ސްޓީލް ހާޑްވެއާ ހިންގާ އައިލެންޑް މާކް ހާޑްވެއާއިން ލަންކާ ހޮސްޕިޓަލްތަކަށް ބޮޑު އެހީއެއް

މަޝްހޫރު ސްޓީލް ހާޑްވެއާ ފިހާރަ ހިންގާ ކުންފުނި، އައިލެންޑްމާކް ހާޑްވެއާ އިން ލަންކާގެ ހޮސްޕިޓަލްތަކަށް 3.7 މިލިއަން ރުޕީސްގެ ސާމާނު ހަދިޔާކޮށްފި އެވެ.

އެ ކުންފުނިން އެހީގެ ގޮތުގައި ދީފައި ވަނީ ކޮންސައިންމެންޓް ޑިސްއިންފެކްޓެންޓް އެވެ. މި ތަކެތި ލަންކާގެ ހޮސްޕިޓަލް އެ ކުންފުނިން ދިން އެހީ އާ ހަވާލުވީ ރާއްޖެ އަށް ކަނޑައަޅާފައި ހުންނަވާ ހައި ކޮމިޝަނާ އޭ އެމް ޖޭ ސޯދިގު އާ އެވެ.

ރާއްޖޭގައި އެންމެ ފުޅާ ދާއިރާއެއްގައި ހާޑްވެއާ ސާމާނު ވިއްކަމުން އަންނަ ސްޓީލް ހާޑްވެއާ ކުންފުނީގެ މައި ކުންފުނި، އައިލެންޑްމާކް ހާޑްވެއާ އިން ދިން އެހީ އަށް ހައި ކޮމިޝަނަރު ވަނީ ޝުކުރު އަދާކޮށްފަ އެވެ. އަދި އެ ކުންފުނީގެ މެނޭޖިން ޑިރެކްޓަރު އަލީ ފައުޒީއާ އެކު ކުންފުނީގެ މަސައްކަތްތަކާ ގުޅޭ ގޮތުން ވަނީ މަޝްވަރާ ކުރައްވައިފަ އެވެ.

އައިލެންޑްމާކް ހާޑްވެއާގެ ދަށުން ހިންގާ ސްޓީލް ހާޑްވެއާ އިން ރާއްޖޭގައި ތަފާތު ގިނަ ބާވަތްތަކެއްގެ ހާޑްވެއާ ސާމާނު ވިއްކަ އެވެ. އޭގެތެރޭގައި ކޮންސްޓްރަކްޝަން ސާމާނާއި ހާޑްވެއާ ޓޫލްސް ހިމެނެ އެވެ.

ހައި ކޮމިޝަނުގައި ބޭއްވި ރަސްމިއްޔާތުގައި އައިލެންޑްމާކް ހާޑްވެއާގެ އިސްވެރިން ވެސް ބައިވެރިވެ ވަޑައިގަތެވެ.

ޑިސްއިންފެކްޝަން ކެމިކަލްތައް މިހާރު ވަނީ ލަންކާގެ އެއާލައިން މެދުވެރިކޮށް އެ ގައުމަށް ފޮނުވައިފަ އެވެ. މި ތަކެތި ލަންކާ އަށް ފޮނުވާފައި ވަނީ ރާއްޖޭގައި ހިންގާ ޖޮއިންޓް ވެންޗާ ކުންފުނި، ޓޯޓަލް ޓްރާންސްޕޯޓް ސޮލިއުޝަން މޯލްޑިވްސްގެ އެހީއާ އެކު އެވެ.