09 ސެޕްޓެމްބަރ 2023
މިއަދު ކުރިއަށްދާ ރިޔާސީ އިންތިހާބުގައި، ވޯޓް ލައްވަން ކުރީގެ ރައީސް އަބްދުﷲ ޔާމީން ރަޖިސްޓަރީ ނުކުރައްވާކަން ހާމަވެއްޖެ އެވެ.
ހުސެއިން ހަބީބް
މިއަދު ކުރިއަށްދާ ރިޔާސީ އިންތިހާބުގައި، ވޯޓް ލައްވަން ކުރީގެ ރައީސް އަބްދުﷲ ޔާމީން ރަޖިސްޓަރީ ނުކުރައްވާކަން ހާމަވެއްޖެ އެވެ.
ރިޝްވަތު ހިފުމާއި މަނީ ލޯންޑަރިންގެ ކުށް ސާބިތުވެ 11 އަހަރުގެ ޖަލު ހުކުމެއްގައި ހުންނެވި ޔާމީން، ހުކުމް ތަންފީޒު ކުރައްވަމުން ގެންދަވަނީ މާފުށީ ޖަލުގަ އެވެ. ޖަލުގައި ތިބޭ މީހުން ވޯޓު ލުމަށް ހާއްސަ ފޮއްޓެއް ބަހައްޓައި ރަޖިސްޓްރީކުރުމުގެ ފުރުސަތު ހުޅުވާލި ނަމަވެސް ޔާމީން ވޯޓަށް ރަޖިސްޓްރީއެއް ނުކުރައްވަ އެވެ.
ގައިދީން ވޯޓުލާން ހަތަރު ޖަލެއްގައި ފަސް ވޯޓް ފޮށި އިލެކްޝަން ކޮމިޝަނުން ވަނީ ބަހައްޓައިފަ އެވެ. މާފުށީ ޖަލުގައި ދެ ވޯޓް ފޮއްޓެއް ހުރެ އެވެ.
ޖަލުގައި ބަހައްޓާ ފޮއްޓަށް ޔާމީން ރަޖިސްޓަރީ ނުކުރައްވާތީ އިލެކްޝަން ކޮމިޝަނުގެ ވޯޓާސް ލިސްޓްގައި އެ މަނިކުފާނިގެ ނަންފުޅު އޮތީ މައްޗަންގޮޅި އުތުރު ދާއިރާގެ ދެވަނަ ވޯޓް ފޮށީގެ ލިސްޓުގަ އެވެ.
މި ފަހަރުގެ އިންތިހާބުގައި ވާދަކުރައްވަން ޔާމީންގެ ފޯމް ހުށަހެޅުއްވިޔަސް ޖަލު ހުކުމާ ހެދި ކެންޑިޑެސީ ބާތިލްވީ އެވެ. އިލެކްޝަންސްގެ އެ ނިންމުން ޕީޕީއެމުން ސުޕްރީމް ކޯޓަށް ހުށަހެޅި ނަމަވެސް ކޯޓުން ވެސް އީސީގެ ނިންމުމަށް ތާއީދުކުރުމުން ޔާމީނަށް ފުރުސަތު ބަންދުވީ އެވެ.
އިދިކޮޅު ކެންޑިޑޭޓެއްގެ ގޮތުގައި މާލޭގެ މޭޔަރު ޑރ. މުހައްމަދު މުއިއްޒު ޕީއެންސީގެ ފަރާތުން ނުކުންނެވީ އޭގެ ފަހުންނެވެ.
މާޗް 2021 ގައި ބޭއްވި ލޯކަލް ކައުންސިލް އިންތިހާބުގައި ވެސް ވޯޓުލާން ޔާމީން ރަޖިސްޓްރީއެއް ނުކުރައްވަ އެވެ.
ރިޔާސީ ޓިކެޓް ޔާމީން ނޫން މީހަކަށް ނުލިބޭނެ: ސައީދު
ޔާމީނާ ނުލައި އިންތިހާބެއް ގަބޫލު ނުކުރާނަން: ޕީޕީއެމް
ޔާމީނަށް އޮތީ އުންމީދެއް، އެކަމަކު ވަގުތެއް ނެތް
"އިންތިހާބަށް ނުކުންނަނީ އަޅުވެތިކަމުން ސަލާމަތްކުރަން"
ޕީޕީއެމްގެ ރިޔާސީ ޓިކެޓް ޔާމީނަށް އަރުވައިފި
ޔާމީންގެ ފިކުރުގެ ވެރިކަމެއް އަންނާނެ: ތޯރިގް
"ޔާމީން ތާއީދުކުރައްވާ ނިޒާމެއް ނަޝީދަކަށް ނޭނގޭނެ"
ޔާމީނަށް ރިޔާސީ ޓިކެޓް ދޭން އިދިކޮޅު ފާސްކޮށްފި
"މުއިއްޒަށް ވެރިކަން ހޯދައިދިނުމަށް މާކުރިން ރޭވިން"
ޔާމީން ބޭނުންވީ ރިވިއު އަށް ފުރުސަތު ހޯދަން
