ޝާހްރުކާ ހެދި ޕްރިޔަންކާ "ސެލިއުޓް" ދޫކޮށްލައިފި

އެސްޓްރޮނޯޓް ރާކޭޝް ކުމާރުގެ ބައޮޕިކް އަށް ކުޅޭ "ސެލިއުޓް" އަކީ ފެށުމުގެ ކުރިން ވެސް ވަރަށް ތަފާތު އަޑުތައް އަރާފައި ފިލްމެކެވެ. ފުރަތަމަ ޚަބަރު ފެތުރެން ފެށީ މި ފިލްމުގެ ތަރިންނަކީ އާމިރު ޚާނާއި ޕްރިޔަންކާ ޗޯޕްރާ ކަމަށެވެ. މި ދެ ތަރިން އެކުގައި މިހާތަނަށް ފިލްމެއް ކުޅެފައިނުވާތީ މިކަމާ ފޭނުން ވަރަށް އުފަލުން ތިއްބާ މި ފިލްމަށް ވަގުތު ދެވެން ނެތްކަން އާމިރު އެންގުމުން އަނެއްކާވެސް ފިލްމުގެ ތަރިން ބަދަލުވި އެވެ.

އާމިރު މިހާރު ގަސްތުކުރަނީ ފިލްމު ފްރެންޗައިސް އެއް އަމިއްލައަށް އުފައްދައި ހަމައެކަނި އެ ފިލްމުތަކުގައި އެކްޓްކޮށް އޭގެ ބައެއް ފިލްމުތައް ޑައިރެކްޓްކުރުމުގެ މަސައްކަތް ކުރާށެވެ. އެހެންވެ އަމިއްލައަށް އުފައްދާ ފިލްމުތަކުގައި ނޫނީ ކުރިޔަށް އޮތް 10 ވަރަކަށް އަހަރު ވެސް އާމިރު މަަސައްކަތް ކުރާކަށް ބޭނުމެއް ނޫނެވެ.

އެހެންވެ ޝާހްރުކް ކައިރިން އެ ފިލްމު ކުޅެދޭން އެދުނީ ވެސް އާމިރު ކަމަށް ޚަބަރުތައް ބުނެ އެވެ. ޝާހްރުކް ފިލްމު ކުޅެން އެއްބަސްވުމާއެކު ޕްރިޔަންކާ އަަވަހަށް ފިލްމު ދޫކޮށްލައިފި އެވެ. މި ދެ ތަރިން އެކުގައި ފިލްމު ކުޅެން ބޭނުން ނުވާތީ އެވެ. "ޑޮން"ގެ ތިން ވަނަ ބައި ވެސް ޕްރިޔަންކާ ދޫކޮށްލީ ޝާހްރުކް އާއެކު މަސައްކަތް ނުކުރަން ވެގެންނެވެ.

ބައިނަލްއަގުވާމީ ގޮތުން ޕްރިޔަންކާ އަށް ބޮޑެތި ކާމިޔާބީތައް ލިބެމުން ދިޔައަސް ބޮލީވުޑްގައި އޭނާ ހުރި މަގާމް ގެއްލުމުގެ ބިރު މިހާރު ވަނީ އިތުރުވެފަ އެވެ.