އިންތިހާބާ ދިމާކޮށް ސިންގަޕޫރުގެ ގާނޫނު ހަދާ މަޖިލިސް އުވާލައިފި

ސިންގަޕޫރުގެ ބޮޑުވަޒީރު ލޯރެންސް ވޮންގަށް މުހިންމު އިމްތިހާނެއްގެ ގޮތުގައި ބެލެވޭ ކުރިއަށް އޮތް ގައުމީ އިންތިހާބާ ދިމާކޮށް އެ ގައުމުގެ ގާނޫނު ހަދާ މަޖިލިސް މިއަދު އުވާލައިފި އެވެ.

ސިންގަޕޫރުގެ ބާނީ ބޮޑުވަޒީރު ލީ ކުއާން ޔޫގެ ދަރިކަލުން ލީ ސިއެން ލޫންގްގެ ބަދަލުގައި ވޮންގް މިދިޔަ އަހަރު ވަނީ ނުފޫޒުގަދަ ލީ އާއިލާގެ ވެރިކަމަށް ފަހު ސިންގަޕޫރުގައި އާ ދައުރެއް ފައްޓަވައިފަ އެވެ.

"ބޮޑުވަޒީރު ލޯރެންސް ވޮންގްގެ ލަފާގެ މަތިން ރައީސް ތަރްމަން ޝަންމުގަރަތުނަމް ވަނީ 15 އޭޕްރީލް 2025 ވީ އަންގާރަ ދުވަހު ޕާލަމެންޓް އުވާލައްވާފައި،" ސަރުކާރުގެ ބަޔާނުގައިވެ އެވެ.

މި މަހުގެ 23 ވަނަ ދުވަހު ނަން ހުށަހެޅުމުގެ ފުރުސަތު ހުޅުވާލާފައި ވާއިރު ވޯޓުލާނެ ތާރީހެއް އިލެކްޝަންސް ޑިޕާޓްމަންޓުން އަންގާރަ ދުވަހު އިއުލާނު ކުރާނެ ކަމަށް އެ ބަޔާނުގައިވެ އެވެ.

މި އިންތިހާބުގައި 97 ގޮނޑި ސަރުކާރަށް ގެއްލުމުގެ ބިރު އޮތް އިރު، މިއީ ކުރީގެ އިންތިހާބުގައި ގެއްލުނު އަދަދަށްވުރެ ވުރެ ހަތަރު ގޮނޑި އިތުރު އަދަދެކެވެ. ގިނަ ގޮނޑިތައް ލިބޭނީ، 1959 ވަނަ އަހަރުން ފެށިގެން ވެރިކަންކުރާ ޕީޕަލްސް އެކްޝަން ޕާޓީ (ޕީއޭޕީ) އަށް ތާއީދުކުރާ ކަމަށް އިދިކޮޅު ފަރާތްތަކުން ބުނާ ބްލޮކް ވޯޓިން ސިސްޓަމްގެ ސަބަބުން ކަމަށް ބެލެވެ އެވެ.

އިންތިހާބުގައި 2020 ވަނަ އަހަރު 93 ގޮނޑީގެ ތެރެއިން 10 ގޮނޑި ކާމިޔާބުކޮށް މުޅި ގައުމު ހައިރާންކޮށްލި މައި އިދިކޮޅު ވޯކާސް ޕާޓީއަށް މިފަހަރު އިތުރު ބާރު ލިބޭނެ ކަމަށް ވަރަށް ބޮޑަށް ބެލެވެ އެވެ. އަދި އިދިކޮޅު އެހެން ކުދި ޕާޓީތަކުން ވެސް އިންތިހާބުގައި ވާދަކުރާނެ ކަމުގެ އިޝާރާތްތައް ދީފައިވެ އެވެ.

މިއީ އެމެރިކާގެ ރައީސް ޑޮނަލްޑް ޓްރަމްޕްގެ ވިޔަފާރީގެ ހަނގުރާމައިގެ ސަބަބުން ސިންގަޕޫރަށް އިގްތިސާދީ ގޮންޖެހުންތަކެއް ކުރިމަތިވެފައި ވަނިކޮށް ބާއްވާ އިންތިހާބެކެވެ. ޓްރަމްޕް ސިންގަޕޫރަށް ބޭސްލައިން 10 ޕަސެންޓް ޓެރިފް ނަގަން ނިންމި ނަމަވެސް، ބައިނަލްއަގުވާމީ ވިޔަފާރީގެ މައްޗަށް ބަރޯސާވެފައި އޮތުމުގެ ސަބަބުން ސިންގަޕޫރަށް އޮތް ނުރައްކާ ބޮޑެވެ.