އިންޑިއާގެ "އިޑްލީ އައްމާ" އަށް މަހުޖަނެއްގެ އެހީ

10 އެޕްރީލް 2021

ހަނޑުލުން ހަދާ، އިންޑިއާގެ މަޝްހޫރު ކެއުމެއް ކަމަށްވާ "އިޑްލީ" ވިއްކައިގެން އާންމުންގެ ތެރޭގައި "އިޑްލީ އައްމާ" ގެ ނަމުން މަޝްހޫރުވި ދުވަސްވީ އަންހެނަކަށް އެ ގައުމުގެ މަޝްހޫރު މަހުޖަނު އާނަންދު މަހިންދުރަ ގެއެއް ހަދިޔާކުރަން ނިންމައި ވިޔަފާރި ކުރިރުއަވަން އެހިވެދޭން ނިންމައިފި އެވެ.

އަހުމަދު އަދްޝަން

ޓަމިލްނާޑޫ ސްޓޭޓްގެ ކޮއިމްބަތޫރުގައި ދިރިއުޅޭ ކޭ ކަމަލަތަލް، 86، އަށް އިންވެސްޓްކުރައްވާނެ ވާހަކަ މަޝްހޫރު ކުންފުނި މަހިންދުރަ ގްރޫޕްގެ ޗެއާމަންގެ ޓްވިޓާގައި ވިދާޅުވީ މިދިޔަ އަހަރުގެ ސެޕްޓެމްބަރު މަހުގެ ތެރޭގަ އެވެ.

"އިޑްލީ އައްމާ" ކައްކަނިކޮށް ނަގާފައިވާ ވީޑިއޯއަކާ އެކު އޭރު އޭނާ ވިދާޅުވީ އެ މީހާއާ ބެހޭ މައުލޫމާތު ސާފުކޮށްދީ ނަމަ އެ މީހާގެ މަސައްކަތަށް އިންވެސްޓްކޮށްދެއްވަން ތައްޔާރަށް ހުންނެވި ކަމަށެވެ. އަދި ދަރު އުނދުނުން ވަރަށް ހާލުގައި ކައްކާތީ ގޭސް އުނދުނެއް ވެސް ހޯދައި ދެއްވާނެ ކަމަށް ވިދާޅުވި އެވެ.

Only rarely does one get to play a small part in someone’s inspiring story, and I would like to thank Kamalathal, better known as Idli Amma, for letting us play a small part in hers. She will soon have her own house cum workspace from where she will cook & sell idlis (1/3) https://t.co/vsaIKIGXTp
— anand mahindra (@anandmahindra) April 2, 2021

"އިޑްލީ އައްމާ" އަށް އެހީވުމާ ބެހޭ އެންމެ ފަހުގެ ވާހަކަތައް މި މަހުގެ 2 ވަނަ ދުވަހު ޓްވިޓާގައި ހިއްސާކޮށް އާނަންދު ވިދާޅުވީ މަސައްކަތްކުރަން އެކަށޭނެ ތަނަކާ އެކު ވަރަށް އަވަހަށް ގެއެއް ހަމަޖެހޭނެ ކަމަށެވެ.

އެ ގެ އިމާރާތްކުރަން ބޭނުންވާ ބިން ޓަމިލް ނާޑޫގެ ތޮންޑަމުތޫރުގެ ރެޖިސްޓްރޭޝަން އޮފީހުން ވެސް ހަމަޖައްސައި ދީފައިވާ ކަމަށް ވިދާޅުވި އެވެ. އެކަމުގެ ލިޔުންތަކާ "އިޑްލީ އައްމާ" ހަވާލުވާ ފޮޓޯތައް ވެސް އާނަންދުގެ ޓްވީޓްގައި ހިމަނުއްވާފައިވެ އެވެ. އާނަންދުގެ އިތުރު ޓްވީޓެއްގައި، ގޭސް އުނދުނެއް ވެސް ހަދިޔާކުރާ ފޮޓޯއަކާ އެކު ވިދާޅުވީ ކުރިއަށް އޮތް ތަނުގައި ގޭސް ގަވައިދުން ލިބެމުންދާ ކަމަށެވެ.

?? to the @MahindraRise team for understanding from Kamalathal how we can ‘invest’ in her business. She said her priority was a new home/workspace. Grateful to the Registration Office at Thondamuthur for helping us achieve our 1st milestone by speedily registering the land (2/3) pic.twitter.com/F6qKdHHD4w
— anand mahindra (@anandmahindra) April 2, 2021

މި އެހީއާ ގުޅިގެން ވަރަށް ގިނަ ބަޔަކު އާނަންދަށް ތައުރީފުކޮށްފައިވެ އެވެ. އުމުރުން 65 އަހަރުގެ ވިޔަފާވެރިޔާގެ މިލްކިއްޔާތު 1.6 ބިލިއަން ޑޮލަރަށް އަރަ އެވެ.

The Mahindra @life_spaces team will soon start the construction as per Kamalathal’s requirement. Once again thanks to BharatGas Coimbatore for providing her a continued supply of LPG. (3/3) pic.twitter.com/NO6YtWr9b5
— anand mahindra (@anandmahindra) April 2, 2021

"އިޑްލީ އައްމާ" އަކީ އިޑްލީގެ ވިޔަފާވެރި ފެށި ފަހުން އަގަށް އެއްވެސް ބަދަލެއް ނުގެނެސް މިހާތަނަށް އިޑްލީއެއް އެންމެ ރުޕީސްއަކަށް ވިއްކަމުން ދިޔަ މީހެކެވެ. އަދި މިދިޔަ އަހަރަކީ ކޮވިޑް-19އާ ހެދި އާދައިގެ މީހުންގެ ވަޒީފާގެ ގެއްލި ވަރަށް ހާލުގައި އުޅެން ދިމާވި އަހަރަކަށްވި ނަމަވެސް އެ މީހާގެ އަތުން ރުޕީސްއަކަށް އިޑްލީ ކަނެގެން ކެއުމަކީ ވަރަށް ގިނަ ބަޔަކަށް ލިބުނު ލުޔަކަށްވި އެވެ.

Comments