މި އަހަރުގެ ހައްޖު ކިއުގައި ތިބި އެންމެންނަށް ފުރުސަތު ލިބޭނެ: ރައީސް

ހައްޖަށް މީހުން ގެންދާ ސަރުކާރުގެ ކުންފުނި، މޯލްޑިވްސް ހައްޖު ކޯޕަރޭޝަންގެ ހަވާލުގައި މި އަހަރު ހައްޖަށް ދާން ކިއު ލިސްޓުގައި ތިބި އެންމެންނަށް މި ބުރުގައި ހައްޖުގެ އަޅުކަމަށް ދެވޭނެ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

މިއަހަރު ހައްޖުކިއުގައި ތިބި އެންމެންނަށް ފުރުސަތު ދެނީ

"މިއީ ޒަމާންތަކަކަށް ފަހު, އެ އަހަރެއްގައި ކިއުގައި ޖެހިފައި ތިބި އެންމެންނަށް އެ އަހަރު ހައްޖަށް ދެވޭ ފުރަތަމަ ފަހަރުކަން ފާހަގަކުރަން،" އެކްސްގައި ކުރެއްވި ޕޯސްޓެއްގައި ރައީސް ވިދާޅުވި އެވެ.

އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ، ހައްޖު ކޯޕަރޭޝަން މެދުވެރިވެގެން ހައްޖަށް ދާން މި އަހަރުގެ ކިއުގައި 850 މީހުން އެބަތިބި ކަމަށެވެ.

"އެ އެންމެންނަށް ހައްޖަށް ދެވޭނެ އިންޝާ ﷲ. ރައީސްގެ އަމާޒަކީ ކިއު ތަރުތީބުން ހައްޖުގެ ފުރުސަތަށް އުނިކަމެއް ނައިސް ގެންދިއުން،" މިނިސްޓަރު ވިދާޅުވި އެވެ.

Alah Hajjuvaa meehunnah isskan dhee, 5 aharu fahun Hajj thakuraaru kurevey goi hadhaifi

The most trusted news source in the Maldives

Mihaaru

އަލަށް ހައްޖަށް ދާ މީހުންނަށް އިސްކަންދީ، ހައްޖު ތަކުރާރު ކުރެވޭނީ ފަސް އަހަރު ފަހުން ކަމަށް ކަނޑައަޅައި، އިސްލާމިކް މިނިސްޓްރީން މި މަހު ވަނީ އުސޫލެއް ހަދައިފަ އެވެ. އެ މިނިސްޓްރީން ބުނެފައި ވަނީ ހައްޖު ކިއު ލިސްޓުން ޖާގަ ކަށަވަރުވިއަސް ފަރުޟު ހައްޖު އަދާކުރަން ދިގު އިންތިޒާރެއްގައި ތިބި މީހުންނަށް ހައްލެއް ހޯދައިދިނުމަށް، ހައްޖު ކޯޓާ އިތުރުކުރަން ގިނަ މަސައްކަތްތަކެއް ކުރަމުން އަންނަ ކަމަށެވެ.

Comments