ހދ. ގެ ބައެއް ރަށްރަށުގެ ބިންގަނޑަށް ލޮޅުމެއް އަތުވެއްޖެ

ހދ. އަތޮޅުގެ ބައެއް ރަށްރަށުގެ ބިންގަނޑަށް މިރޭ ލޮޅުމެއް އައިސްފައިވާ ކަމަށް މޫސުމާ ބެހޭ އިދާރާ އިން ބުނެފި އެވެ.

މެޓް އޮފީހުން ބުނި ގޮތުގައި، ހދ. ހަނިމާދޫގައި ގާއިމު ކޮށްފައިވާ ބިންހެލުން ރިކޯޑް ކުރާ މީޓަރަށް ރާއްޖޭ ގަޑިން މިރޭ 8:27 ގައި ލޮޅުމެއްގެ އަސަރު ކޮށްފައިވާ ކަމަށް ރެކޯޑް ކުރެވިފައިވާ ކަމަށެވެ.

ނަމަވެސް، އޭގެ ސަބަބުން ރާއްޖެއަށް ނުރައްކަލެއް ކުރިމަތިވެދާނެ ކަމަކަށް ލަފާ ނުކުރެވޭ ކަމަށް މެޓް އޮފީހުން ބުންޏެވެ.

މި ލޮޅުމުގެ އަސަރު ކުރި ހދ. އަތޮޅުގެ ވެރިކަން ކުރާ ރަށް، ކުޅުދުއްފުށިން ވާހަކަ ދެއްކި ބައެއް މީހުން ބުނި ގޮތުގައި ފަސް ވަރަކަށް ސިކުންތަށް ލޮޅުމުގެ އަސަރު ކުރި އެވެ.