އިލީ ކޮފީ ހިމަނައިގެން 7 ވައްތަރެއްގެ އާ ބުއިންތަކެއް!

ރާއްޖޭގައި އެންމެ މަގުބޫލް އެއް ކޮފީ ބްރޭންޑް، އިލީގެ އާ މެނޫއެއް ތައާރަފްކޮށްފި އެވެ.

މި މެނޫ ރާއްޖެއަށް ތައާރަފްކުރީ ހޮޓެލް ޖެންގައި އޮތް އިވެންޓެއްގައި، މި ބްރޭންޑު ރާއްޖޭގައި ވިއްކާ ގްރޫޕުންނެވެ.

އަލަށް ނެރުނު މެނޫގައި ހިމެނޭ ކޮފީ ޑްރިންކުތަކަކީ ސިމްޑީ ގްރޫޕުގެ ހުނަރުވެރި މިކްސޮލަޖިސްޓުންނާއި ބަރިސްތާއިން ގުޅިގެން ތައްޔާރުކޮށްފައިވާ ބުއިންތަކެކެވެ. މި ބުއިންތައް ތައްޔާރުކޮށްފައި ވަނީ ދިވެހިންގެ މެދުގައި މަގުބޫލު ރަހަތައް ހިމަނައިގެންނެވެ.

މިއަދު ތައާރަފްކުރި މެނޫގައި އިލީ ކޮފީ ބޭނުންކޮށްގެން ތައްޔާރުކޮށްފައިވާ ހަތް ބުއިމެއް ހިމެނެ އެވެ. އޭގެ ތެރޭގައި ކެރަމެލް މަކިއާޓޯ، އެސްޕްރެސޯ މާޓިނީ، ޗޮކްލެޓް ކުކީ ފްރެޕް، ހޭޒަލްނަޓް ކަޕަޗީނޯ، ވެނީލާ ލާޓޭ، ޑޭޓް އެންޑް ޕޮޕްކޯން ފްރީކް ޝޭކް، ވެނީލާ ލާޓޭ އަދި ކޮފީ މެންހެޓަން އެވެ. މި ބުއިންތަކަކީ އިލީ އެސްޕްރެސޯ ޝޮޓަކާއި އެކު ސިމްޑީން ވިއްކާ މޮނިން ބްރޭންޑުގެ އެކި ސިރަޕްތަކާއި އެކު ތައްޔާރުކޮށްފައިވާ ބުއިންތަކެކެވެ.

ސިމްޑީ ގްރޫޕުގެ މާކެޓިން މެނޭޖަރު ޕަބްލިކް ރިލޭޝަންސް އެންޑް މާކެޓިން އިބްރާހިމް ހަމީޝް ވިދާޅުވީ އިލީ ބޭނުން ކުރާ ރެސްޓޯރަންޓުތަކަށް އެ ރެސްޓޯރަންޓަކާ ގުޅޭ ގޮތަކަށް އިލީގެ ބުއިންތައް ތައްޔާރުކުރުމަށް ނުވަތަ އަލަށް ނެރުނު މެނޫގައި ހިމެނޭ ބުއިންތައް ތައްޔާރުކުރަން ބޭނުންވާ ޓްރެއިނިންތައް ސިމްޑީން ފޯރުކޮށްދޭނެ ކަމަށެވެ. އަދި އެ ކުންފުނިން އާ މެނޫ ތައްޔާރުކުރަން ބޭނުންވާ ރެސްޓޯރަންޓުތަކަށް ހާއްސަކޮށް މޮނިން އާއި އިލީގެ ބަންޑަލް އޮފާއެއް ރަނގަޅު އަގެއްގައި ދޭނެ ކަމަށް ވެސް ވިދާޅުވި އެވެ.

އިލީ ކޮފީއާ އެކު ތައްޔާރުކޮށްފައިވާ ބުއިންތައް ހިލޭ ރަހަ ބަލާލުމުގެ ފުރުސަތު ހޮޓެލް ޖެންގެ ގޯތި ތެރޭގައި އޮތް ހަރަކާތުގައި ވަނީ ދީފަ އެވެ. ލައިވް މިއުޒިކާއި އެކު އޮތް މި ހަރަކާތުގައި ރާއްޖޭގެ ސޯޝަލް މީޑިއާ އިންފްލުއެންސަރުން ވެސް ބައިވެރިވި އެވެ.