފެނުނު ނަމަވެސް ތަފާތުތަކެއް ފެންނާނެ އެވެ.

ނާސާއިން ބުނީ ސުޕަ ބްލޫ ބްލަޑްމޫންގެ މަންޒަރުތައް ނާސާ ޓީވީން ވަގުތުން ދައްކާނެ ކަމަށެވެ.