މުއްސަނދިންނަށް ބިން ވިއްކާތީ ނަޝީދުގެ ނުރުހުން

މުއްސަނދިންނަށް ހުޅުމާލެ އިން ބިން ވިއްކުމަށް ނަޝީދު ދެކޮޅު

27 ޑިސެމްބަރ 2021

ހުޅުމާލޭގެ ދެވަނަ ފިޔަވަހިން ބީލަމުގެ އުސޫލުން 60 ގޯތި ވިއްކުމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން މިއަދު ހުޅުވާލާފައިވަނިކޮށް މަދު އާމްދަނީ ލިބޭނެ މީހުންނަށް ބިން ލިބޭނެ ގޮތެއް ނެތި ހުޅުމާލެއިން ބިން ވިއްކުން ބަލައިނުގަނެވޭނެ ކަމަށް މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު މިރޭ ވިދާޅުވެއްޖެ އެވެ.

މާއިދާ މުހައްމަދު ރަޝާދު

އެޗްްޑީސީން މިއަދު ކުރި އިއުލާނެއްގައި ވަނީ ހުޅުމާލޭ ދެވަނަ ފިޔަވަހިން 1،603 އަކަފޫޓާއި 2،633.93 އަކަފޫޓާ ދެމެދުގެ 60 ބިމެއް ބީލަމުގެ އުސޫލުން ގަތުމުގެ ފުރުސަތު ހުޅުވާލައި އެކަމަށް ޝައުގުވެރިވާ ނަމަ، ބިޑް ސެކިއުރިޓީގެ ގޮތުގައި 320،000ރ. ހުށަހެޅުމަށެވެ. އެހެންވެ، މުއްސަނދިންނަށް ބިން ވިއްކުމާ ގުޅޭ އަޑުގަދަވެފައިވަނިކޮށް ނަޝީދު ކުރެއްވި ޓްވީޓުގައި ވަނީ މާލޭ ސަރަހައްދުގައި ދިރިއުޅޭ މަދުން އާމްދަނީ ލިބޭ މީހުންނަށް ބިން ލިބޭނެ ގޮތެއް ނެތި ހުޅުމާލެއިން ބިން ވިއްކުމަކީ ބަލައިގަނެވޭނެ ކަމެއް ނޫން ކަމަށާއި އެ ސިޔާސަތު ބަދަލުކުރުމަށް ސަރުކާރަށް ގޮވާލައްވާ ކަމަށެވެ.

Male’ sarahadhuga dhiriulhey aanmdhanee madhu meehunah bin libeyne gotheh nethi HulhuMale’ in bin vikkumakee balaiganeveyne kameh noon. Mi siyaasath badhalu kurumah sarukaarah govaalan
— Mohamed Nasheed (@MohamedNasheed) December 27, 2021

އެޗްޑީސީގެ ނިންމުމާ އެކު މާލޭގެ މޭޔަރު އަދި ކުރީގެ ހައުސިން މިނިސްޓަރު ޑރ. މުހައްމަދު މުއިއްޒު ކުރެއްވި ޓްވީޓުގައި ވިދާޅުވީ މާލޭ ރައްޔިތުންނަށް ގޯތި ލިބޭނެގޮތް ފަހިކޮށްދިނުމަށްވުރެ ސަރުކާރުން އިސްކަންދެނީ އެޗްޑީސީގެ އާމްދަނީ އިތުރުކުރުމަށް ކަމަށެވެ. އަދި އޭނާ ވަނީ މާލެ ރައްޔިތުން ނިކަމެތިކުރުން ހުއްޓާލުމަށް ގޮވާލައި ގޮވާލުން ތަކުރާރުކުރައްވައިފަ އެވެ.

މާލެ ސިޓީ ކައުންސިލްގެ އިޚްތިޞާސްގެ ތެރޭގައި ހިމެނޭ ހުޅުމާލެ 2 ވަނަ ފިޔަވަހިން މާލޭ ރައްޔިތުންނަށް ގޯތި ލިބޭނެގޮތް ފަހިކޮށްދިނުމަށްވުރެ ސަރުކާރުން އިސްކަންދެނީ ކުންފުންޏެއްގެ ޢާމްދަނީ އިތުރުކުރުމަށް! މާލެ ރައްޔިތުން ނިކަމެތިކުރުން ހުއްޓާލުމަށް ސަރުކާރަށް ގޮވާލަން! pic.twitter.com/TDJkOa8eSk
— Dr Mohamed Muizzu (@MMuizzu) December 27, 2021

އެންމެ ބޮޑު އަދަދަކުން ބިޑް ހުށަހަޅައި މީހަކަށް ބިން ލިބޭ ގޮތަށް ހުޅުމާލެއިން ބިން ވިއްކަން ނިންމި ނިންމުމާ އެކު އެކަމުގެ ނުރުހުން ފާޅުކޮށް ލޯޔަރު މަރިޔަމް ޝުނާނާ ކުރެއްވި ޓްވީޓުގައި ވިދާޅުވީ ހުޅުމާލެ އިން އެންމެ ފުރަތަމަ ބިން ހިއްކީ ރައްޔިތުންގެ ފައިސާ އިން "ހުޅުމާލެ ތަރައްގީކުރުމާ ބެހޭ ޔުނިޓް" ގެ ނަމުގައި ރައީސް އޮފީހުން އޭރު އުފެއްދި ޔުނިޓެއްގެ ދަށުން ކަމަށެވެ. އޭރު ބިން ހިއްކުމުގެ މައިގަނޑު މަގްސަދަކީ ބޭނުންޖެހިފައިވާ މީހުންނަށް އެތަނުން ބޯހިޔާވަހިކަން ފޯރުކޮށްދިނުން ކަމަށާއި މުއްސަނދިން އިތުރަށް މުއްސަނދިކުރަން ނޫން ކަމަށް އޭނާ ވިދާޅުވި އެވެ.

They said there is no land in hulhumale to give for those in dire need of housing & now they are selling lands to the rich for housing purpose. The real purpose is to sell to rich to build guest houses & for other commercial purposes. https://t.co/N3vwgVA5Gk
— SHUNA ??‍? (@ShunanaMariyam) December 27, 2021

މާލޭގެ ތޮއްޖެހުމަށް ލުޔެއް ހޯދަން ހިއްކި ހުޅުމާލޭގެ ދެ ވަނަ ފޭސް އިން މީގެ ކުރިން ވެސް "މުއްސަނދިންނަށް" ބިން ވިއްކުމުން އެކަން އިންސާފުވެރި ނޫން ކަމަށް ބުނެ ގިނަ ބަޔަކު ކަންބޮޑުވުން ފާޅުކުރި އެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި ދެ ވަނަ ފިޔަވަހިން 240 ހެކްޓަރުގެ ބިން ވަނީ ހިއްކައިފަ އެވެ.

Comments