އެންޑީއޭ އިން ވަކިކުރި އިމާދު ސޯލިހް އައްޑޫ ސިޓީ ކައުންސިލްގެ އެސްޖީ ކަމަށް

ނެޝަނަލް ޑްރަގް އެޖެންސީ (އެންޑީއޭ)ގެ ސީއީއޯގެ މަގާމުގައި ކުރިން ހުންނެވި އިމާދު ސޯލިހް، އައްޑޫ ސިޓީ ކައުންސިލްގެ ސެކްރެޓަރީ ޖެނެރަލަކަށް އައްޔަން ކޮށްފި އެވެ.

އައްޑޫ ކައުންސިލުން ބުނީ އެ މަގާމަށް އޭނާ އައްޔަން ކުރީ މިދިޔަ އާދިއްތަ ދުވަހު ކަމަށެވެ. ސިވިލް ސާވިސް ކޮމިޝަން (ސީއެސްސީ) އިން އައްޔަނުކުރާ އެ މަގާމުގައި ކުރިން ހުންނެވީ އަހުމަދު ޝުޖާއު އެވެ.

އެންޑީއޭގެ ސީއީއޯ މަގާމުގައި އިމާދު ހުންނެވީ ނޮވެމްބަރު 1، 2022 އިން ޖުލައި 3، 2024 އަށެވެ.

އެންޑީއޭގެ މެނޭޖްމަންޓް ބަދަލުވެ ބޭއްވި ފުރަތަމަ ބޯޑު ބައްދަލުވުމަށް ވަޑައިގަތް ހުރިހާ މެމްބަރުންގެ އިއްތިފާގުން އިމާދު މަގާމުން ވަކިކުރީ އެސެސްމަންޓެއް ހެދުމަށް ފަހު އޭގެ ނަތީޖާއަށް ބަލައިފަ އެވެ.

ސިޓީ ކައުންސިލްގެ އެސްޖީއަކަށް މަހަކު 20،500ރ. އަދި އެގްޒެކެޓިވް އެލަވަންސްގެ ގޮތުގައި 15،000ރ. ލިބެ އެވެ.