އިބްރާހިމާއި އާރިޔަން އޮޅުވާލައިފި

ސައިފް އަލީ ޚާންގެ ދަރިފުޅު އިބްރާހިމް އަލީ ހާނާއި ޝާހް ރުކް ޚާނުގެ ދަރިފުޅު، އާރިޔަން ޕަޕަރާޒީންނަށް އޮޅިއްޖެ އެވެ.

ސޯޝަލް މީޑިއާގައި ދައުރުވަމުންދާ ވީޑިއޯއަކުން ފެންނަނީ މުމްބާއީގެ މަޝްހޫރު ރެސްޓޯރަންޓަކުން ނިކުމެ އިބްރާހިމް ކާރަށް އަރަން ދިޔަ ވަގުތު ޕަޕަރާޒީން އެ ސަރަހައްދުގައި އޭނާ ފޮޓޯނަގަން އެއްވެފައި އޮތް މަންޒަރެވެ. އާރިޔަންއޭ ކިޔާ އިބްރާހިމަށް ޕަޕަރާޒީން ގޮވަމުންދިޔަ އަޑު ވެސް އިވެ އެވެ.

އާރިޔަން ކަމަށް ހީކޮށް، އިބްރާހިމް ކައިރީ ފޮޓޯ އަށް ހުއްޓެން ގޮވުމުން ކާރަށް އެރި ގޮތަށް އޭނާ ވަނީ ހޭން ފަށައިފަ އެވެ.

އިބްރާހިމް އޭނާގެ އެކްޓިން ކެރިއަރު ފެށުމުގެ ކުރިން މި ވަގުތު އުޅެމުން އަންނަނީ ކަަރަން ޖޯހަރުގެ ކުރިއަށް އޮތް ފިލްމު "ރޮކީ އޯރް ރާކީ ކީ ޕްރޭމް ކަހާނީ" ގެ މަސައްކަތުގަ އެވެ. އެއީ އާލިއާ ބަޓާއި ރަންވީރް ސިންގް ފެންނާނެ ފިލްމެކެވެ.

ކެމެރާގެ ފުރަގަހުގައި އިބްރާހިމް މި ވަގުތު މަސައްކަތް ކުރަމުން އަޔަސް، އޭނާ ވެސް ވަރަށް އަވަހަށް ފިލްމު ކުޅެން ފަށާނެ ކަމަށްވެ އެވެ.