އުމުރުން 60 އަަހަރުގައި މިސް ޔުނިވާސްގެ ތާޖު

އާޖެންޓީނާގެ އަންހެނެއް ކަމަށްވާ އަލިހަންޑްރޯ މަރީސާ ރޮޑްރިގާޒް އޭނާގެ އުމުރުން 60 އަހަރުގައި މިސް ޔުނިވާސްގެ ތާޖު ހޯދައިފި އެވެ.

އަލިހަންޑްރޯ އަކީ އާޖެންޓީނާގެ ވެރިރަށް ބިއުނޯސް އާރީސް ސިޓީ އަށް އުފަން ވަކީލެކެވެ. އޭނާ އަށް ލިބުނީ މިސް ޔުނިވާސް ބިއުނޯސް އާރީސްގެ ލަގަބެވެ.

އެހާ ދޮށީ އުމުރެއްގައި މިސް ޔުނިވާސްގެ ޓައިޓަލް އޭނާ އަށް ލިބުމުން ދުނިޔޭގެ ސަމާލުކަން ވަނީ އޭނާ އަށް ލިބިފަ އެވެ. މިހާތަނަށް އެ އުމުރުގައި މި ޓައިޓަލް ލިބުނު ފުރަތަމަ އަންހެނަކީ ވެސް އަލިހަންޑްރޯ އެވެ.

އޭނާއާ އެކު އެ މުބާރާތުގައި 34 މީހުން ބައިވެރިވި އެވެ. އެއީ އުމުރުން 18 އަހަރާއި 73 އަހަރާ ދެމެދުގެ އަންހެނުންނެވެ.

އަލިހަންޑްރޯ ބުނި ގޮތުގައި އެހާ ދޮށީ އުމުރެއްގައި އޭނާ އަށް މި ކާމިޔާބީ ލިބުނީ އޭނާގެ ކެއިންބުއިމުގެ ވައްޓަފާޅި އާއި ސިއްހަތަށް ބަލައިގެން އުޅުމުންނެވެ.

އެ މުބާރާތް ބޭއްވީ މިދިޔަ މަހުގެ 24 ވަނަ ދުވަހު އެވެ.