ޕެނަލްޓީން ފުވައްމުލައް ބަލިކޮށް އަލިފުށި ސެމީއަށް

ޕެނަލްޓީ ޖަހައިގެން 4-3 ން ފުވައްމުލައް ބަލިކޮށް ގޯލްޑް ކަޕްގެ ސެމީ ފައިނަލަށް ރ. އަލިފުށި ދަތުރުކޮށްފި އެވެ.

މެޗުގެ ފުރިހަމަ ވަގުތު އެއްވަރުވީ 2-2 ންނެވެ.

ޕެނަލްޓީގައި ފުވައްމުލަކުގެ ސާދު ނިޒާރު އަހްމަދު މުހައްމަދު ފައްތާހް، ފޮނުވާލި ޕެނަލްޓީ އަލިފުށީގެ ކީޕަރު އަބްދުއްސައްދާދު އާދަމް ދިފާއު ކުރި އެވެ.

އަލިފުށީގެ ޕެނަލްޓީތަކުގެ ތެރެއިން ނާކާމިޔާބު ވީ އެންމެ ފުރަތަމަ ޕެނަލްޓީ ޖެހި އަހްމަދު ވިޖުދާން (ވިޖުކޯ) އަށެވެ.

މެޗުގެ ފުރަތަމަ ހާފުގައި އަލިފުށިން ލީޑް ނަގާފައި ވަނިކޮށް ފުރަތަމަ ހާފުގައި ފުވައްމުލަކުން ފަހަތުން އަރައި ލީޑް ވެސް ނެގި އެވެ.

މެޗު ފެށިގެން 10 ވަނަ މިނެޓްގައި ހުސައިން ނިހާން (ނިހާޓް) އަލިފުއްޓަށް ލީޑް ނަގައިދިނެވެ.

ފުވައްމުލަކަށް ނަތީޖާ ހަމަހަމަކޮށް ދިން ލަނޑު ހުސައިން ޝަރީފް ޖެހީ ބަދަލު ކުޅުންތެރިޔެއްގެ ގޮތުގައި ކުޅެން ނުކުމެ އޭނާ އަށް ލިބުނު ފުރަތަމަ ބޯޅައިންނެވެ.

ކޯނަރު ދަނޑި ކައިރިން އޭނާ ބޯޅަ ނަގައި ދިނީ އޭރިއާތެރެއަށް ހުރަސްކޮށް ދިނުމަށެވެ. އެކަމަކު ބޯޅަ އޮޅިގެން ގޮސް ވަނީ ގޯލްގެ ތެރެއަށެވެ.

މެޗުގެ 29 ވަނަ މިނެޓްގައި ފުވައްމުލަކަށް ލީޑް ނަގައި ދިނީ ނިހާޓް އަތުން ބައިކޮޅަށް ވަން ލަނޑުންނެވެ. ފުވައްމުލަކަށް ލިބުނު ހިލޭ ޖެހުން ފައްތާހް ފޮނުވާލުމުން ނިހާޓް މަސައްކަތް ކުރީ ބޮލުން ދިފާއު ކުރާށެވެ. ނަމަވެސް އެ ބޯޅަ ވަނީ ގޯލްގެ ތެރެއަށެވެ.

ދެވަނަ ހާފުގައި ފުވައްމުލަކަށް ލީޑް ނަގައި ދިނީ އަހްމަދު ސަމީޒު އެވެ.