ސޮނީ ޓީވީން އާ ސިލްސިލާއެއް ފަށައިފި

މަގުބޫލު ސިލްސިލާއެއް ގެނެސްނުދެވޭތާ ދުވަސްތަކެއް ފަހުން ސޮނީ ޓީވީން ހޯމަ ދުވަހުގެ ރޭ އާ ސިލްސިލާއެއް ފަށައިފި އެވެ.

މި އަހަރު ޗެނެލުން ގެނެސްދޭ ފުރަތަމަ އާ ޝޯގެ ގޮތުގައި ފެށި ސިލްސިލާ އަކީ "ކިޔު އުއްތޭ ދިލް ޗޯޅު އާޔީ" އެވެ. މީގައި ދައްކާނީ އިންޑިއާ އަށް މިނިވަންކަން ލިބުނު އަހަރު ކަމަށްވާ 1947 ގައި ލާހޯރްގައި އުޅުނު ޒުވާން ތިން އަންހެނެއްގެ ވާހަކަ އެވެ. އިންޑިއާ އަށް މިނިވިކަން ލިބުމާ އެކު، ޕާކިސްތާނު އުފަންވުމާއި އެ ތިން އަންހެނުންގެ ހުވަފެންތަކާއި އުންމީދުތަކާއި އެ މީހުންގތެ ލޯބީގެ ގުޅުންތަކަށްވެގެންދާ ގޮތް ސިލްސިލާ އިން ވަރަށް އަސަރުގަދަ ހާދިސާތަކެއްގެ ގޮތުގައި ފެންނާނެ އެވެ.

މި ސިލްސިލާ ގެނެސްދެނީ ކުރީގެ ދިރިއުޅުމުގެ ވައްޓަފާޅި އާއި އޭރުގެ ހަނދާންތަކުގެ ތެރެއަށް ވެސް ބެލުންތެރިން ގެންގޮސްދޭ ގޮތަށެވެ. "ކިޔު އުއްތޭ ދިލް ޗޯޅު އާޔީ" ގެ މައިގަނޑު ކާސްޓްގައި ހިމެނެނީ ގްރޭސީ ގޮސްވާމީ، ޔާޝް ޓޮންކް، އާޗަލް ސަހޫ، ޝަގުން ޕާންޑޭ އަދި ޕްރަނާލީ ސިންގް ރާތޯޑެވެ.

މި ސިލްސިލާ ބެލުންތެރިންނަށް ގެނެސްދޭނީ ކޮންމެ ހަފުތާއެއްގެ ހޯމަ އިން ހުކުރު ދުވަހުގެ ރެއަށް ރާއްޖެ ގަޑިން 8:30 ގަ އެވެ.

ސޮނީ ޓީވީން މި ފަހުން ގެނެސްދިން އެންމެ މަގުބޫލު ސިލްސިލާ އަކީ މިދިޔަ އަހަރު ކުރީކޮޅު ނިންމައިލި "ޕަޓިއާލާ ބޭބްސް" އެވެ.