03 އެޕްރީލް 2024
ޓައިވާނަށް މިއަދު އައި ބާރުގަދަ ބިންހެލުމެއްގައި ބައެއް އިމާރާތްތައް ވެއްޓި ނުވަ މީހަކު މަރުވެ 800 އަށް ވުރެ ގިނަ މީހުން ޒަހަމްވެއްޖެ އެވެ.
ޓައިވާނަށް މިއަދު އައި ބާރުގަދަ ބިންހެލުމެއްގައި ބައެއް އިމާރާތްތައް ވެއްޓި ނުވަ މީހަކު މަރުވެ 800 އަށް ވުރެ ގިނަ މީހުން ޒަހަމްވެއްޖެ އެވެ.
މެގްނިޓިއުޑުން 7.4 ގެ ބާރުމިނުގައި އައި މި ބިންހެލުމަކީ މިދިޔަ 25 އަހަރު ތެރޭ ޓައިވާނަށް އައި އެންމެ ބާރުގަދަ ބިންހެލުން ކަމަށް އޮފިޝަލުން ވިދާޅުވި އެވެ. މި ބިންހެލުމަށް ފަހު އަދިވެސް އިތުރު ލޮޅުންތައް އެރުން އެކަށީގެންވާ ކަމަށް ވަނީ އިންޒާރު ދީފަ އެވެ.
"ބިންހެލުން އައި ވަރަށް ތިލަކޮށް އަދި އެއްގަމާ ކައިރިން. އެހެންވެ މުޅި ޓައިވާނާއި ކައިރި ހުރިހާ ރަށްތަކަށް ވެސް މީގެ އިހްސާސް ކުރެވުނު،" ޓައިޕޭގެ ސެންޓްރަލް ވެދަ އެޑްމިނިސްޓްރޭޝަންގެ ސެއިސްމޮލޮޖީ ސެންޓަރުގެ ޑިރެކްޓަރު ވޫ ޗިއެން-ފޫ ވިދާޅުވި އެވެ.
ޓައިވާނަށް މިއަދު އައި ބިންހެލުމުގައި އިމާރާތްތައް ފުނޑުފުނޑުވެފައި. -- ފޮޓޯ: އޭއެފްޕީ
ޓައިވާނުގައި އަމަލުކުރާ، އިމާރާތްކުރުމުގެ ހަރުކަށި ގަވާއިދުތަކާއި ކާރިސާތަކަށް އާންމުން ހޭލުންތެރިވެފައި ވުމުގެ ސަބަބުން ގިނަ ބައެއްގެ ފުރާނަ ސަލާމަތްވި ކަމަށް ވަނީ ބެލެވިފަ އެވެ.
ވޫ ވިދާޅުވީ މި ބިންހެލުމަކީ 1999 ވަނަ އަހަރުގެ ސެޕްޓެމްބަރު މަހު 7.6 މެގްނިޓިއުޑްގެ ބާރުމިނުގައި އައި ބިންހެލުމަށް ފަހު އައި އެންމެ ބާރުގަދަ ބިންހެލުން ކަމަށެވެ. އެ ބިންހެލުމުގައި ގާތްގަނޑަކަށް 2،400 މީހުން މަރުވި އެވެ.
މިއަދު މެގްނިޓިއުޑް 7.4 ގެ ބިންހެލުން އައީ ޓައިވާން ގަޑިން (0000 ޖީއެމްޓީ) ހެނދުނު 8:00 ގެ ކުޑަ އިރުކޮޅެއް ކުރިން، ޓައިވާންގެ ހޫއަލިއަން ސިޓީގެ ދެކުނުން 18 ކިލޯމީޓަރު (11 މޭލު) ދުރަށެވެ. އެއީ ބިމުގެ 34.8 ކިލޯމީޓަރުގެ އަޑިން އައި ބިންހެލުމެއް ކަމަށް އެމެރިކާގެ ޖިއޮލޮޖިކަލް ސާވޭ (ޔޫއެސްޖީއެސް) އިން ވަނީ ބުނެފަ އެވެ. -- އޭއެފްޕީ
ބިންހެލުމުގައި އިމާރާތްތައް އަރިވެ، ގަނބައިގެން ދިޔަ
ޓިބެޓްގެ ބިންހެލުމުގައި މަރުވި އަދަދު 100 އިން މަތި
ބިންހެލުމެއްގައި ޓިބެޓް ސަރަހައްދުން ބަޔަކު މަރުވެއްޖެ
ރާއްޖެ ކައިރިއަށް ކުޑަ ބިންހެލުމެއް، ނުރައްކަލެއް ނެތް
ވަނުއަޓޫގެ ބިންހެލުމުގައި 14 މަރު، ގެއްލުން ބޮޑު
ބާރުގަދަ ބިންހެލުމެއްގައި ވަނުއަޓޫ ފުނޑިއްޖެ
ޗައިނާގެ 153 މަތިންދާބޯޓު ޓައިވާން ކައިރިން ދިޔަ
އިންޒާރަށް ފަހު ޗައިނާ ސިފައިން ޓައިވާން ވަށާލައިފި
ޓައިވާނުން އެމެރިކާއަށް އަގު ދައްކަންޖެހޭނެ: ޓްރަމްޕް
ހދ.ގެ ރަށްތަކުގެ ބިންގަނޑަށް ލޮޅުމެއް އަތުވެއްޖެ