ޝާހުރުކް ބުނަނީ ސަލްމާނަކީ "ގޯޓް" ކަމަށް

މިހާރު ބޮލީވުޑްގައި އެންމެ އަޑު ގަދަ ފިލްމު، "ޕަތާން" ގައި އެންމެ ފާހަގަކޮށްލެވޭ މަންޒަރަކަށް ފޭނުން ދެކެނީ ކެމިއޯއެއްގެ ގޮތުގައި ސަލްމާން ހާން ފެނުމެވެ. ޓައިގާގެ ރޯލުން ސަލްމާން ފެންނައިރު، އޭނާ އާއި ޝާހްރުކް ހާންގެ "ބްރޯމޭންސް" ފެންނަ ސީނަށް ގިނަބަޔަކު އަންނަނީ ތައުރީފް ކުރަމުންނެވެ.

އަހުމަދު އަރުޝަމް

30 ޖެނުއަރީ 2023

އެ ދެމީހުން އަސްލު ދިރިއުޅުމުގައި އޮންނަ ގާތްކަން ސްކްރީނުން ފެންނަ ފޭނުން ބުނެ އެވެ. މިކަމާ ގުޅުވައިގެން ޝާހު ކުރި ޓްވީޓެއްގައި ވަނީ ސަލްމާނަކީ "ގޯޓް" (ގްރޭޓެސްޓް އޮފް އޯލް ޓައިމް) ނުވަތަ މިހާތަނަށް ފެނުނު އެންމެ މޮޅު އެކްޓަރު ކަމަށް ބުނެފަ އެވެ.

ސަލްމާނާއި ޝާހްރުކް: އެ ދެމީހުން ޕަތާންގައި ފެންނަ ސީނަށް ގިނަ ބަޔަކު ތައުރީފްކުރޭ

ޕަތާން ކިތަންމެ ކާމިޔާބީއެއް ހޯދިޔަސް، ބޮކްސް އޮފީހުގައި އެ ފިލްމަށް ސަލްމާނާ ވާދަނުކުރުވޭނެ ކަމަށް ބުނެ މީހަކު ކޮށްފައިވާ ޓްވީޓަކަށް ޖަވާބު ދެމުން ޝާހް ކުރި ޓްވީޓްގައި ބުނީ ސަލްމާނަކީ "މިހާރު ޒުވާނުން ކިޔާ ގޮތަށް" ގޯޓް ކަމަށެވެ.

Salman bhai is…woh kya kehte hain aaj kal…young log…haan….GOAT. ( greatest of all time ) #Pathaan https://t.co/91HJy8UZxU
— Shah Rukh Khan (@iamsrk) January 28, 2023

އެ ޓްވީޓު ވަނީ ގިނަ ބަޔެއްގެ ސަމާލުކަން ލިބިފަ އެވެ. ޝާހު އާއި ސަލްމާނަކީ ވެސް "ގޯޓް" ކަމަށް އެއްބަޔަކު ބުނާއިރު، އަނެއް ބަޔަކު އަންނަނީ ސަލްމާނުގެ މަޑުމާތްތިރިކަމާއި ހިތްތިރިކަމަށް ތައުރީފު ކުރަމުންނެވެ.

ސިދްހާތް އާންންދު ޑައިރެކްޓްކޮށް، "ޔާޝް ރާޖް ފިލްމްސް (ވައިއާރްއެފް)" އިން އުފެއްދި "ޕަތާން" ފިލްމުގެ ތިން ވަނަ ދުވަހު ގްލޯބަލް ބޮކްސް އޮފީސް ކަލެކްޝަންގެ ގޮތުގައި ލިބުނު އާމްދަނީ ގާތްގަނޑަކަށް 20 މިލިއަން އެމެރިކާ ޑޮލަރަށް ވަނީ އަރައިފަ އެވެ. އެ ފިލްމު ވަނީ ކޮވިޑަށް ފަހު ޕްރީ ރިލީޒް ޓިކެޓް އެންމެ ގިނައިން ވިކުނު ފިލްމުގެ ރެކޯޑު ލިބިފަ އެވެ.

Comments