10 ޑިސެމްބަރ 2023
ގްރޭޑް 10އިން މަތީގެ ދަރިވަރުން މާލެ އާއި އެކި ރަށްރަށުގެ މިސްކިތްތަކުގައި އިމާމުވެ ހުކުރު ކުރުމުގެ ހުއްދަދޭން އިސްލާމިކް މިނިސްޓްރީން ނިންމައިފި އެވެ.
ގްރޭޑް 10އިން މަތީގެ ދަރިވަރުން މާލެ އާއި އެކި ރަށްރަށުގެ މިސްކިތްތަކުގައި އިމާމުވެ ހުކުރު ކުރުމުގެ ހުއްދަދޭން އިސްލާމިކް މިނިސްޓްރީން ނިންމައިފި އެވެ.
ދަރިވަރުން އިމާމުވެ ހުކުރު ނަމާދާއި ހުތުބާ ކިއުމުގެ ހުއްދަ މީގެ ކުރިން އިސްލާމިކް މިނިސްޓްރީން ނުދެ އެވެ. އެކަމަކު ގްރޭޑް 10، 11 އަދި 12 ނިންމާފައިވާ ދަރިވަރުން ހުކުރުކޮށް ހުތުބާ ކިޔުމުގެ ހުއްދަ ދީފައިވާ ކަން އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު މިއަދު ވަނީ އިއުލާންކުރައްވައިފަ އެވެ.
މިނިސްޓަރު ފޭސްބުކްގައި ކުރެއްވި ޕޯސްޓެއްގައި ވިދާޅުވީ ދަރިވަރުންނަށް ހުތުބާ ކިޔުމުގެ ހުއްދަ ދޭން ނިންމީ ރާއްޖޭގެ ގިނަ ރަށްތަކެއްގައި ހަތީބުންނާއި އިމާމުން ލިބުމުގެ ދަތިކަން ހުރުމުންނާއި ޒުވާނުންނަށް ފުރުސަތު ފަހިކޮށްދިނުމުގެ ގޮތުން ކަމަށެވެ.
"ޒުވާން އިމާމުންނާއި ހަތީބުންނަށް ފުރުސަތު ފަހިކޮށްދިނުމުގެ ގޮތުން ގްރޭޑް 12،11،10 ނިންމާފައިވާ ރީތިކޮށް ގުރުއާން ކިޔަވާ، ނަމާދުގެ ފިގުހަށް އަހުލުވެރި ދަރިވަރުންނަށް އިމާމުވެ ހުކުރުކޮށް ހުތުބާ ކިއުމުގެ ހުއްދަ ދޭން މިނިސްޓްރީން ނިންމައިފި،" މިނިސްޓަރު ވިދާޅުވި އެވެ.
ގުރުއާން ހިތުދަސް ކުޑަކުދިން ރޯދަ މަހު އެކި މިސްކިތްތަކުގައި ނަމާދާއި ތަރާވީހް ނަމާދު ވެސް ކުރެ އެވެ.
އިމާމުން ކުރިއަރުވަން މިނިސްޓްރީން ގެންގުޅުއްވާ ވިސްނުމުގެ ތެރެއިން، މިސްކިތްތަކުގެ އިމާމުންގެ ތެރެއިން މާސްޓާސް ހާސިލްކޮށްފައިވާ އިމާމުންނަށް ބޭރުގެ ޔުނިވާސިޓީއަކުން ޕީއެޗްޑީ ހާސިލްކުރުމުގެ މަޝްރޫއެއް ވަރަށް އަވަހަށް ފައްޓަވާނެ ކަމަށް ވެސް މިނިސްޓަރު ވަނީ ވިދާޅުވެފަ އެވެ.
އިމާމުވެ ނަމާދުކުރަން 12އަހަރުގެ ކުދިންނަށް ހުއްދައެއް
މިސްކިތެއްގައި އިނގިރޭސިން ހުތުބާ ކިޔަން ހިޔާލު ހޯދަނީ
ސަލްމާން މިސްކިތުގައި އިސްލާމީ ލައިބްރަރީއެއް ހަދަނީ
12 މިސްކިތެއްގައި ހުކުރު ކުރީ ޒުވާން ހަތީބުން
ހަތީބުންގެ ޕްރޮގްރާމް 209 މީހުން ފުރިހަމަކޮށްފި
"ސަފީރުންނަށް ދަތި ކުރުމަކީ ނަސްރު ދިނުމެއް ނޫން"
އޮސްޓްރޭލިއާ ނޭވީގެ އިމާމް ރާއްޖޭގައި ހުތުބާ ދެއްވަނީ
ތާރީހީ ދުވަހެއް، އަންހެންބޭފުޅެއްގެ ފުރަތަމަ ހުތުބާ!
ހުތުބާ ތަރުޖަމާކޮށް ސަބްޓައިޓަލް އަރުވަން ފަށައިފި
އިސްލާމިކް މިނިސްޓްރީގެ "މީޑިއާ މައުރަޒު" ފަށައިފި