ބޯޓިން އެސޯސިއޭޝަންގެ ރައީސަކަށް އާމިރު މަންސޫރު

ނެޝަނަލް ބޯޓިން އެސޯސިއޭޝަން އޮފް މޯލްޑިވްސް (އެންބީއޭއެމް) ގެ ރައީސް ކަމަށް ވިޔަފާރިވެރިޔާ އާމިރު މަންސޫރު ހަމަޖައްސައިފި އެވެ.

އިއްޔެ މާގިރި ހޮޓެލްގައި ބޭއްވި އަހަރީ އާންމު ޖަލްސާގައި ވަނީ ރައީސް ކަމުގެ އިތުރުން އެ ޖަމިއްޔާގެ އެގްޒެކެޓިވް ބޯޑު މެންބަރުން ވެސް އައްޔަންކޮށްފަ އެވެ.

ބޯޓިން އެސޯސިއޭޝަންގެ ރައީސް ކަން ކުރިން ކުރެއްވީ އިސްމާއިލް ހަމީދެވެ. އަހަރީ އާންމު ޖަލްސާގައި އޭނާ ވަނީ ވޭތުވެދިޔަ 16 އަހަރު އެ ޖަމިއްޔާ އިން ހާސިލު ކުރިއެރުންތައް ފާހަގަކޮށްފަ އެވެ.

އެ އެސޯސިއޭޝަންގެ ނައިބު ރައީސަކަށް ހޮވިފައި ވަނީ އައިމިނަތު ސޮލާހެވެ. އަދި ޓްރެޝަރާ އަށް އަހުމަދު އިބްރާހިމް އާއި ސެކްރެޓަރީ ޖެނެރަލްގެ މަގާމަށް މަރިޔަމް މާއިޝާ ހަމަޖެއްސެވި އެވެ.

ބޯޓިން އެސޯސިއޭޝަން ބޯޑުގައި ދެން ހިމެނިވަޑައިގަންނަވަނީ:

- އިސްމާއިލް ހަމީދު

- އަހުމަދު އަފްރާހް

- އިބްރާހިމް ޝާހިދު

- އަހުމަދު ޒުބައިރް އާދަމް

- ހުސެއިން އަމަން

- އިސްމާއިލް ޝަރީފު

- ހަސަން ހަލީމު