އިޝްތިހާރަކުން އެޕަލް އަށް ބޮޑު ލަދެއް

އެހެން ބައެއްގެ މަސައްކަތެއް ކޮޕީކޮށްގެން މި ޒަމާނުގައި ފަޅާނާރާނެ ކަމަށް އެއްގޮތަކަށް ވެސް ހީކޮށްގެން ނުވާނެ އެވެ. އަދި އެއާއެކު ސޯޝަލް މީޑިއާގައިކޮށްލާ މަލާމާތްތަކަށް ވެސް ޖެހޭނީ ލޯ މަރާލައިގެން ހުރެ ކެތްކޮށްލާށެވެ.

އަހުމަދު އަދްޝަން

22 މާޗް 2018

އެޕަލް އައިފޯން 10 ގެ އިޝްތިހާރެއް އާންމުކުރުމާ އެކު އެތައް ބަޔަކު ވަނީ ކެކި އަރައިގެންފަ އެވެ. ހާއްސަކޮށް ދުނިޔޭގެ ދެވަނަ އަށް އެންމެ އާބާދީ ބޮޑު އިންޑިއާ މީހުންނެވެ. އެހެން ނުވާންވީ ސަބަބެއް ވެސް ނެތެވެ. އިޝްތިހާރުގައި އޮތީ އިންޑިއާގެ މިއުޒިކެއް ކޮޕީކޮށްލައިފަ އެވެ.

The new @Apple iPhoneX advert is out AND I PRODUCED THE MUSIC FOR IT ;) It's for worldwide use across Cinema and TV. It don't get much bigger laaaa! Have a watch if you've got a moment... #iPhoneX https://t.co/SkPGORMM1K
— Pete Cannon (@petecannonbeats) March 17, 2018

ޕީޓް ކެނަންގެ ޓްވީޓް.

އެޕަލްގެ މިއުޒިކް ޕްރޮޑިއުސަރު ޕީޓް ކެނަން ތައްޔާރު ކުރި އެޕަލް އައިފޯން 5 ގެ އިޝްތިހާރު ޓްވިޓާ މެދުވެރިކޮށް ހިއްސާ ކުރަމުން އޭނާ ބުނީ މިއީ އެޕަލްގެ އައިފޯންގެ ހުރިހާ ފޭނުންނަށް ދޫކޮށްލާ އެއްޗެއް ކަމަށެވެ.

ޕީޓްގެ އެ ޓްވީޓާ އެކު އިންޑިއާގެ އެތައް ބަޔަކު ވަނީ އިޝްތިހާރު ބަލާފައި ސޯޝަލް މީޑިއާގައި ޝުއޫރުތައް ބަންޑުން ކުރަން ފަށައިފަ އެވެ. އަދި އިޝްތިހާރުގައި ބޭނުންކޮށްފައި ވަނީ އިންޑިއާގެ ކުރީގެ މިއުޒިކް ޑައިރެކްޓަރު އާރްޑީ ބަރްމަން 1980 ވަނަ އަހަރު ފިލްމް "ދަ ބާނިން ޓްރެނިން" ގެ ލަވައަކަށް ކޮމްޕޯޒްކޮށް ދިން "މޭރީ ނަޒަރް ހޭ ތުޖްޕޭ" ގެ މިއުޒިކް ކަމަށް ބުނެފައިވެ އެވެ.

Dear @petecannonbeats The original piece is by Indian composer #RDBurman aka #Pancham for a film called The Burning Train (way back in 1980).. @Apple #IPhoneX Ad

Check it out https://t.co/VNTx44a02y https://t.co/istzywUVjM
— Pavan Jha (@p1j) March 19, 2018

ޕީޓްގެ އެޑަށް މީހަކު ޓްވީޓްކޮށްފައި.

ނަވާރަސަތޭކަ ނުވަދިހަ ހަތަރެއްގައި މަރުވެފައިވާ ބަރްމަންއަކީ އިންޑިއާގެ އެންމެ ކުޅަދާނަ އެއް އަންހެން ލަވަކިޔުންތެރިޔާ އާޝާ ބޯސްލޭގެ ފިރިމީހާ އެވެ.

ބަރްމަންގެ މިއުޒިކް ޕީޓް ކޮޕީކޮށްފައިވާ ކަމަށް ބުނެ މަލާމާތް ކުރަން ފެށުމުން އޭނާ ފަހުން ވަނީ އަނެއްކާ ވެސް ޓްވީޓެއްކޮށް، ފޭނުން މައިތިރި ކުރަން މަސައްކަތްކޮށްފަ އެވެ. އެ ޓްވީޓްގައި އޭނާ ވަނީ އެއީ ބަރްމަންގެ މިއުޒިކް ކަމަށް އެއްބަސް ވެފަ އެވެ. އަދި އެ ބޭނުން ކުރީ ލަވައިގެ ވެރިފަރާތުން ހުއްދަ ހޯދައިގެން ކަމަށް ބުނެފައިވެ އެވެ.

Hi Guys, I just want to address the sample used in the new Apple iPhoneX advert. It samples a track from the great R D Burman's 'Burning Train’ and it's a MAGICAL piece of music! It was cleared/licensed via Blurred Recs courtesy of Saregama. Everyone is on board and loves it. ;)
— Pete Cannon (@petecannonbeats) March 19, 2018

ޕީޓް ފަހުން ކުރި ޓްވީޓް.

"ބަރުމަންގެ މިއުޒިކް ވަރަށް ޖާދުވީ. އަހަރެން އިޝްތިހާރުގައި އެ ބޭނުންކޮށްލީ ސާމްޕަލެއްގެ ގޮތުން. އަނެއްކާ އެތައް ބަޔަކަށް މީތި ކަމުވެސް ގޮސްފި،" ޕީޓް ބުންޏެވެ.

އެކަމަކު އިޝްތިހާރު އާންމު ކުރި ޓްވީޓްގައި ބަރްމަން އަށް ކްރެޑިޓް ދީފައި ނެތުމަކީ ޕީޓް "ވަގު ޖަހައިގެން" އޮތުން ކަމަށް ބައެއް މީހުން ވަނީ ސިފަކޮށްފަ އެވެ. އަދި އެކަން ފާހަގަނުކުރި ނަމަ، އޭނާ ފަހުން ބަރްމަންގެ ވާހަކަ ނުދައްކާނެ ކަމަށް ވެސް ޝުއޫރު ފާޅުކުރި ގިނަ މީހުން ބުންޏެވެ.

Comments