26 ޖޫން 2018
އިސްލާމްއާބާދު (ޖޫން 26) - ޕާކިސްތާނުގެ ކުރީގެ ބޮޑު ވަޒީރު ބޭނަޒީރު ބުއްޓޫ އަވަހާރަކޮށްލި ކަމަށް އެންމެ ބޮޑަށް ތުހުމަތު ކުރެވޭ ހަނގުރާމަވެރިޔާ އެކަމަށް އިންކާރު ކޮށްފި އެވެ.
އިސްލާމްއާބާދު (ޖޫން 26) - ޕާކިސްތާނުގެ ކުރީގެ ބޮޑު ވަޒީރު ބޭނަޒީރު ބުއްޓޫ އަވަހާރަކޮށްލި ކަމަށް އެންމެ ބޮޑަށް ތުހުމަތު ކުރެވޭ ހަނގުރާމަވެރިޔާ އެކަމަށް އިންކާރު ކޮށްފި އެވެ.
އިންތިޚާބުގެ ކެމްޕޭނުގައި އުޅުއްވި ބުއްޓޫ އަވަހާރަކޮށްލަން ޖާނުންފިދާވުމުގެ ބޮން ގޮއްވާލަން ހަނގުރާމަވެރިޔާ އިކްރާމުﷲ އާ ހަވާލުކޮށްފައި ވަނީ ބުއްޓޫ އަށް ހަމަލާދޭ ފުރަތަމަ މީހާގެ ހަމަލާ ނާކާމިޔާބު ވެއްޖެ ނަމަ އެވެ. ނަމަވެސް އޮފިޝަލުން ބުނެފައި ވަނީ ފުރަތަމަ މީހާގެ ގައިގައި ހަރުކޮށްފައިވާ ބޮން ގޮއްވާލުމާ އެކު އިކްރާމުﷲ ވަނީ ފިލައިފައި ކަމަށެވެ. ރާވަލްޕިންޑީގައި 2007 ވަނަ އަހަރު ބުއްޓޫ އަވަހަރަކޮށްލަން ދިން ހަމަލާގައި ވަނީ 20 މީހުން މަރުވެފަ އެވެ.
ޕާކިސްތާން ތާލިބާން ޖަމާއަތެއްގެ ވީޑިއޯއެއްގައި އިކްރާމުﷲ ބުނެފައި ވަނީ ބުއްޓޫ އަވަހާރަކޮށްލުމުގައި އޭނާ ބައިވެރި ނުވާ ކަމަށާއި އެފަދަ ކަމެއް ކުރަން އުޅޭކަން ނުވެސް އެނގޭ ކަމަށެވެ. ޕާކިސްތާނުން އެންމެ ބޮޑަށް ހޯދަން ބޭނުންވާ މީހުންގެ ލިސްޓުގައި އިކްރާމުﷲ ހިމެނެ އެވެ.
ޕާކިސްތާނުގެ ކުރީގެ ބޮޑު ވަޒީރު ބޭނަޒީރު ބުއްޓޫ އަވަހާރަކޮށްލުމުގެ މިނިޓްކޮޅެއް ކުރިން ރާވަލްޕިންޑީގައި ކެމްޕޭން ކުރައްވަނީ.
ބުއްޓޫގެ ގާތް އެކުވެރިއެއް ކަމަށްވާ އަދި ކުރީގެ ދާޚިލީ ވަޒީރު ރަހުމާން މާލިކް ވިދާޅުވީ އިކްރާމުﷲ ހަދަނީ ދޮގު ކަމަށާއި ބުއްޓޫ އަވަހާރަކޮށްލަން ދިން ހަމަލާގައި ތުހުމަތު ކުރެވޭ މީހަކު ވަނީ ހަމަލާ ދޭން ހަމަޖެއްސި ދެ ވަނަ މީހަކީ އިކްރާމުﷲ ކަމަށް ކޯޓުގައި ބުނެފައި ކަމަށެވެ.
ބައެއް ފަރާތްތަކުން ބުނާ ގޮތުގައި އިކްރާމުﷲ އެ ވީޑިއޯ ހަދާފައި ވަނީ އޭނާ އަށާއި އާއިލާ އަށް ލިބެމުންދާ އިންޒާރުތަކާ ގުޅިގެންނެވެ.
ބުއްޓޫ ވަނީ 1988 އަދި 1993 ވަނަ އަހަރު ޕާކިސްތާނުގެ ބޮޑު ވަޒީރުކަމަށް އިންތިޚާބު ކޮށްފަ އެވެ. ގައުމުން ބޭރުގައި ދުވަސްކޮޅަކު އުޅުއްވުމަށް ފަހު ޕާކިސްތާނަށް ވަޑައިގެންނެވީ 2007 ވަނަ އަހަރުގެ އިންތިޚާބުގެ ކެމްޕޭނަށެވެ. އެކަމަނާ ކަރާޗީ އަށް އޮކްޓޯބަރު 2007 ގައި ވަޑައިގަތުމުން މަރުހަބާ ދެންނެވުމަށް އެއާޕޯޓުގައި ބޭއްވި ޕެރޭޑަށް ދިން ޖާނުންފިދާވުމުގެ ހަމަލާއަކުން ބުއްޓޫ ސަލާމަތްވީ ކިރިޔާ އެވެ. އެ ހަމަލާގައި ވަނީ 150 އަށް ވުރެ ގިނަ މީހުން މަރުވެފަ އެވެ. ބުއްޓޫ އަވަހާރަކޮށްލީ އޭގެ ދެ މަސް ފަހުން ރާވަންޕިންޑީގައި ދިން ހަމަލާއެއްގަ އެވެ.
ބުއްޓޫގެ މަރުގެ ޝަރީއަތާ ކުރިމަތިލާން ގައުމަށް ދާނަން
މުޝައްރަފް އުޅުއްވަނީ ބުއްޓޫގެ މަރުގެ ޝަރީއަތަށް ފިއްލަވައިގެން
ރޭޕްކުރާތީ ދެ ދަރިން ބައްޕަ ގައިގައި ރޯކޮށް މަރާލައިފި
ޕާކިސްތާނުގެ އާ ސަފީރުގެ ފަތްކޮޅު ރައީސަށް އަރުވައިފި
ޕާކިސްތާނުގެ ހަމަލާތަކެއްގައި އަފްޣާނިސްތާނުން 46 މަރު
ސުންނީންނާއި ޝީއީންގެ ކުރިމަތިލުންތަކުގައި 133 މަރު
އިމްރާންގެ 1،000 ސަޕޯޓަރަކު ހައްޔަރުކޮށްފި
ސަޕޯޓަރުން މުޒާހަރާ ވަރުގަދަކުރަން އިމްރާން ގޮވާލައިފި
ޕާކިސްތާނުގެ މުޒާހަރާތަކުގައި ބޮޑެތި ހަމަނުޖެހުން
ޕާކިސްތާނުގެ ދީނީ ހަމަނުޖެހުންތަކުގައި 82 މަރު