ބައި އިލެކްޝަންތަކުގައި ވޯޓުލާން 2 ޖެހުމާ ހަމައަށް ނުކުތީ 17 ޕަސެންޓް

ހަ ދާއިރާއެއްގެ ބައި-އިލެކްޝަން މާލެ އާއި ރަށްރަށުގައި ކުރިއަށް ދާއިރު، މެންދުރު ފަހު 2 ޖެހުމާ ހަމައަށް ވޯޓު ލާފައި ވަނީ 17 ޕަސެންޓް މީހުން ކަމަށް އިލެކްޝަންސް ކޮމިޝަން (އީސީ) އިން މިއަދު ބުނެފި އެވެ.

އެ ކޮމިޝަނުން ބުނީ ހަ ދާއިރާއެއްގެ ބައި-އިލެކްޝަންގައި 13،112 މީހުންނަށް ވޯޓު ދިނުމުގެ ހައްގު ލިބިފައިވާ ކަމަށެވެ. އޭގެ ތެރެއިން، މެންދުރު 2:00 އާ ހަމައަށް ވޯޓު ލާފައިވަނީ 17.9 ޕަސެންޓް މީހުން ކަމަށް ބުންޏެވެ. އެއީ 2،355 މީހުންނެވެ.

ބައި-އިލެކްޝަން ބާއްވާ ދާއިރާތަކަކީ؛

- ކުޅުދުއްފުށި ސިޓީ ކައުންސިލުގެ ކުޅުދުއްފުށި އުތުރު ދާއިރާގެ ގޮނޑީގެ ބައި އިލެކްޝަން

- ރ. ރަސްމާދޫ ކައުންސިލްގެ އަންހެން މެންބަރުގެ ގޮނޑީގެ ބައި އިލެކްޝަން

- ފ. ބިލެތްދޫ ކައުންސިލުގެ ރައީސް އިންތިހާބުކުރުމުގެ ބައި އިލެކްޝަން

- މާލެ ސިޓީ ކައުންސިލުގެ ހުޅުމާލެ ދާއިރާގެ ގޮނޑީގެ ބައި އިލެކްޝަން

- މާލެ ސިޓީ ކައުންސިލުގެ މައްޗަންގޮޅި މެދު ދާއިރާގެ ގޮނޑީގެ ބައި އިލެކްޝަން

- މާލެ ސިޓީ ކައުންސިލުގެ ހެންވޭރު ހުޅަނގު ދާއިރާގެ ގޮނޑީގެ ބައި އިލެކްޝަން

އީސީން ބުނި ގޮތުގައި މިހާތަނަށް ވޯޓުލީ 1،027 އަންހެނުންނާއި 1،328 ފިރިހެނުންނެވެ. ވޯޓުނުލާ 10،757 މީހުން އަދި އެބަތިއްބެވެ.

އީސީން ބުނީ ހަވީރު 4:00 އާ ހަމައަށް ވޯޓުލުން ކުރިއަށްދާނެ ކަމަށެވެ. އެ ތަންތަނުގައި ޖުމްލަ 25 ވޯޓު ފޮއްޓެއް ބަހައްޓާފައިވެ އެވެ.