11 ސެޕްޓެމްބަރ 2024
ހެއިޓީން އެމެރިކާގެ އޮހާޔޯގެ ސްޕްރިންގްފީލްޑަށް ވަގަށް އެތެރެވާ މީހުން އެތަނުގައި އުޅޭ ބުޅާތަކާއި ކުއްތާތައް ކަމުން ގެންދާ ކަމަށް ރިޔާސީ ބަހުސްގައި ކުރީގެ ރައީސް ޑޮނަލްޑް ޓްރަމްޕް ވިދާޅުވުމުން މައްސަލަ ބޮޑުވެއްޖެ އެވެ.
ހެއިޓީން އެމެރިކާގެ އޮހާޔޯގެ ސްޕްރިންގްފީލްޑަށް ވަގަށް އެތެރެވާ މީހުން އެތަނުގައި އުޅޭ ބުޅާތަކާއި ކުއްތާތައް ކަމުން ގެންދާ ކަމަށް ރިޔާސީ ބަހުސްގައި ކުރީގެ ރައީސް ޑޮނަލްޑް ޓްރަމްޕް ވިދާޅުވުމުން މައްސަލަ ބޮޑުވެއްޖެ އެވެ.
އެމެރިކާގެ ރިޔާސީ އިންތިހާބުގައި ޑިމޮކްރެޓިކް ޕާޓީން ވާދަކުރައްވާ ނައިބު ރައީސް ކަމަލާ ހެރިސްއާ އެކު ޓީވީ ބަހުސްގައި ޓްރަމްޕް މިހެން ވިދާޅުވެ އިތުރުފުޅު ހެއްދެވީ އިމިގްރޭޝަންގެ މައްސަލަތަކާ ބެހޭ ގޮތުން ސުވާލު ކުރުމުންނެވެ.
"އެ މީހުން އެ ދަނީ މީހުން ގެންގުޅޭ ޕެޓްތައް ކަމުން. މިއީ އަޅުގަނޑުމެންގެ ގައުމު އޮތް ހާލަތަކީ. މިއީ ލަދުވެތިކަމެއް،" ޓްރަމްޕް ވިދާޅުވި އެވެ.
ޓްރަމްޕް މިހެން ވިދާޅުވުމާ އެކު ކަމަލާ ވަނީ އެ ވާހަކަ ގަބޫލު ނުކުރެއްވޭކަން އިޝާރާތުން ދައްކަވައި އަދި ހިނިފުޅު ވަޑުވައިފަ އެވެ. އެއާ އެކު ޓްރަމްޕް ވާހަކަ ކުރިއަށް ގެންދަވަމުން ވިދާޅުވީ "ބައެއް މީހުންގެ ކުއްތާތައް ކައިފައިވާ ކަމަށް މީހުން އެބަ ބުނޭ" ކަމަށެވެ.
ބަހުސްގެ މޮޑެރޭޓަރު ޑޭވިޑް މުއީރް ވިދާޅުވީ ސްޕްރިންގްފީލްޑުގައި މީހުން ޕެޓްތައް ހިފައިގެން ކައި ކަމުގެ ސައްހަ ރިޕޯޓެއް ލިބިފައި ނެތް ކަމަށް ޓައުން މެނޭޖަރު ވިދާޅުވާ ކަމަށެވެ.
ބަހުސް ފެށުމުގެ ކުރިން ޓްރަމްޕުގެ ކެމްޕެއިނުން ވަނީ ޓްރަމްޕް ބުޅަލަކާއި އަސްދޫންޏެއްގެ ގައިގައި ބައްދާލައިގެން އިންނަ "އޭއައި ޖެނެރޭޓެޑް" ފޮޓޯއެއް ސޯޝަލް މީޑިއާގައި ޕޯސްޓްކޮށްފަ އެވެ.
ވަގަށް އުޅޭ ބިދޭސީން ޕެޓްތައް ހިފައިގެން ކާ ވާހަކަތައް އެންމެ ފުރަތަމަ ފެށުނީ ގެއްލުނު ބުޅަލެއް ފެނުނީ ހެއިޓީ ބަޔަކު އެ ހިފައިގެން ކަނިކޮށް ކަމަށް ބުނެ މީހަކު ފޭސްބުކްގައި ކުރި ޕޯސްޓަކާ ގުޅިގެންނެވެ. އަދި މީހަކު ބުޅަލެއް ކޭ ކަމަށް ތުހުމަތުކޮށް ސުވާލުކުރާތީ ފެންނަ ފުލުހުންގެ ބޮޑީކެމް ފުޓޭޖެއް ވެސް ސޯޝަލް މީޑިއާގައި ވައިރަލްވެފައިވެ އެވެ. އަދި ކަޅު ނަސްލުގެ މީހަކު ދެ އަސްދޫނި ހިފައިގެން ދާތީ ފެންނަ ފޮޓޯއެއް ވެސް އާންމުވެފައިވެ އެވެ.
އެކަމަކު އަސްދޫނިތައް ގެންދާ މީހާ އަކީ ހެއިޓީ މީހެއްކަމެއް ނޭނގެ އެވެ. އަދި ބުޅާ ކޭ ކަމަށް ތުހުމަތުކޮށް ފުލުހުން ހައްޔަރުކުރި މީހާ އަކީ އެމެރިކާއަށް އުފަން މީހެކެވެ.
ސްޕްރިންގްފީލްޑުގެ ފުލުހުން ވެސް ވަނީ ޕެޓް ޖަނަވާރުތައް ހިފައިގެން ކައި ކަމަށް ބުނާ ވާހަކަ ސާބިތުވާ ވަރުގެ ކަމެއް ރިޕޯޓްކޮށްފައި ނެތް ކަމަށް ބުނެފަ އެވެ.
ސީކްރެޓް ސާވިސް އިން ބުނަނީ ޓްރަމްޕަށް ހިމާޔަތްދެވެޔޭ
ޓްރަމްޕް އަވަހާރަކޮށްލަން އަނެއްކާވެސް މަސައްކަތްކޮށްފި
ޓްރަމްޕުގެ ޓްވީޓެއް: އައި ހޭޓް ޓޭލާ ސްވިފްޓް
ޓްރަމްޕަށް ހުކުމްކުރާނީ ރިޔާސީ އިންތިހާބަށް ފަހު
ޓްރަމްޕް ވިދާޅުވަނީ މިއީ ފޭކް ފޮޓޯއެއް ކަމަށް
ޓްރަމްޕަށް ހަމަލާދިން ސަބަބާއި ރޭވި ބަޔަކު ވެސް ނޭނގެ
ޓްރަމްޕަށް މަހަކު 45 މިލިއަނެއް ނުދެން: މަސްކް
ސީކްރެޓް ސާވިސްގެ ވެރިޔާ އިސްތިއުފާ ދެއްވައިފި
ސީކްރެޓް ސާވިސްގެ އަންހެނުންނަށް މަލާމާތްކުރާތީ ރައްދެއް
ޓައިވާނުން އެމެރިކާއަށް އަގު ދައްކަންޖެހޭނެ: ޓްރަމްޕް