ދެވަނަ ބުރުން ޖަރުމަނު ޖާގަ ކަށަވަރުކޮށްފި، ތަރިއަކީ ގުންޑޮގާން

ސްޓްޓްގާޓް (ޖޫން 19) – ކެޕްޓަން އިލްކައި ގުންޑޮގާންގެ މުހިންމު ހިއްސާއާ އެކު ހަންގޭރީ ބަލިކޮށް ޖަރުމަނުން، ޔޫރޯ ފުޓްބޯޅަ މުބާރާތުގެ ދެވަނަ ބުރުން ޖާގަ ހޯދައިފި އެވެ.

އަމިއްލަ ގައުމުގައި ބާއްވާ މުބާރާތުގެ ދެވަނަ ބުރުން ޖާގަ ހޯދި ފުރަތަމަ ޓީމަކަށް ވީ ވެސް ޖަރުމަނެވެ.

މެޗުން ބަލިވުމުން، ސްކޮޓްލެންޑަށް ވަނީ ދެވަނަ ބުރުން ޖާގަ ހޯދުމުގެ ފުރުސަތު ވަރަށް ބޮޑަށް ހަނިވެފަ އެވެ. ގުރޫޕް އޭ ގެ ތިންވަނަ މެޗުގައި މިރޭ ސްކޮޓްލެންޑާއި ސްވިޒަލެންޑް ކުޅޭ މެޗުން ސްކޮޓްލެންޑް ބަލިވެ. އެ ސްކޮޓްލެންޑާ ދެކޮޅަށް ކުޅޭ މެޗުން ހަންގޭރީ މޮޅުވެއްޖެ ނަމަ، އެންމެ ރަނގަޅު ނަތީޖާ ހޯދި ތިންވަނަ ޓީމުގެ ތެރޭގައި ހިމެނިގެން ހަންގޭރީ އަށް ދެވަނަ ބުރަށް ދިއުމުން ހަނި ފުރުސަތެއް އެބައޮތެވެ. އެކަމަކު މިހާރު އެ ޓީމުގެ އަމިއްލަ ބާރު މި ވަނީ ކެނޑިފަ އެވެ.

އެ ގުރޫޕުން ދެވަނަ ބުރާ ކައިރީގައި ދެން އޮތީ، ކުރިން ކުޅުނު މެޗުގައި ހަންގޭރީގެ މައްޗަށް ކުރި ހޯދި ސްވިޒަލެންޑެވެ. އެ ޓީމު މިރޭގެ މެޗުން މޮޅުވެއްޖެނަމަ، ދެވަނަ ބުރުގެ ޖާގަ ކަށަވަރު ވާނެ އެވެ.

މުބާރާތުގެ ފުރަތަމަ މެޗުގައި، ސްކޮޓްލެންޑާ ދެކޮޅަށް ޖަރުމަނު ކުޅުނު ހަލުވި އެޓޭކިން ގޭމެއް، މިރޭ އެ ޓީމަކަށް ނުކުޅެވުނެވެ. އެކަމަކު މެޗުގެ ދެ ހާފުގައި ވެސް ގޭމް ކޮންޓްރޯލް ކުރި އެވެ.

ޖަރުމަނުގެ ދެ ލަނޑުގައި ވެސް ގުންޑޮގާން ހިއްސާ އޮތެވެ. އޭގެ އިތުރުން ވެސް މިޅި މެޗުގައި ވެސް ޓީމުގެ އެޓޭކްތަކުގައި، އާންމުކޮށް މިޑްފީލްޑަށް ކުޅޭ ގުންޑޮގާންގެ ދައުރު ފެނުނި ބޮޑުކޮށެވެ.

ޖަރުމަނުގެ ފުރަތަމަ ލަނޑު މެޗުގެ 22 ވަނަ މިނެޓްގައި ޖަމާލް މުސިއާލާ ޖެހީ، ގުންޑޮގާން ތަނަވަސްކޮށްދިން ބޯޅައިންނެވެ. ހަންގޭރީގެ އޭރިއާގެ ތެރެއިން ޕެކްކޮށްފައި އޮތް އެ ޓީމުގެ ޑިފެންސް ރޫޅުނީ ގުންޑޮގާންގެ ހިއްސާއާ އެކު އެވެ.

ދެވަނަ ހާފުގައި، ދޭތެރެދޭތެރެއިން ހަންގޭރީގެ ހަމަލާތައް ފެނުނަސް، މުޅި ހާފު ކޮންޓްރޯލް ޖަރުމަނުން ބޭނުންވި ގޮތަށް ހިފެހެއްޓި އެވެ.

އެ ޓީމުގެ ދެވަނަ ލަނޑު އެ ހާފުގައި، ގުންޑޮގާން ޖެހީ މެކްސްމިލިއަން މިޓްލްސްޓަޑް އޭރިއާ ތެރެއަށް ނަގައިދިން ޑައިގުނަލް ޕާހުންނެވެ. އޭރިއާގެ ބޭރުން އަރިމަތިން އޭނާ، އޭރިއާ ތެރެއަށް ދިން ތޫނު ޕާސް ގުންޑޮގާން ފޮނުވާލީ ޖަރުމަނުގެ ޑިފެންޑަރުން ވެސް އޭރިއާގެ ތެރޭގައި ތިއްބަ އެވެ.

އެ ލަނޑަށް ފަހު ވެސް ޖަރުމަނަށް، ފުރުސަތުތައް ލިބުނެވެ. އެޓީމުގެ ނިކޮލަސް ފުލްކުރޫގަށް ލިބުނު ފުރުސަތު ފާހަގަކޮށްލެވެ އެވެ. އެކަމަކު ލަނޑަކަށް ހަދާލެވޭ ގޮތެއް ނުވި އެވެ.