ވެމްކޯ ހުޅުމީދޫ ސައިޓްގައި ރޯވެއްޖެ

ވޭސްޓް މެނޭޖްމެންޓް ކޯޕަރޭޝަން (ވެމްކޯ) ގެ ހުޅުމީދޫ ސައިޓްގައި މީގެ އިރުކޮޅެއް ކުރިން އަލިފާން ރޯވެއްޖެ އެވެ.

އެ ސައިޓަކީ ވެމްކޯގެ ހުޅުމީދޫ އޮފީހާއި ކުނިކޮށި ވެސް ހިމެނޭ ސަރަހައްދެވެ. ހުޅުދޫން ވާހަކަ ދެއްކި މީހަކު ބުނީ އެންމެ ފުރަތަމަ އަލިފާން ރޯވީ ސައިޓްގައި ހުރި ކުނިތަކެއްގައި ކަމަށެވެ. އަދި އަލިފާންގަނޑު ކޮންޓްރޯލް ނުކުރެވި ސައިޓަށް ފެތުރުނީ ކަމަށް އޭނާ ބުންޏެވެ.

އަލިފާން ނިއްވުމުގެ މަސައްކަތް ފުލުހުންނާއި ސިފައިންނާއި އާންމުންގެ ބައެއްގެ އެހީތެރިކަމާ އެކު މިހާރު އަންނަނީ ކުރަމުންނެވެ.

މި ހާދިސާގައި އެއްވެސް މީހަކަށް ގެއްލުމެއް ނުވެ އެވެ. އެކަމަކު އަލިފާން ރޯވާން ދިމާވި ސަބަބެއް އަދި ސާފުވާ ގޮތެއް ނުވެ އެވެ.