ކުލަ ވިއްކާ ފިހާރައެއް މުނިހޯމްކެއާ އިން ހުޅުވައިފި

ޔޫރަޕްގެ މަޝްހޫރު ކުލަތަކަށް ހާއްސަ ފިހާރައެއް މުނި ހޯމްކެއާ އިން މާލޭގައި ހުޅުވައިފި އެވެ.

"މުނި ހޯމްކެއާ ޕެއިންޓް ސެންޓަ"ގެ ނަމުގައި ހުޅުވި މި ފިހާރައިން ގިނަ ރޭންޖުތަކެއްގެ ކުލަ ލިބެން ހުންނާނެ އެވެ. އެއީ މުޅިން ވެސް ޔޫރަޕިއަން ޔޫނިއަނުން ސެޓިފައި ކޮށްފައިވާ ކުލަތަކެއް ކަމަށް ވާތީ ކޮލިޓީގެ ޔަގީންކަން އޮންނާނެ ކަމަށް އެ ކުންފުނިން ބުންޏެވެ.

އެ ފިހާރަ އިން ލިބެން ހުންނަ ބްރޭންޑުތަކުގެ ތެރޭގައި އިޓަލީގެ ސެން މާކޯ އާއި ގްރީސްގެ ވިޓެކްސް ބްރޭންޑް ހިމެނެ އެވެ. ސެން މާކޯ އަކީ ގެ އާއި އޮފީސް ފަދަ ތަންތަން ޒީނަތްތެރި ކުރުމަށް ބޭނުން ކުރެވޭ ޑެކޮރެޓިވް ކުލައެކެވެ.

ވިޓެކްސްގެ އެކްރިލެން މެކްސް ކުލައަކީ ގިނަ ދުވަހަށް ހުންނަ ފަނޑު ނުވާނެ ކުލައެކެވެ. އެ ކުލަ ލާފައި ހުންނައިރު އެ ތަނަކަށް ސާފު އަދި ފްރެޝް އިހުސާސް ގެނުވައިދެ އެވެ.

ވިޓެކްސް "ކިޗެން އެންޑް ބާތު" ކުލައަކީ ބަދިގެ އާއި ފާހާނަ އާއި ސީލިން އަދި ބޭސްމެންޓް ފަދަ ތަންތަނަށް އެންމެ އެކަށީގެނންވާ ކުލަ އެވެ. އެ ކުލަލުމުގެ ސަބަބުން ގޭގައި ފެހި ޖެހުމާއި ފަންގަސް ފަދަ ތަކެތި ޖެހުމުން ދުރުކޮށްދެ އެވެ.

މުނި ހޯމްކެއާ އިން ބުނީ އާ ރޭންޖުތަކެއްގެ ކުލަތައް ރާއްޖެ އަށް ތައާރަފުކުރީ ރާއްޖޭގެ ރިއަލްއެސްޓޭޓް އިންޑަސްޓްރީ ކުރިއަރަމުން ދާތީ އެވެ. އަދި އެ ފިހާރައާއެކު މުނި ހޯމްކެއާގެ ކަސްޓަމަރުންނަށް އެއް ފުރާޅެއްގެ ދަށުން ހެޔޮ އަގެއްގައި ގިނަ އަދަދެއްގެ ކުލަ ލިބެން ހުންނާނެ ކަމަށް ވެސް އެ ކުންފުނިން ބުންޏެވެ.

މުނި ހޯމްކެއާ ޕެއިންޓް ސެންޓަރުން ބުނީ، ބޭންކް އޮފް މޯލްޑިވްސް އާއި މޯލްޑިވްސް އިސްލާމިކް ބޭންކް އަދި އެމްއެފްއެލްސީގެ ކްރެޑިޓް ސްކީމްގެ ދަށުން ވެސް ކުލަ ގަނެވޭނެ އެވެ.

މުނި ހޯމްކެއާ ޕެއިންޓް ސެންޓަ ހުންނާނީ ނިކަގަސްމަގު، ލޭބާ ރިލޭޝަންސް އޮތޯރޮޓީ ކަައިރީގަ އެވެ.