ޕިރަމިޑުން މާދަމާ ރެވެލޯ ޗޮކްލެޓުގެ ރަހަ ބަލާލަން ދެނީ

ދާދި ފަހުން ޕިރަމިޑުން ރާއްޖޭގެ މާކެޓަށް ތައާރަފް ކުރި ސްރީ ލަންކާގައި މަޝްހޫރު ރެވެލޯ ޗޮކްލެޓުގެ ޓޭސްޓް ޓެސްޓިންގެ ހާއްސަ އިވެންޓެއް މާދަމާ އޮންނާނެ އެވެ.

މާދަމާ ހަވީރު 4 އިން ރޭގަނޑު 10:30އާ ހަމައަށް އާޓިފިޝަލް ބީޗުގައި ބާއްވާ މި ހަރަކާތުގައި ރެވެލޯގެ އެކި ފްލޭވާތަކުގެ ރަހަތައް ހިލޭ ބަލާލެވޭނެ އެވެ. އަދި ރެވެލޯ ޗޮކްލެޓްގެ އެކި ފްލޭވާތައް ގަންނަން ލިބޭނެ އެވެ.

މި ހަރަކާތުގައި "ޓުއިސްޓު އެންޑް ވިން"ގެ ނަމުގައި ހާއްސަ ގޭމެއް ކުރިއަށް ދާނެ އެވެ. މި ގޭމުން މޮޅުވާ ނަސީބުވެރި 10 ފަރާތަކަށް ރެވެލޯ ޗޮކްލެޓުގެ ހާއްސަ ގިފްޓް ހެމްޕާ ޕެކެއް ލިބޭނެ އެވެ. އަދި މި ތަނުން ޗޮކްލެޓް ގަންނަ ކަސްޓަމަރުން ވެސް މިހާރު ކުރިއަށްދާ ރެވެލޯ ޗޮކްލެޓުގެ ހާއްސަ ޕްރޮމޯޝަނުގައި ބައިވެރިވުމުގެ ފުރުސަތު ލިބޭނެ އެވެ.

ރެވެލޯގެ ޗޮކްލެޓެއް ގަތުމަށް ފަހު، ޗޮކްލެޓު ބަހައްޓާފައި ހުންނަ ހަރުގަނޑުގައި ހަރުކޮށްފައިވާ ބާކޯޑު ސްކޭންކުރުމުން ލިބޭ ގޫގުލް ފޯމު ފުރުމުން އެ ޕްރޮމޯޝަންގައި ބައިވެރިވެވޭނެ އެވެ. ރެވެލޯ ޗޮކްލެޓް ވިއްކާ ފިހާރަތަކުގައި ޗޮކްލެޓު ބަަހައްޓާފައި ހުންނަ ޝެލްފުތަކުގައި މި ބާކޯޑު ހުންނާނެ އެވެ.

ތިން މަހުގެ މުއްދަތަށް ކުރިއަށް ގެންދާ އެ ޕްރޮމޯޝަނުން ގުރުއަތުން ހޮވޭ ނަސީބުވެރިއަކަށް އައިފޯން 16އެއް ލިބޭނެ އެވެ.

ރެވެލޯ ޗޮކްލެޓަކީ ޗޮކްލެޓުގެ ގިނަ އުފެއްދުންތަކެއް އުފައްދާ އަދި ދިވެހިންގެ މެދުގައި ވެސް މަގުބޫލު މަންޗީސް ކުންފުނީގެ އުފެއްދުމެކެވެ. މި ކުންފުނިން ރެވެލޯ ބްރޭންޑަކީ ޕްރިމިއަމް ކޮލިޓީ ޗޮކްލެޓެއްގެ ގޮތުގައި ސިފަކުރެ އެވެ. މި ބްރޭންޑުގެ ޗޮކްލެޓުތަކުގެ ކޮލެޓީ ކަށަވަރު ކުރުމަށް ތާޒާ އިންގްރިޑިއަންޓްސް ބޭނުންކޮށްފައިވެ އެވެ. އަދި މި ޗޮކްލެޓް ތައްޔާރު ކޮށްފައި ވަނީ އެ ކުންފުންޏަށް ސަޕްލައިކުރާ 13000 ހާހަށްވުރެ ގިނަ ހޯމްގްރޯން ފާމާސް ކޮމިޔުނިޓީގެ އުފެއްދުތަކާއެކު ކަމަށް އެ ކުންފުނިން ބުނެ އެވެ. އަދި އެ ކުންފުނީގެ ހުރިހާ ޕްރޮޑަކްޓްތަކަކީ ޕްރިމިއަމް ކޮލެޓީ އިންގްރިޑިއަންޓްސް ބޭނުންކޮށްގެން އެންމެ ފަހުގެ ޓެކްނޮލަޖީގެ އެހީގައި ރައްކާތެރިކަމާ އެކު ތައްޔާރުކުރާ އުފެއްދުންތަކެކެވެ.

ރާއްޖެއަށް މީގެ 30 ވަރަކަށް އަހަރު ކުރިން މަންޗީސްގެ އުފެެއްދުންތައް ތައާރަފްކޮށް ވިއްކަން ފެށި ޕިރަމިޑަކީ ރެވެލޯ ޗޮކްލެޓުގެ ރާއްޖޭގެ ސޯލް ޑިސްޓްރިބިއުޓަރެވެ. ޕިރަމިޑުން ރާއްޖޭގައި މަންޗީ ބްރޭންޑުގެ އުފެއްދުންތަކުގެ އިތުރުން ޓުޑޭސް ޓޭސްޓް ސައިފަތާއި ޒީބާ ބާސްމަތީ ފަދަ ކޮލެޓީ ރަނގަޅު މޮޅު ޕްރޮޑަކްޓުތަކެއް އަންނަނީ ވިއްކަމުންނެވެ.