ކެނޮންގެ ހުރިހާ ޕްރޮޑަކްޓެއް ސިމްޑީގެ ކެނޯން އިމޭޖް ސްކޮޔާއިން

ސިމްޑީގެ ޓެކް ޑިވިޝަނުގެ ދަށުން 2017 ވަނަ އަހަރު ހުޅުވި "ކެނޮން އިމޭޖް ސްކޮޔާ" އަކީ ފޮޓޯގްރަފީ ދާއިރާގައި އެންމެ ކުރިއަރާފައިވާ ބްރޭންޑް، ކެނޮންގެ އުފެއްދުންތަކަށް ހާއްސަ ކޮށްގެން ހުޅުވި ޝޯރޫމެކެވެ. މި ޝޯރޫމުން ލިބެން ހުންނަ ހުރިހާ އުފެއްދުމަކީ ވެސް ދިވެހި ފޮޓޯގްރަފަރުންގެ މެދުގައި މަގުބޫލުކަން ހޯދާފައިވާ އުފެއްދުންތަކެވެ.

އިމޭޖް ސްކޮޔާއިން ކެނޮންގެ ފޮޓޯގްރަފީއާ ގުޅޭ ހުރިހާ އުފެއްދުމެއް ލިބެން ހުންނާނެ އެވެ. މީގެ ތެރޭގައި ފޮޓޯ ނަގަން ފަށައިގަންނަ މީހުންނަށް ހާއްސަ ކެމެރާއިން ފެށިގެން ޕްރޮފެޝަނަލް ފޮޓޯގްރަފަރުންނަށް ހާއްސަ ކެމެރާތަކާއި ޓްރައިޕޮޑާއި ފޮޓޯ ޕްރިންޓަރު ފަދަ ޕްރޮޑަކްޓުތައް ހިމެނެ އެވެ.

ސިމްޑީން ކެނޮންގެ ހާއްސަ ޝޯރޫމެއް ހުޅުވީ ރާއްޖޭގެ ފޮޓޯގްރަފަރުންނަށް އެ ބްރޭންޑުގެ ހުރިހާ އުފެއްދުމެއް އެއް ފުރާޅެއްގެ ދަށުން ލިބޭނެ ގޮތް ހަދައިދިނުމުގެ ބޭނުމުގަ އެވެ. މި ޝޯރޫމުން ގަންނަ ކޮންމެ ޕްރޮޑަކްޓަކާ އެކު ވޮރެންޓީ ވެސް ކަސްޓަމަރުންނަށް ލިބޭނެ އެވެ.

ޖަޕާނުގެ ބްރޭންޑެއް ކަމަށްވާ ކެނޮންގެ ޝޯރޫމެއް ރާއްޖޭގައި ހުޅުވިއިރު ސިމްޑީއަކީ އެ ބްރޭންޑުގެ ރާއްޖޭގެ އޮތޮރައިޒްޑް ޑިސްޓްރިބިއުޓާ އެވެ. މިއީ އޭޝިއާގައި ކެނޮން އިން ހުޅުވި 10 ވަނަ ޝޯރޫމެވެ.

އިމޭޖް ސްކޮޔާއިން ވިޔަފާރި ކުރަން ބޭނުންވާ ކަސްޓަމަރުންނަށް އެ ޝޯރޫމަށް ޒިޔާރަތް ކުރުމުން އެތަނުން ލިބެން ހުންނަ ޕްރޮޑަކްޓުތަކާ ގުޅޭ މައުލޫމާތު ފޯރުކޮށްދޭނެ އެވެ. މި މައުލޫމާތުތައް ފޯރުކޮށްދޭނީ ކެނޯން ސެޓިފައިޑް ސޭލްސް އެޖެންޓުންނެވެ. މި އެޖެންޓުން ކަސްޓަމަރުންނަށް ކެމެރާ ބޭނުންކުރާނެ ގޮތާއި ފީޗާތަކާ ގުޅޭ މައުލޫމާތު ދޭނެ އެވެ.

ސިމްޑީގެ މޯބައިލް އެޕްލިކޭޝަން މެދުވެރިކޮށް ވެސް މިހާރު ކެނޮންގެ އުފެއްދުންތައް ގެނެވޭނެ އެވެ. މި އެޕްލިކޭޝަނަކީ ގޭގައި ތިބެގެން ފަސޭހަކަމާ އެކު ވިޔަފާރި ކުރުމުގެ ފުރުސަތު ފަހިކޮށްދިނުމަށް ތައާރަފުކުރި އެޕްލިކޭޝަނެކެވެ.