"އެޒްތާރާ ހެއާ މިރަކަލް" ކްރީމް ޕްލާޒާއަށް

ސްރީ ލަންކާގެ މަޝްހޫރު އެކްޓްރެސް ސަޗިނީ އަޔެންދްރާ ސްޓޭންލީގެ ހެއާކެއާ ޕްރޮޑަކްޓް, "އެޒްތާރާ ހެއާ މިރަކަލް" ކްރީމް ޕްލާޒާއަށް ތައާރަފްކޮށްފި އެވެ.

ޕްލާޒާއިން މި ޕްރޮޑަކްޓު މާކެޓަށް ތައާރަފްކޮށްފައި ވަނީ އެ ބްރޭންޑުގެ އޮތޮރައިޒްޑް ޑިސްޓްރިބިއުޓަރުގެ ގޮތުގަ އެވެ. މިއީ އިސްތަށި ފޭބުމާއި, އިސްތަށިގަނޑު ޑްރައިވެ ހަލާކުވުމާއި މާ އަވަހަށް އިސްތަށިގަނޑު ނުރަވުމާއި އިސްތަށިގަނޑު ތުނިވުމާއި ފްރިޒްވުން ފަދަ މައްސަލަތަކުގެ ހައްލަކަށް ބޭނުންކުރާ ޕްރޮޑަކްޓެކެވެ. މި ކްރީމްގައި ހިމެނެނީ ކާށިތެލާއި ޒައިތޫނި ތެޔޮ އަދި ޖޯޖޮބާ ތެލާއި ޕެޕަމިންޓާއި ޝިއަ ބަޓާ އަދި ޓީ ޓްރީ އޮއިލް އެވެ.

މި ބްރޭންޑުގެ އޯނަރު ސަޗިނީ އަޔެންދްރާ ސްޓޭންލީ ބުނީ މި ޕްރޮޑަކްޓުގެ އޮތޮރައިޒްޑް ޑިސްޓްރިބިއުޓަރަކަށް ޕްލާޒާ ހަމަޖެއްސީ މި ޕްރޮޑަކްޓަށް ދިވެހިންގެ ތަރުހީބު ލިބެމުންދާތީ, މީގެ އޮރިޖިނަލް ޕްރޮޑަކްޓުތައް ދިވެހިންނަށް ފޯރުކޮށްދިނުން ކަމަށެވެ. އޭނާ އިތުރަށް ބުނީ މި ޕްރޮޑަކްޓަކީ ދެ ޖިންސުގެ މީހުންނަށް ވެސް ބޭނުން ކުރެވޭނެ ރައްކާތެރި ޕްރޮޑަކްޓެއް ކަމަށެވެ.

"މިއީ އިސްތަށިގަނޑާއި ސްކަލްޕުގެ މައްސަލަތަކަށް އަދި ތުނބުޅީގެ އިސްތަށިތައް ރީތިކޮށް ބެހެއްޓުމަށް ވެސް ބޭނުން ކުރެވޭނެ ކްރީމެއް. އާއްމުކޮށް ދެ ޖިންސުގެ މީހުންނަށް ވެސް ކުރިމަތިވާ އިސްތަށި ފޭބުމުގެ އެކި މައްސަލަތަކަށް މީގެން ހައްލު ލިބޭނެ. މިއީ އެލޮޕީޝާ ފަދަ ހެރިޑެޓަރީ ހެއާ ލޮސް ހުންނަ މީހުންނަށް ވެސް ބޭނުން ކުރެވޭނެ ޕްރޮޑަކްޓެއް،" އޭނާ ބުންޏެވެ.

އަޔެންދްރާ ބުނީ މި ޕްރޮޑަކްޓުގެ ނަތީޖާ ފެންނާނީ ހަފްތާއަކު މަދުވެގެން ތިން ފަހަރު ބޭނުންކުރާތާ ހަތަރު ހަފްތާ އާއި ހަ ހަފްތާއާ ދެމެދު ކަމަށެވެ.

"އެޒްތާރާ ހެއާ މިރަކަލް" ކްރީމް އަކީ އިސްތަށިގަނޑު ދޮވުމުގެ ކުރިން ބޭނުން ކުރަންޖެހޭ ޕްރޮޑަކްޓެކެވެ. މޭޒުމަތީ ސަމްސަލެއްހާ މިންވަރުގެ ކްރީމް, ބޯދޮވުމުގެ 15-20 މިނެޓު ކުރިން ބޭނުން ކުރަން ޖެހެ އެވެ.

"އެޒްތާރާ ހެއާ މިރަކަލް" ގެ އޮރިޖިނަލް ކްރީމް ލިބެން ހުންނާނީ މާލޭގައި ހުންނަ ޕްލާޒާ ކޮސްމެޓިކްސް އަދި ޕްލާޒާ އިންސެސް އާއި އައްޑޫގައި ހުންނަ ޕްލާޒާ ޕްލަސް ފިހާރައިންނެވެ. އަދި ޕްލާޒާގެ ވެބްސައިޓުން ވެސް ލިބޭނެ އެވެ.