25 އޮކްޓޯބަރ 2017
ހައްޖަށާއި އުމްރާއަށް ދިއުމަށް ރާއްޖެއިން ވިސާ ދޭނީ ހަމައެކަނި ސައުދީ އަރަބިއްޔާގެ ގައުމީ އެއާލައިން، ސައުދިއާ އިން ދަތުރުކުރާ ފަސިންޖަރުންނަށް ކަމަށް ހަމަޖައްސައިފި އެވެ.
އަބްދުﷲ ޖަމީލު
ހައްޖަށާއި އުމްރާއަށް ދިއުމަށް ރާއްޖެއިން ވިސާ ދޭނީ ހަމައެކަނި ސައުދީ އަރަބިއްޔާގެ ގައުމީ އެއާލައިން، ސައުދިއާ އިން ދަތުރުކުރާ ފަސިންޖަރުންނަށް ކަމަށް ހަމަޖައްސައިފި އެވެ.
ރާއްޖޭގައި ހުންނަ ސައުދީ އެމްބަސީން ބައެއް ޓްރެވަލް އެޖެންސީތަކަށް މިއަދު ފޮނުވި ސިޓީއެއްގައި ބުނެފައި ވަނީ ހައްޖަށާއި އުމްރާއަށް ވިސާ ދޫކުރަން ހަމަޖެހިފައިވާ އުސޫލުގެ ދަށުން އެ ދެ އަޅުކަމަށް ދާ މީހުންގެ ދެބައިކުޅަ އެއްބައި މީހުންނަށް ވިސާ ދިނުމަށް ހަމަޖައްސާފައި ވަނީ ސައުދީ އެއާލައިނުން ދަތުރުކުރާ ފަސިންޖަރުންނަށް ކަމަށެވެ. އަދި ބާކީ 50 ޕަސެންޓް ވިސާ ދިނުމަށް ހަމަޖެހިފައި ވަނީ އެ ގައުމެއްގެ ގައުމީ އެއާލައިނުން ދަތުރުކުރާ ފަސިންޖަރުންނަށް ކަމަށް ވެސް އެ ސިޓީގައި ބުނެފައިވެ އެވެ.
"އެކަމަކު ރާއްޖޭގެ ގައުމީ އެއާލައިން ސައުދީ އަރަބިއްޔާއަށް ދަތުރުނުކުރާތީ ހުރިހާ ވިސާއެއް ދޫކުރަން ނިންމާފައި ވަނީ ސައުދީ އެއާލައިނުން ދަތުރުކުރާ ފަސިންޖަރުންނަށް،" އެ ސިޓީގައި ބުނެފައިވެ އެވެ.
ރާއްޖެއިން މިއަހަރު ގްރޫޕްތަކުން ހައްޖަށް ދިޔަ މީހުން ދަތުރުކުރީ އެކި އެއާލައިންތަކުގަ އެވެ. ނަމަވެސް ހައްޖު ކޯޕަރޭޝަންގެ ހުރިހާ ހައްޖުވެރިން ދަތުރުކުރީ ސައުދިއާ އިންނެވެ. އަލަށް ހަމަޖެއްސި އުސޫލުގެ ދަށުން ދެން އެހެން އެއްވެސް އެއާލައިނަކުން ދަތުރުކުރާ ފަސިންޖަރުންނަށް ވިސާ ދުލެއްނުކުރާނެ އެވެ.
ސައުދީގެ އެއާލައިނުން ރާއްޖެ ހަފުތާއަކު ހަތަރު ދަތުރުކުރެ އެވެ.
ދިވެހިންނަށް އަރަފާތާއި މިނާގައި ރަނގަޅު ތަަންތަން
އިއްޔެ އުމްރާއަށް ފުރި މީހުން މައްްކާއަށް ހިނގައްޖެ
މިއަދު އުމްރާ އަށް ފުރާ މީހުންނަށް ހުރަހެއް ނެތް
ކުރިން ވިސާ ނުނަގައި އުމްރާއަށް ދެވޭގޮތް ހަމަޖެހިއްޖެ
ހައްޖަށް މީހުން ގެންދަން ޕްރޮޕޯޒަލަށް ހުޅުވާލައިފި
"ރައީސްގެ ދަތުރުން ފެންނަނީ އަހުވަންތަކަމުގެ ގުޅުން"
ރައީސްގެ ދެކަނބަލުން އުމްރާ އަށް ފުރާވަޑައިގެންފި
މަޝްއަރު ޓުއާސްގެ މައްސަލަތައް ފުލުހުންނަށް ހުށަހަޅައިފި
ކިޔަވާ ކުދިން، ހާޖީންނަށް އެހީތެރިވުމުގެ ހުއްދަ ދީފި
އިތުރު ކޯޓާ ލިބިއްޖެ ނަމަ ކިއޫ ކުޑަކުރަން ގްރޫޕްތަކަށް
