އިމާރާތްތަކުގެ ފުރިހަމަ ކަމަށް "ޝެރާ" ބޯޑު

އިމާރާތެއް ހަދާ ނިމޭއިރު އެ އިމާރާތަކީ އެންމެ ޒަމާނީ ފެންވަރުގައި އެންމެ ފުރިހަމައަށް ނިމޭތަނެއް ކަން ކަށަވަރުކުރުމަށް އެ ތަނެއް ފަރުމާކޮށް ހެދުމުގައި ބޭނުންކުރާ ތަކެއްޗަކީ މުހިންމު ދައުރެއް އަދާ ކުރާ އެއްޗެކެވެ. ބޮޑު ހަރަދުތަކެއް ކޮށް ބޮޑެތި މަޝްރޫއުތައް ނިންމާއިރު، ކުރު މުއްދަތެއްގެ ތެރޭގައި ރެނޮވޭޝަނަށް ބޮޑު ހޭދައެއް ކުރަން ނުޖެހޭނެކަން ކަށަވަރުކުރުމަށް ވެސް އިމާރަތްކޮށް ތަން ފަރުމާކުރުމުގައި ބޭނުން ކުރާ ތަކެއްޗަކީ މުހިންމު ދައުރެއް އަދާ ކުރާ އެއްޗެކެވެ.

އިމާރާތްތައް ފުރިހަމަކުރުމުގައި މި ކަންތައްތައް ކަށަވަރުކުރުމަށް ބޭނުން ކުރެވޭނެ އެކައްޗަކީ ކޮންސްޓްރަކްޝަން ދާއިރާގައި ގިނަ ބައެއްގެ އިތުބާރު މިހާރު ހޯދާފައިވާ ޝެރާ ބޯޑެވެ.

ޝެރާ ބޯޑަކީ ޕޯޓްލޭންޑް ސިމެންތި، ސެލިއުލޯޒް ފައިބާ އަދި ރިފައިންޑް ވެލި އެކުލެވިގެންވާ ނޮން-އެސްބެސްޓޯސް ފައިބާ-ސިމެންތި ބިލްޑިން ބޯޑެކެވެ. މި ބޯޑަކީ އޮޓޯކްލޭވް ނަމަކަށް ކިޔާ ޕްރޮސެސެއް ބޭނުން ކޮށްގެން ތައްޔާރު ކުރާ ބޯޑަކެވެ. މިއީ ދެމެހެއްޓެނިވި ގޮތެއްގައި ބޭނުން ކުރެވޭނެ، ތިމާވެއްޓާއި ވެސް ރައްޓެހި މަސައްކަތުގައި ބޭނުން ކުރަން ފަސޭހަ ޑައިމެންޝަނަލް ސްޓެބިލިޓީ ހޯދައިދޭ އެއްޗެކެވެ.

ޝެރާ ބޯޑަކީ އިމާރާތުގެ އެތެރޭގެ އިންޓީރިއާއަށް އެކަނި ބޭނުން ކުރެވޭނެ އެއްޗެއް ނޫނެވެ. މިއީ އިމާރާތުގެ ބޭރުގަ އާއި އިމާރާތަށް ބޭނުންވާ ކައުންޓާ ޓޮޕްސް ފަދަ ބައެއް ތަކެތި ހެދުމަށް ވެސް ބޭނުން ކުރެވިދާނެ އެއްޗެކެވެ. އާއްމުކޮށް ގެސްޓް ހައުސްތަކާއި ހޮޓެލްތަކުގައި ހުންނަ ރިސެޕްޝަން އޭރިއާގެ މޭޒާއި ޑެކަރޭޝަނަށް އަދި އިމާރާތަށް ބޭނުންވާ ޑިޒައިންތައް ކަނޑާނަގައިގެން ވެސް ޝެރާ ބޯޑު ބޭނުން ކުރެވޭނެ އެވެ. އޭގެ އިތުރުން ސޯފާ ގޮނޑީގެ ފްރޭމް ހެދުމަށާއި، މޭޒު ފަދަ ބައެއް ފަރުނީޗަރު ހެދުމަށް ވެސް ޝެރާ ބޯޑު ބޭނުން ކުރެވޭނެ އެވެ.

