ބްރޯޑްކޮމް އަށް ޒަމްއަތު އައްޔަންކޮށްފި

ރައީސް ޑރ. މުހައްމަދު މުއިއްޒު، ބްރޯޑްކާސްޓިން ކޮމިޝަނުން ހުސްވި ގޮނޑިއަށް ޒަމްއަތު އަހުމަދު ވަހީދު މިއަދު އައްޔަންކުރައްވައިފި އެވެ.

އެ ކޮމިޝަންގެ މެންބަރު އާމިނަތު އަމީނާ (އަނާ) ގެ ދައުރު ހަމަވުމުން، ކޮމިޝަންގެ މެންބަރު ކަމަށް ހުޅުވައިލުމުން ހަ ބޭފުޅަކު ކުރިމަތިލެއްވި އެވެ. އެ ހަ ބޭފުޅުންނާ ރައްޔިތުންގެ މަޖިލިހުގެ މިނިވަން މުއައްސަސާތަކާ ބެހޭ ކޮމިޓީން އިންޓަވިއުކޮށް 75 މާކްސް އަށް ވުރެ މަތިން ތިން ބޭފުޅަކަށް ލިބިވަޑައިގެންނެވި އެވެ.

އޭގެ ތެރެއިން، 56 މެމްބަރުންގެ ވޯޓާ އެކު، ގދ. ތިނަދޫ، މަލަ، ޒަމްއަތުގެ ނަން މަޖިލީހުން ފާސްކުރީ މިދިޔަ ހޯމަ ދުވަހެވެ.

ނޫސްވެރިކަމުގައި 2006 ވަނަ އަހަރުން ފެށިގެން މަސައްކަތްކުރަމުން އަންނަ ޒަމްއަތު ވަނީ އިސްލާމިކް ޔުނިވާސިޓީން ނޫސްވެރިކަމުގެ ދާއިރާއިން މާސްޓާސް ޑިގްރީ ހާސި ލްކުރައްވައިފަ އެވެ. އޭނާ ވަނީ ދިވެހިރާއްޖޭގެ އަޑުގެ އިތުރުން ވީޓީވީގައި ވެސް ނޫސްވެރިއެއްގެ ގޮތުގައި މަސައްކަތް ކުރައްވައިފަ އެވެ.

ބްރޯޑްކޮމްގައި ހަތް މެމްބަރުން ތިއްބަ އެވެ. އޭގެ ތެރެއިން ފަސް މެމްބަރުންނަކީ އަންހެނުންނެވެ.