ކުޑަކުދިންގެ ދުވަހުގެ "އުފާ ފެސްޓިވަލް" ހަވީރު ފަށަނީ

ކުޑަކުދިންގެ ދުވަހުގެ "އުފާ ފެސްޓިވަލް" މިއަދު ހަވީރު ފަށަނީ

10 މެއި 2024

މިއަދު ފާހަގަކުރާ ބައިނަލްއަގްވާމީ ކުޑަކުދިންގެ ދުވަހުގެ މުނާސަބަތުގައި އުރީދު އާއި ސޯޝަލް އެންޑް ފެމެލީ ޑިވެލޮޕްމަންޓް މިނިސްޓްރީ އަދި އެޗްޑީސީ ގުޅިގެން ބާއްވާ "އުފާ ފެސްޓިވަލް" މިއަދު އޮންނާނެ އެވެ.

އައިޝަތު ޖަޒްލީ

މި ފެސްޓިވަލް އޮންނާނީ ހުޅުމާލެ ސެންޓްރަލް ޕާކުގަ އެވެ. ދެ ދުވަހުގެ މި ފެސްޓިވަލް އޮންނާނީ ކޮންމެ ދުވަހެއްގެ ހަވީރު 4 އިން 6 އަށް އަދި ރޭގަނޑު 8 އިން 10 އަށެވެ.

މިއީ އާއިލާއާ އެކު މަޖާ ވަގުތުކޮޅެއް ހޭދަކޮށްލެވޭ ގޮތަށް ރާވާފައިވާ ފެސްޓިވަލެކެވެ. ފެސްޓިވަލުގައި މުނިފޫހިފިލުވުގެ ގިނަ ހަރަކާތްތަކާއި އެކި ގޭމުތަކާއި ކުޅިވަރު ހިމެނޭ ގިނަ ސްޓޯލްތަކެއް ހުންނާނެ އެވެ.

Join us for the Children's Ufaa Festival in partnership with @MSFDmv!? Enjoy a weekend of fun with Snake and Ladder, Drop the Can, Oala's reading corner and many more exciting activities!

? 10th - 11th May 2024
? 16:00 - 18:00 & 20:00 - 22:00
? Hulhumale' Central Park pic.twitter.com/lPmpqezJSZ
— Ooredoo Maldives (@OoredooMaldives) May 9, 2024

ފެސްޓިވަލުގެ ފޯރި އިތުރަށް ގަދަކުރުމުގެ ގޮތުން މާދަމާ ފެސްޓިވަލުގައި އުރީދޫން ފެންކުޅި އަދި ފޯމް ޕާޓީއެއް ބާއްވާނެ އެވެ. މި ޕާޓީގައި އަމިއްލަ ފެންބަޑި ހިފައިގެން އައިސް ބައިވެރިވެވޭނެ އެވެ. މި ހަރަކާތް އޮންނާނީ މާދަމާގެ ހަވީރު 4 އިން 6 އަށެވެ.

ފެސްޓިވަލުގައި މާދަމާ ރޭ 8 ޖަހާއިރު މޫވީ ނައިޓެއް ވެސް އުރީދޫން ވަނީ ރާވައިފަ އެވެ. މި މޫވީ ނައިޓުގައި ދެއްކުމަށް ހަމަޖެހިފައިވަނީ "ވުޑީ ވުޑްޕެކަ ގޯޒް ޓު ކޭމްޕް" ފިލްމެވެ.

އުރީދޫން ބުނީ، ފެސްޓިވަލުގެ މަގުސަދަކީ ކުޑަކުދިންގެ ދުވަހުގެ ފޯރި އިތުރަށް ގަދަކޮށް، އެ ދުވަހު ކުދިންނަށް ތަފާތު މަޖާ ތަޖުރިބާއެއް ހޯދައިދިނުން ކަމަށެވެ.

Comments