ޝެރާ ބޯޑުގެ މުހިންމު ސިފަތައް

- ވެދާ ރެސިސްޓެންޓް

- ފެނަށް ލިބޭ ގެއްލުމުން ރައްކާތެރިކަން ލިބުން

- ފަޔާ ރެސިސްޓެންޓް

- ސައުންޑް އިންސުލޭޝަން ފޯރުކޮށްދިނުން

- ފަޅައިގެން ގޮސް ހަލާކުވުމުން ރައްކާކޮށްދޭ

- ޝްރިންކުވާ މިންވަރު ކުޑަކޮށްދޭ

- ފްލެކްސިބަލްކޮށް ބޭނުން ކުރެވުން

- ކަތުރު ފަނި ފަދަ ދިރޭތަކެތި އެޅުމުން ރައްކާތެރިކޮށްދޭ

މި ބޯޑަކީ އެކި ފޯމެޓުތަކުގައި ލިބެން ހުންނަ އެކި ބިލްޑިން އެޕްލިކޭޝަންތަކުގައި ބޭނުން ކުރެވޭނެ ބޯޑެކެވެ. ޝެރާ ބޯޑުގެ އޮތޮރައިޒްޑްކޮށް ޑިސްޓްރި ބިއުޓް ކުރާ ސްޓީލް ހާޑްވެއާ އަކީ މި ފަދަ މަގުބޫލު އެކި ބިލްޑްވެއާ މެޓީރިއަލްސް ވިއްކަމުންދާ ކުންފުންޏެކެވެ. އޭގެ ތެރޭގައި އާރް އާރް ވަޔަރާއި ކޭބަލް ހިމެނެ އެވެ.

ސްޓީލް ހާޑްވެއާ އަކީ ޒަމާނީ ފެންވަރު ރަނގަޅު ބިލްޑްވެއާ އަދި ކޮންސްޓްރަކްޝަން މެޓީރިއަލްސް ދިވެހި އިންޑަސްޓްރީއަށް ތައާރަފްކުރުމަށް 2005 ވަނަ އަހަރު އެއްބަނޑު އެއްބަފާ ހަތަރު ބެއިން ފެށި ވިޔަފާރިއެކެވެ. މީގެ 18 އަހަރު ކުރިން ފެށި އެ ވިޔަފާރީގެ ޕޯޓްފޯލިއޯ ފުޅާކޮށް ރާއްޖޭގެ އެކި ހިސާބުތަކުގައި ބޮޑު ކްލައިންޓުންގެ ނެޓްވޯކެއް ވަނީ ގާއިމު ކޮށްފަ އެވެ. އަދި އެ ކުންފުނިން ވިއްކާ ޝެރާ ބޯޑު ފަދަ ޕްރޮޑަކްޓުތަކަކީ ރާއްޖޭގެ ހޮސްޕިޓާލިޓީ އިންޑަސްޓްރީގައި ރިސޯޓުތަކާއި ހޮޓެލްތައް ތަރައްގީކުރުމުގައި ވެސް ގިނަ ބަޔަކު ބޭނުން ކުރާ ތަކެއްޗަށް ވަނީ ވެފަ އެވެ.

ސްޓީލް ހާޑްވެއާގައި ޝެރާ ބޯޑުގެ އިތުރު ޑިޒައިނެއް ހިމެނޭ "ގްރޫވް" ބޯޑު ވެސް މިހާރު ލިބެން ހުންނާނެ އެވެ.

ސްޓީލް ހާޑްވެއާ އަކީ "ޝެރާ"ގެ އޮތޮރައިޒްޑް ޑިސްޓްރިބިއުޓަރެވެ.

ނޯޓް: މިއީ ސްޓީލް ހާޑްވެއާގެ އެޑްވަޓޯރިއަލްއެކެވެ.