މޯލްޑިވިއަންގެ ފްލައިޓްތައް ޑިލޭވެއްޖެ

28 ޖެނުއަރީ 2019

ވެލާނާ އެއާޕޯޓުގެ ޕަވަ ޕްލާންޓަށް ދިމާވި މައްސަލައަކާ ގުޅިގެން އެއާޕޯޓުގެ ޓާމިނަލް ސަރަހައްދުން ކެނޑި، މޯލްޑިވިއަންގެ ފްލައިޓްތައް ޑިލޭވެއްޖެ އެވެ.

ލަމްޔާ އަބްދުﷲ

We are experiencing power failure @VelanaAirport Passenger Handling Area (Terminal Area), due to ring main fault. Our Technical Teams are working restoring Power for the affected areas.

Sorry for the inconvenience we are trying to rectify this issue at hand as soonest.
— MACL (@MACLmedia) January 28, 2019

އެމްއޭސީއެލް އިން ކުރި ޓްވީޓް

ރާއްޖޭގެ ގައުމީ އެއާލައިނުން ވަނީ ޓްވިޓާ މެދުވެރިކޮށް އެތަނުގެ ހިދުމަތް މެދުކެނޑިފައިވާ ކަމަށް ބުނެފަ އެވެ.

"ވެލާނާ އެއާޕޯޓުން ކަރަންޓު ގޮސްފައި ވާތީ އަޅުގަނޑުމެންގެ ފްލައިޓުތަކުގެ ހިދުމަތް ވަނީ ކެނޑިފައި. އަޅުގަނޑުމެން މި އަންނަނީ ކަމާ ގުޅޭ ފަރާތްތަކާ އެކު މި ކަމަށް ވީހާ ވެސް އަވަހަށް ހައްލެއް ގެނައުމަށް މަސައްކަތް ކުރަމުން،" މޯލްޑިވިއަނުން ބުންޏެވެ.

We are experiencing disruption to our flights due to an electrical failure at @VelanaAirport. We are working with all authorities to restore operations and we apologise for any inconvenience this may cause.
— Maldivian (@MaldivianAero) January 28, 2019

މޯލްޑިވިއަނުން ކުރި ޓްވީޓު

ހިދުމަތްތައް މެދުކެނޑުމުން، ކަސްޓަމަރުންނަށް ލިބޭނެ ގެއްލުންތަކަށް މާފަށް އެދިފައި ވެ އެވެ.

ނަމަވެސް އެ އެއާޕޯޓުގައި އޮޕަރޭޓްކުރާ ފްލައިމީ އެއާލައިނުން ބުނީ ކަރަންޓު ދިއުމުން އުނދަގޫތަކަކާ ކުރިމަތި ވީ ނަމަވެސް، އެތަނުގެ ހިދުމަތް މެދުކެނޑިފައި ނުވާ ކަމަށެވެ.

"އަދިވެސް މަސައްކަތް ކުރަމުން މި އަންނަނީ. އެކަމަކު ނޭނގެ ވާނެ ގޮތެއް ކަރަންޓު ނައިސް ގިނައިރުވާ ނަމަ،" ފްލައިމީގެ އޮފިޝަލަކު ބުންޏެވެ.

ކަރަންޓް ކެނޑިފައި އޮންނަތާ ދެ ގަޑިއިރަށް ވުރެ ގިނަ އިރު ވީ ފަހުން މައްސަލަ ހައްލުކޮށް ވަނީ އަލުން ކަރަންޓް ދީފަ އެވެ.

Comments