16 ޑިސެމްބަރ 2016
އޭއެފްސީން ރާއްޖޭގެ ފުޓްބޯޅައަށް ވެދޭނެ އެހީތަކާ ބެހޭގޮތުން އޭއެފްސީއާ އެކު އެފްއޭއެމްގެ އިސްވެރިން މަޝްވަރާކޮށްފި އެވެ.
އޭއެފްސީން ރާއްޖޭގެ ފުޓްބޯޅައަށް ވެދޭނެ އެހީތަކާ ބެހޭގޮތުން އޭއެފްސީއާ އެކު އެފްއޭއެމްގެ އިސްވެރިން މަޝްވަރާކޮށްފި އެވެ.
މެލޭޝިއާގެ ކުއާލާލަމްޕޫރުގައި ބޭއްވި މި ބައްދަލުވުމުގައި އެފްއޭއެމްގެ ރައީސް ބައްސާމް އަދީލް ޖަލީލާއި ޖެނެރަލް ސެކްރެޓަރީ ހުސެއިން ޖަވާޒުގެ އިތުރުން މޯލްޑިވްސް އޮލިމްޕިކް ކޮމިޓީގެ ރައީސް މުހައްމަދު ޝަވީދު ބައިވެރިވެވަޑައިގެންނެވި އެވެ.
"މިިދިޔަ ދެ އަހަރުގައި އެފްއޭއެމްގައި ވަރަށް ގިނަ ކަންތައްތަކެއް ހިނގައިފި. ދެން އެފަދަ ކަމެއް ތަކުރާރުނުކޮށް ބޭނުންވަނީ ރާއްޖޭގެ ފުޓްބޯޅަ ކުރިއަރުވަން. ފުޓްބޯޅަ އަކީ ރާއްޖޭގައި އެންމެ މަގުބޫލު ކުޅިވަރު. ރާއްޖޭގެ ފުޓްބޯޅަ ކުރިއަރުވަން އޭއެފްސީގެ އެހީތެރިކަން ވަރަށް މުހިއްމު،" ބައްސާމް ބައްދަލުވުމުގައި ވިދާޅުވި އެވެ.
މި ބައްދަލުވުމުގައި އޭއެފްސީން ވަނީ އެ އިދާރާ އިން މެމްބަރު އެސޯސިއޭޝަންތަކަށް ފޯރުކޮށްދޭން ނިންމާފައިވާ އެހީތެރިކަމާއި ހިންގަން ހަމަޖެހިފައިވާ ޕްރޮޖެކްޓްތައް ދައްކާލައިފަ އެވެ.
އެފްއޭއެމްގެ ޖެނެރަލް ސެކްރެޓަރީ ޖަވާޒް "މިހާރަ"ށް ވިދާޅުވީ އޭއެފްސީއާ އެކު ބޭއްވި ބައްދަލުވުމުގެ ސަބަބުން ރާއްޖޭގެ ފުޓްބޯޅަ އަށް ގިނަގުނަ ފައިދާތަކެއް ކުރާނެ ކަމަށެވެ.
"ވަރަށް ކާމިޔާބު ބައްދަލުވުމެއް. އޭއެފްސީއާ މަޝްވަރާކޮށްގެން ދިވެހި ފުޓްބޯޅަ ކުރިއެރުވޭނެ ގިނަ ގޮތްތަކެއް ހޯދޭނެ ކަމުގެ ޔަގީންކަން އެބައޮތް. އޭއެފްސީ ރައީސްގެ އިސްނެންގެވުމާ އެކު ކުރިއަށްގެންދާ ގިނަ ޕްރޮޖެކްޓްތައް ރާއްޖެ އަށް ލިބޭނެ. އޭގެ ތެރޭގައި ދަނޑުތައް ތަރައްގީ ކުރުން ވެސް ހިމެނޭ،" ޖަވާޒް ވިދާޅުވި އެވެ.
ރާއްޖޭގެ ފުޓްބޯޅަ ކުރިއެރުވުމަށް އެފްއޭއެމުން އެކުލަވާލާ ސްޓްރެޓިޖިކް ޕްލޭނަށް އެހީތެރިކަން ފޯރުކޮށްދިނުމަށް އަންނަ އަހަރުގެ ކުރީކޮޅު އޭއެފްސީގެ މެމްބަރު އެސޯސިއޭޝަން ޑިވެލޮޕްމެންޓް ޑިޕާޓްމެންޓުގެ ވަފުދެއް ރާއްޖެ އަށް ޒިޔާރަތް ކުރުމަށް ވަނީ ހަމަޖެހިފަ އެވެ.
އެފްއޭއެމުން ވަނީ މި މަހު އޮތް ފީފާގެ އެގްޒެކްޓިވް ކޮމިޓީގެ ސަމިޓްގައި ރާއްޖޭގެ ފުޓްބޯޅަ އަށް ހުރި ގޮންޖެހުންތައް ހިއްސާކޮށްފަ އެވެ. އަދި އެ ބައްދަލުވުމުގައި ފީފާއިން ވެސް ވަނީ ރާއްޖޭގެ ފުޓްބޯޅަ އަށް ގިނަ އެހީތަކެއް ދޭން އެއްބަސްވެފަ އެވެ.
"ކުޅިވަރުގެ އެންމެ ނުފޫޒު ގަދަ މީހާ"
އެފްއޭއެމްގެ ހިޔާނާތް:އަމިން ކޮންސްޓްރަކްޝަނަށް ތުހުމަތު
އެފްއޭއެމްގެ އެކައުންޓްތަކުގައި ފައިސާއެއް ނެތް: ޒުހޫރު
އެފްއޭގެ ފައިސާއިން ބައްސާމް ގަތީ އެޕާޓްމަންޓް: ޕޮލިސް
އެސްޓީއޯ އަށް ފައިސާ ދައްކަން އެފްއޭއެމަށް އަމުރުކޮށްފި
ފީފާގެ ކޮމިޓީއާ އެކު އެފްއޭއެމަށް އެންމެ ފަހުން ދިރުން
ބައްސާމުގެ ދައުރު ހަމަވަނީ، ފީފާ އިން ގޮތެއް ނުނިންމާ
ފީފާއިން ބައްސާމް ސަސްޕެންޑް ކޮށްފި
ބައްސާމްގެ ދައުރު ނިމެނީ، ރާއްޖެ ފީފާގެ އިންތިޒާރުގައި
ދަނޑުގައިހުންނަ އެފްއޭއެމްގެ އޮފީހަށް ފުލުހުން ވަދެއްޖެ