ރާއްޖޭގެ އުންމީދު ފެނަށް، ވޯލްޑް ކަޕް ކޮލިފައިންއިން ޖާގަ ގެއްލިއްޖެ

ބަންގްލަދޭޝް އަތުން 2-1 ން މިއަދު ބަލިވެ، ވޯލްޑް ކަޕް ކޮލިފައިން ރާއްޖެ އަށް ޖާގަ ގެއްލިއްޖެ އެވެ.

އޭޝިއާ ޒޯންގެ ވޯލްޑް ކަޕް ކޮލިފައިންގެ ފުރަތަމަ ބުރުގެ ދެވަނަ ލެގް މެޗުގައި މިއަދު ޑާކާގެ ބަޝުންދަރާ ކިންގްސް އެރީނާގައި ކުޅުނު މެޗު، ރާއްޖޭން ފެށީ ރަނގަޅު ގޭމެކެވެ. އެޓޭކިން ތާޑްގައި ބަންގްލަދޭޝްގެ ފަހަތަށް ރާއްޖޭން ބާރުބޮޑު ކުރި އެވެ.

އެކަމަކު ކައުންޓަ އެޓޭކު ފުރުސަތެއްގައި ބަންގްލަދޭޝްގެ ރާކިން ހުސައިން މެޗުގެ 11 ވަނަ މިނެޓްގައި އެ ޓީމަށް ލީޑް ނަގައި ދިނެވެ.

ފުރަތަމަ ހާފުގައި، އިބްރާހިމް އައިސަމްގެ ލަނޑުން ރާއްޖޭން ނަތީޖާ ހަމަހަމަ ކުރި އެވެ. އެކަމަކު ދެވަނަ ހާފު ފެށިގޮތަށް މުހައްމަދު ފައިސަލް އަހުމަދު ފާހިމް ބަންގްލަދޭޝް އަށް ލީޑް ނަގައި ދިނެވެ.

މެޗުން މޮޅުވެ ބަންގްލަދޭޝް ވަނީ ކޮލިފައިންގެ ގޫރޫޕް އައި އިން ޖާގަ ހޯދާފަ އެވެ. އެ ގުރޫޕްގައި ދެން ހިމެނެނީ އޮސްޓްރޭލިއާ އާއި ލުބުނާން އަދި ފަލަސްތީނެވެ.