އިންޑިއާގެ ކަރްނާޓަކާ ސްޓޭޓްގައި އެޕަލް ކުންފުނިން އައިފޯނު އުފެއްދުމުގެ މަސައްކަތް ފަށަން ނިންމާފައިވާ ކަމަށް ކަރްނާޓަކާގެ ސަރަހައްދީ ސަރުކާރުން ބުނެފި އެވެ.
04 ފެބުރުއަރީ 2017
އިންޑިއާގެ ކަރްނާޓަކާ ސްޓޭޓްގައި އެޕަލް ކުންފުނިން އައިފޯނު އުފެއްދުމުގެ މަސައްކަތް ފަށަން ނިންމާފައިވާ ކަމަށް ކަރްނާޓަކާގެ ސަރަހައްދީ ސަރުކާރުން ބުނެފި އެވެ.
ޓެކްނޮލޮޖީގެ ހަބެއް ކަމަށްވާ ބެންގަލޫރުގައި ވެރިކަންކުރާ ސްޓޭޓްގެ ސަރުކާރުން މިކަން އިއުލާނުކުރި ނަމަވެސް އެޕަލް އިން އަދި މިކަމުގައި ވާހަކައެއް ނުދައްކަ އެވެ.
ދެކުނު ކޮރެއާގެ ސެންސަންގަށް ވުރެ މޯބައިލް ފޯނު މާކެޓް ހިއްސާގައި ދެ ޕަސެންޓް ފަހަތުގައި އޮތް އެޕަލް އިން އިންޑިއާގައި ފޯނު އުފައްދަން ފެށުމާ ބެހޭ ގޮތުން ވާހަކަ ދެކެވިފައިވާ ކަމަށާއި އޭޕްރީލް މަސް ނިމޭއިރު އެޕަލް އިން އިންޑިއާގައި މަސައްކަތް ފަށާނެ ކަމަށް ބެލެވޭ ކަމަށް ކަރްނާޓަކާގެ އިންފޮމޭޝަން ޓެކްނޮލޮޖީ އެންޑް ބަޔޯޓެކްނޮލޮޖީ މިނިސްޓަރު އޭއެފްޕީ އަށް ވިދާޅުވެފައިވެ އެވެ.
ބައެއް ރިޕޯޓްތައް ބުނާ ގޮތުގައި އެޕަލްގެ ކާރުޚާނާ އިންޑިއާގައި ބިނާކުރުމުގެ މަސައްކަތް ޓައިވާންގެ ކުންފުންޏެއް ކަމަށްވާ ވިސްޓްރޯން އިން އަންނަނީ ކުރަމުންނެވެ.
އެޕަލްގެ ފޯނު ވިކޭ މިންވަރު ނިސްބަތުން މަދު ނަމަވެސް ފެންވަރު މަތީ ފޯނުގެ މާކެޓްގެ ގާތްގަނޑަކަށް ދެ ބައިކުޅަ އެއްބައި އެޕަލް އިން ކޮންޓްރޯލްކުރެ އެވެ. އަދި ހަލުވިކަމާ އެކު އަންނަނީ މާކެޓްގައި ވަރުގަދަކުރަމުންނެވެ.
އެޕަލްގެ ރަސްމީ ފިހާރައެއް މިހާތަނަށް ވެސް އިންޑިއާގައި ގާއިމުކޮށްފައެއް ނުވެ އެވެ. މިކަމުގައި ހުރަސްތައް ކުރިމަތިވެފައި ވަނީ ބިދޭސީ ކުންފުނިތަކާ މެދު އަމަލުކުރާ ގާނޫނުތަކާއި ގަވައިދުތަކުގެ ސަބަބުންނެވެ.
ކޮންމެ 5 އައިފޯނަކުން 1 ފޯނު ހަދަނީ އިންޑިއާގައި
އިންޑިއާގައި އައިފޯން 12 އުފައްދަން ފަށައިފި
އެޕަލް އިން އިންޑިއާގައި އައިޕެޑް އުފައްދަން ބޭނުން
އެޕަލް އިން އެމެރިކާގައި އައިފޯނެއް ނުހަދާނެ
އައިފޯނު ވިޔަފާރި އިންޑިއާގައި ދަށަށް؛ ޗައިނާއާ ހެދި؟
އައިފޯނުގެ އަގުބޮޑު މޮޑެލްތައް އިންޑިއާގައި އުފައްދަނީ
އިޝްތިހާރަކުން އެޕަލް އަށް ބޮޑު ލަދެއް
އިންޑިޔާގައި އައިފޯނު އަގުބޮޑުކޮށްފި
އެޕަލް އަށް ވަކި ގޮތެއް ހަދައިދެވޭކަށް ނެތް: އިންޑިއާ
އިންޑިއާގައި އެޕަލް ގަދަކޮށްފި